2. Mose 30:35 - O Debleskro Lab 2024 (Sinte-Manouche)

³⁵ Oun čip kova yaake khetne, har kolla krenna, kay kova mishto hayvenna, te vell lestar i soungepaskro koova, hoy rhačedo vell o Debleske. Čip ninna loon koy pashel, te vell ko koova djoudjo. O Debleske hi lo.

O Debleskro Drom 2021 (Sinte)

³⁵ Un tchip kowa jaake khetne, har kolla krenna, kai kowa mishto haiwenna, te well lestar i sungepaskro koowa, hoi chatchedo well o Debleske. Tchip ninna loon koi pashel, te well ko koowa djudjo. O Debleske hi lo.

2. Mose 30:35 ပူးပေါင်းရင်းမြစ်များ

1. Rajengro liil 1:39

Oun o rashay Zadok las o djet dran o Debleskro plarhteno kheer, oun makas o Salomes koleha dren. Oun yon phourdan an i phourdepangre, oun i tsele menshe dan gole: “I rah djipen o baro rayeske, o Salomo!”

1. Familjakro liil 9:30

Koy his ninna rashaya, kay kran ko soungepaskro djet.

Debleskri gili 133:2

Kava hi yaake har ko lačo makepaskro djet, hoy ap o Aroneskro shero čoredo vell, oun tele nashella ap leskri čora, oun kotar doureder ap i meen leskro gadestar.

2. Mose 28:41

Palle rib o Aroneske oun leskre čavenge kol koola an. Le djet oun mak len o Debleske oun de len an lengri boudi, te venn le mange rashaya.

2. Mose 30:25

Kre kolestar i kouč djet, hoy maklo vell ap o tselo koova, hoy o Debleske hi. Mouk les yekestar khetne te krell, kay kova mishto hayvell.

2. Mose 30:34

Oun o baro Devel penas ap o Mose: Le touke ko kouč koova, hoy mishto soungella: roukengro djet, Onyx, bourrengro djet, ninna djoudjo soungepaskro koova, hoy kharella encens. Hakenestar le yaake boud har ko vavarestar!

2. Mose 30:36

Palle kre les tiknes, yaake tiknes har djala, oun čip ninna lestar glan ko morhton, kay o Debleskre deesh laba dren hi, an o Debleskro plarhteno kheer, kote, kay vau me pash toute. Denn yak! Kava soungepaskro koova, hoy t'mer o Debleske kran, hi leske kokres!

Gosewe laba 27:9

Djet oun soungepaskre kashta krenn o dji barhteles. Feteder hi o djiyeskro kamlepen i malestar.

Kamlepaskri gili 1:3

Tiro soungepaskro djet soungell yaake lačo. Hakeno prindjrell tout. I tsele ča kamenn tout.

Kamlepaskri gili 3:6

Koon hi kolla, kay venn pre dran o moulo tato them, har i yagakro dourho, hoy pre djal, te vell soungepaskro koova rhačedo? Lačo khand vell pash mende, dran ko soungepaskro koova, hoy i parepangre anenn.

3. Mose 16:12

Palle djal lo pash ko sonakaskro bob, hoy glan o baro Debleste tardo hi, oun lell kolestar i sasterno čaro pherdo kasht, hoy rhačell, oun douy vasta pherdo soungepaskro koova, oun djal koleha pal ko voudar dran than an i kouč isema.

3. Mose 2:13

Ko tselo rhapen, hoy tou o baro Debleske aneh, hounte vell londo. Ko loon hi i sikepen, kay kova, hoy o Devel t'mentsa vin kras, hako tsiro ačell. Doleske aneh leske kek rhapen dran djob, vitar kek firhen, kay kek loon pashel kerdo vas.

Johanni 12:3

Oun i Maria las i toushni, kay boud lačo oun kouč djet dren hi, oun čoras kova pral o Yezouseskre pire. Peskre ballentsa khossas yoy leskre pire. Oun an o tselo kheer his o lačo soungepen o djetestar.