2. Mose 31:17 - O Debleskro Lab 2024 (Sinte-Manouche)

¹⁷ O Debleskro dives hi i sikepen mange oun mire menshenge, i Israelitarya, hoy hako tsiro ačella. An shob divessa kras o baro Devel o bolepen oun i phoub. Oun o eftato dives kras yob či oun las nevi zoor.

O Debleskro Drom 2021 (Sinte)

¹⁷ O Debleskro diwes hi i sikepen mange un mire menshenge, i Israelitarja, hoi hako tsiro atchella. An shob diwessa kras o baro Dewel o bolepen un i phub. Un o eftato diwes kras job tchi un las newi soor.

2. Mose 31:17 ပူးပေါင်းရင်းမြစ်များ

1. Mose 1:31

Oun o Devel dikas halauter, hoy yob kras, oun čačepah halauter his mishto. Oun vas rati oun pale taysarlakro. Kova his o shobto dives.

Hiob 38:7

Har lo čiddo vas, givan i tsele bolepangre momlia, hoy tsalla pre djan, oun i bolepangre dan gole i barhtyatar.

Debleskri gili 104:31

O Debleskro raylepen mou ačella hako tsiro! Mou vell lo barhtelo pral kova, hoy yob kras!

2. Mose 20:11

An shob divessa kras o baro Devel o bolepen oun i phoub, o pani oun halauter, hoy koy dren hi. Oun o eftato dives kras lo či. Doleske penas lo: Kava dives hi i baro dives mange. Kava dives hi miro.

2. Mose 31:13

Pen ap i tsele Israelitarya: Rikrenn o Debleskro dives t'menge! Kova sikrell t'men, kay me t'maro Devel hom, oun t'mer mire menshe han an hako tsiro. Kova hi t'menge oun t'mare čavenge oun lauterenge, kay pal t'mende venna, te dikenn t'mer, te rodom me, o baro Devel, t'men vin, te venn mire menshe.

2. Mose 31:16

Doleske hounte rikrenn i Israelitarya o Debleskro dives hako tsiro, yon oun lengre čave oun lauter, kay pal lende venna, yaake har krom me kova lentsa vin.

Jesaja 58:13

Te rikreh tire herya pale, te djas gar ap i boudi ap o Debleskro dives, oun djah gar i lovenge palla ap ko dives, hoy mange hi, oun peneh: Kova hi miro shoukeder dives, kay sharau o baro Debles oun mangau les an, te shareh les tou yaake, te djas gar ap i boudi oun kek lovenge palla, oun kreh kek bare laba,

Jeremia 32:41

Miro dji sala, te nay krau lenge lačepen. Oun me moukau len zoreles an kava them vell, oun yon hounte moukenn les bouder gar. Čačepah, kova krau miro tselo djiyeha oun miri tseli zoryah.

Ezekiel 20:12

Ninna čivom o dives dren, hoy mange hi, kay hounte boudrenn le gar. Ko dives his o sikepen koleske, hoy vin kram. Yaake kamom, te djinenn i Israelitarya, kay me, o baro Devel, rodom len mange vin, te venn le mire menshe.

Ezekiel 20:20

Oun rikrenn o Debleskro dives dren, te krenn kek boudi ap leste. Ko dives hi i sikepen koleske, hoy vin kram, te djinenn t'mer, te hom me, o baro Devel, t'maro Devel.

Hebrearja 4:10

Kote hounte krenn i menshe bouder kek boudi, yaake har o Devel bouder kek boudi kras, har lauter ap i phoub kerdo vas.