2. Mose 32:13 - O Debleskro Lab 2024 (Sinte-Manouche)

¹³ Ma biste tire boudepangren, o Abraham, o Isaak oun o Yakob! Kolenge dal tout sovel oun penal: Me moukau t'mare čaven boudeder te vell har i momlia an o bolepen. Kava tselo them, kay me penom, te vell lo t'maro, dau t'mare čavende, te djivenn le kote hako tsireske.”

O Debleskro Drom 2021 (Sinte)

¹³ Ma biste tire budepangren, o Abraham, o Isaak un o Jakob! Kolenge dal tut sowel un penal: ‘Me mukau tumare tchawen budeder te well har i momlia an o bolepen. Kau tselo them, kai me penom, te well lo tumaro, dau tumare tchawende, te djiwenn le kote hako tsireske.’”

2. Mose 32:13 ပူးပေါင်းရင်းမြစ်များ

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Mose 15:5

Oun o Devel anas les vin oun penas: “Dik an o bolepen! Oun dik i bolepangre momlia! Nay peneh tou, har boud kolla hi? Yaake boud menshe venna toutar.”

1. Mose 15:7

Oun o baro Devel penas ap leste: “Me hom o baro Devel, kay anom tout dran o foro Our, hoy an o them Kaldea hi. Kava them, kay tou kanna hal, dau tout, te vell kova tiro them.”

1. Mose 17:8

Oun me dau tout oun tire čaven kava them, kay tou kanna i vi-themari hal. Kava tselo them Kanaan vell lengro hako tsiro. Oun me hom lengro Devel.”

1. Mose 22:16

oun penas: “O baro Devel penell: Tou kamal tiro yek čaves mange te marell. Kova kamal tou mange te krell. Doleske dau man ap mande sovel, te čivap miri zoor oun miri barht ap toute. Oun toutar venna boud boud menshe. Yon venn yaake boud har bolepangre momlia ap o bolepen hi, oun har i santa pash o baro pani. Oun tire čave, kay pal toute venna, venna ray pral kolende, kay kourenn pen lentsa oun lenn kolengre forya krik.

1. Mose 24:7

O baro Devel, o Devel pral o bolepen, anas man vin dran miro dadeskro kheer oun miro dadeskro them, oun rakras mantsa. Oun das pes sovel, te dell lo mire čaven kava them, kay kanna hom. Kova bičrell peskro bolepaskres glan toute, te less miro čaveske i romyat mire menshendar.

1. Mose 48:16

ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

2. Mose 13:11

Ap ko tsiro, kay anas t'men o baro Devel an o them, har yob pes glan toute oun tire phourende sovel das, te dell lo les t'mende, – ko them, kay kanna i Kanaanitarya djivenna, –

2. Mose 13:5

O baro Devel das pes sovel glan t'mare phourende, te dell lo t'men ko them, kay djivenn kanna i Kanaanitarya, i Hetarya, i Amorarya, i Hivarya oun i Yebousarya. Kova hi i them, kay hi boud thoud oun gvin dren. Ap ko tsiro, kay anas t'men o baro Devel an ko them, krenn pale yaake hako bersh an o čon Abib:

2. Mose 33:1

O baro Devel penas ap o Moseste: “Djan doureder, tou oun kol menshe, kolen tou dran o them Egiptia vin anal. Djan an ko them, kay me man sovel dom glan o Abraham, o Isaak oun o Yakob oun lenge penom: T'mare čaven dau me kava them.

3. Mose 26:42

palle kamau koy sovel, hoy o Yakobeske dom, gar bistrell, vitar gar koy sovel, hoy o Isaakeha dren djom, oun koy sovel, hoy o Abrahameha krom. Oun bistrau gar, te penom lenge, te dap o them lengre čavenge, kay pal lende venna.

5. Mose 1:10

T'maro baro Devel kras t'men yaake boud. T'mer han kava dives yaake boud har kol momlia an o bolepen hi.

5. Mose 7:8

Dran peskro kamlepen t'menge rodas o baro Devel t'men vin, te rikrell lo peskri sovel dren, hoy yob t'mare phourende das. Doleske anas lo t'men peskro zorelo vasteha vin dran o them, kay pandlo hans, dran o vast o Faraestar, ko rayestar pral Egiptia.

5. Mose 9:27

Ma biste tire boudepangre, o Abraham oun o Isaak oun o Yakob! Ma dik koy pre, te hi kal menshen kay djia har barra. Ma dik ap lengro čilačepen, oun ap koy doosh hoy le ap pende anan.

Hebrearja 6:13

Te dell i mensho peskro lab, dell lo peskro dadeskro vast koy pre. Leskro dad hi bareder har yob. Yaake sikrell lo o vavares, te krell lo čačepah kova, hoy yob penas. Oun ko vavar patsell les. Har das o Devel o Abrahameste peskro lab, das lo peskro vast koy pre. His kek, kay his bareder har o Devel. Oun o Devel penas: Čačepah, boud barht moukau pral toute te vell, oun toutar venna boud boud čave. Oun o Abraham patsas o Debles, oun vitsras gar peskro patsepen ap i rig. Oun yaake las lo kova, hoy o Devel leske penas.