2. Mose 31:6 - O Debleskro Lab 2024 (Sinte-Manouche)

⁶ Shoun, me rodom ninna i vavares vin, te djal lo leske pash o vast. Kova hi o Oholiab. Leskro dad hi o Ahisamak, dran o kheer Dan. Lentsa boudrenn hake vavar, kay hayvenn mishto lengre vastentsa te boudrell. Lenge dom me o gosvepen an o dji, te krenn le lauter yaake, har me touke penom:

O Debleskro Drom 2021 (Sinte)

⁶ Shun, me rodom ninna i wawares win, te djal lo leske pash o wast. Kowa hi o Oholiab. Leskro dad hi o Ahisamach, dran o kheer Dan. Lentsa budrenn hake wawar, kai haiwenn mishto lengre wastentsa te budrell. Lenge dom me o goswepen an o dji, te krenn le lauter jaake, har me tuke penom:

2. Mose 31:6 ပူးပေါင်းရင်းမြစ်များ

1. Rajengro liil 3:12

Doleske krau yaake har tou kova mandar mangal. Me dau tout i gosevo dji, te hayvess halauter, hoy glan toute vella. Yaake his pash kekeste glan toute. Oun pal toute vell vitar kek, har tou hal.

2. Mose 28:3

Rake kolentsa, kolen me lače vasta oun o gosvepen dom, te hayvenn le mishto te sivell. Pen lenge, te krenn le ripya o Aroneske, te vell yob mange i rashay.

2. Mose 31:5

Ninna hayvell lo kouč barra te činell oun an goustria te čivell. Ninna nay dell lo shoukar koova vin čourye dran kasht, yaake te nay krell lo haki boudi.

2. Mose 35:10

Koon mank t'mende hayvell shoukar koova te krell, kova te vell oun boudrell mentsa, te nay kras mer, hoy o baro Devel penas menge:

2. Mose 35:34

O Devel das les ninna o gosvepen an o dji, te sikrell lo i vavaren, har te krenn le kay boudi. Ko gosvepen das o baro Devel ninna o Oholiab. Koleskro dad hi o Ahisamak, dran o kheer Dan.

2. Mose 35:35

O baro Devel das kol douyen, o Bezalel oun o Oholiab, o gosvepen, te hayvenn le mishto sonakaskro koova te krell, ninna shoukar plarhte dran lačo layntikro than oun dran kouč bakrengro bal, hoy blaueto, lolo oun lolo har yag kerdo vas. Ninna nay sivenn le shoukar koova an kol kotya than. Yaake nay krenn le haki boudi, oun hayvenn, an pengro shero glan-vi te dikell, har te krenn le lat.

2. Mose 35:4

O Mose penas ap i tsele Israelitarya: O baro Devel penell t'menge:

2. Mose 36:8

Yaake kran kol tsele boudepangre, kay hayvan mishto shoukar koova te krell, o Debleskro kheer dran deesh pesse plarhte. Kolla van sido dran lačo zorelo layntikro than, kay ninna kouč bakrengro bal dren hi. Kova his blaueto, lolo oun lolo har yag. An kol plarhte van bolepangre dren sido an shoukar vastengri boudi.

2. Mose 6:26

Kova Aron oun kova Mose hi kolla, ap kolende o baro Devel penas: “Anenn i Israelitarya vin dran o them Egiptia! Anenn len yaake vin, te djal haki bari familya khetne!”

Louka 10:1

Pal kova rodas o Yezous vavar efta-deesh morshen vin. Oun yob bičras len ap o drom glan peste, te djan le an i forya oun gaba, kay yob ninna vella. Hako kopo djan douy morsha khetne.

Bičepangre 13:2

His i dives, kay sharan le o Debles oun rhan či, te venn le leske feteder koy. Koy penas lenge o Debleskro Dourho: “Bičrenn o Barnabes oun o Saules vin, te krenn le koy boudi, hoy me len dau. Me dom len gole, te krenn le kova.”

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.