2. Mose 31:7 - O Debleskro Lab 2024 (Sinte-Manouche)

⁷ O Debleskro plarhteno kheer, o morhton, kay o Debleskre deesh laba dren hi, o pralstouno kotar koy pre, hoy sikrella, kay o Devel lačo ap peskre menshende hi, ninna o tselo vavar koova, hoy an o kheer vell:

O Debleskro Drom 2021 (Sinte)

⁷ O Debleskro plachteno kheer, o mochton, kai o Debleskre deesh laba dren hi, o pralstuno kotar koi pre, hoi sikrella, kai o Dewel latcho ap peskre menshende hi, ninna o tselo wawar koowa, hoi an o kheer well:

2. Mose 31:7 ပူးပေါင်းရင်းမြစ်များ

2. Mose 36:8

Yaake kran kol tsele boudepangre, kay hayvan mishto shoukar koova te krell, o Debleskro kheer dran deesh pesse plarhte. Kolla van sido dran lačo zorelo layntikro than, kay ninna kouč bakrengro bal dren hi. Kova his blaueto, lolo oun lolo har yag. An kol plarhte van bolepangre dren sido an shoukar vastengri boudi.

2. Mose 37:1

Oun o Bezalel kras ko morhton dran akatstikro kasht, 125 (sheel-te-biish-te-panč) centimetarya lengsto, oun 75 (efta-desha-te-panč) centimetarya bourhlo oun ninna yaake pral.

2. Mose 37:6

Oun yob kras o pralstouno kotar, hoy čakrell o morhton dran lačo sonakay. Kova his 125 (sheel-te-biish-te-panč) centimetarya lengsto oun 75 (efta-desha-te-panč) centimetarya bourhlo.

2. Mose 39:32

Yaake vas koy tseli boudi kerdo: kol tsele kotya o Debleskro plarhteno khereske, oun lauter, hoy koy pashel hi. I Israelitarya kran lauter yaake, har o baro Devel o Moseske penas.

2. Mose 40:1

O baro Devel rakras o Moseha oun penas:

2. Mose 40:3

Oun čip ko morhton dren, kay o Debleskre deesh laba dren hi. Glan o morhton pande ko kouč kotar than pre!