2. Mose 30:31 - O Debleskro Lab 2024 (Sinte-Manouche)

^31-32 Ap i Israelitarya pen: Ko djet hi o Debleskro djet. Lenn les kokres te makenn i rashaya mange. Ma makenn les ap i vavar mensheste. Oun ma krenn t'menge i djet, hoy ninna kova lauter dren hi har an kava djet. O Debleskro djet ačell lo. Rikrenn t'men ap kova hako tsiro, t'mer oun t'mare čave, hoy pal t'mende venna.

O Debleskro Drom 2021 (Sinte)

^31-32 Ap i Israelitarja pen: Ko djet hi o Debleskro djet. Lenn les kokres te makenn i rashaja mange. Ma makenn les ap i wawar mensheste. Un ma krenn tumenge i djet, hoi ninna kowa lauter dren hi har an kawa djet. O Debleskro djet atchell lo. Rikrenn tumen ap kowa hako tsiro, tumer un tumare tchawe, hoi pal tumende wenna.

2. Mose 30:31 ပူးပေါင်းရင်းမြစ်များ

Debleskri gili 89:20

Glan i rah tsiro rakral tou ap yekeste tire menshendar an i visiona oun penal: “Me dom miro vast i čačo morsheste, te vell lo ap t'mari rig. Me rodom les vin dran mire menshende, te vell lo baro ray.

2. Mose 29:21

Le ko ratestar, hoy ap o Debleskri rhačepaskri hi, oun čip les an o makepaskro djet oun vitse les ap o Aron oun leskre koola oun ap leskre čavende oun lengre koola, te vell yob oun leskre koola o Debleske, ninna leskre čave oun lengre koola, te venn le o Debleske.

2. Mose 30:30

Yaake kress kova ninna o Aroneha oun leskre čaventsa. Mak len o djeteha, te venn le rashaya mange.

2. Mose 37:29

Oun yob kras o makepaskro djet, koleha yon o Debleskro koova dren makenn. Ninna kras lo ko kouč soungepaskro koova, hoy rhačedo vell. Kova lauter kras yob yaake har kolla, kay kova mishto hayvenna.

3. Mose 21:10

O pralstouno rashay, ap koleskro shero o djet čoredo vas, har vas lo an peskri boudi dren čiddo, oun ap koleste i rashayengre koola hi, kova moukell peskro shero gar divyes vin dikell. Oun kol koola, hoy lo ap peste hi, tserdell lo gar an kotya, ap ko tsiro, kay rovell leskro dji pral i mouleste.

3. Mose 8:12

Palle las o Mose ko djet, oun čoras kolestar ap o Aroneskro shero, oun kras yaake, te vell yob o baro Debleskro rashay.