2. Mose 30:13 - O Debleskro Lab 2024 (Sinte-Manouche)

^13-14 Hako morsh, kay hi biish bersh oun phoureder, kova dell man i paash kotar roup. Ko paash roupeno kotar hounte vell yaake pharo har kolla an o Debleskro kheer: shob gramme pharo.

O Debleskro Drom 2021 (Sinte)

^13-14 Hako mursh, kai hi biish bersh un phureder, kowa dell man i paash kotar rup. Ko paash rupeno kotar hunte well jaake pharo har kolla an o Debleskro kheer: shob gramme pharo.

2. Mose 30:13 ပူးပေါင်းရင်းမြစ်များ

1. Mose 23:15

“Miro ray, shoun ap mande! Hoy hi i kotar them mange oun touke, hoy molella star-sheel roupene beme? Kova hi či! Paske tiri romyat kote!”

2. Rajengro liil 12:4

Kokres kol moulne platse moukas lo gar khetne te dell, kay rhačran i menshe i moule deblenge firhen oun soungepaskro koova.

2. Rajengro liil 12:5

Oun o Yoash penas ap i rashayende: “Lenn ko tselo roup, hoy i menshe anenna an o baro Debleskro kheer: kol love, hoy hounte denn le, oun ninna kol love, hoy denn le pendar dran o dji.

2. Mose 38:24

Ko sonakay, hoy yon pendar dan, his boudeder har 29 (biish-te-enya) centnarya. Yek centnari his yaake boud har yek centnari an o Debleskro kheer pharo his.

2. Mose 38:26

I tsele morsha, kay phoureder his har biish bersha, his 603.550 (shob-sheel-te-triin-zerya-panč-sheel-te-panč-desha) morsha. Hakeno lendar das i paash roupeno kotar. Yek paash kotar roup his yaake boud har yek paash kotar roup an o Debleskro kheer pharo his.

Ezekiel 45:12

Oun kol barra, hoy sikrenn har pharo čomone hi, hounte sikrenn o čačo pharepen.

3. Mose 27:25

Kol roupene beme hoy playsedo venn, te vell čomone pale ginlo, hounte venn yaake pharo har i roupene beme an o Debleskro kheer pharo hi. Yek roupeni bema hi 12 (deesh-te-douy gramme) pharo.

3. Mose 27:3

I morsheske, kay mashkral 20 (biish) bersha oun 60 (shob-deesh) bersha hi, koleske playsrell lo i 50 (paash-sheel) roupene beme. Yek bema hounte vell yaake pharo har i roupeni bema an o Debleskro kheer pharo hi.

3. Mose 5:15

Te dals yek gar o baro Debleste, hoy hounte dals lo leste, rhorhras lo o baro Debles, ninna te djinas lo kova gar. Yob hounte anell o Debleske i bakro, hoy sasto hi, te vell leskri doosh pale mishto. Kava bakro hounte vell yaake boud roupene beme moldo, har tou peneh. Yek roupeni bema hi yaake pharo har i roupeni bema an o Debleskro kheer hi.

4. Mose 18:16

I morsh čaveske less tou panč roupene kotya ap ko tsiro, kay hi lo yek čon phouro. Yek kotar roup hi deesh-te-douy gramme pharo. Yek grammi hi yaake boud har yek grammi an o Debleskro kheer hi.

4. Mose 3:47

Hakeneske lendar less tou panč kotya roup. Yek kotar roup hounte vell yaake pharo har kol kotya roup an o Debleskro kheer hi: deesh-te-douy gramme pharo.

4. Mose 7:86

Hako tikno sonakaskro čaro his 120 (sheel-te-biish) gramme pharo. Khetne his kova 1.440 gramme (yek kilogramme oun star-sheel-te-star-desha gramme) sonakay. Yek grammi his yaake pharo har yek grammi an o Debleskro kheer pharo his. Kol sonakangre čare his pherdo soungepaskro koova, hoy rhačedo vella.

Mateo 17:24

Oun yon djan an o foro Kapernaum. Kote his kolla, kay lenn o Debleskro khereskre love khetne. Kolla van pash o Petreste, oun poučan lestar: “Dell t'maro sikepaskro kol Debleskro khereskre love?” “Ava,” penas lo, “kova playsrell yob.”

Mateo 21:12

Oun o Yezous djas an o Debleskro baro kheer, oun tradas lauteren vin, kay kote bikran oun ginan. Oun yob vitsras i lovengre stamya kolendar trouyel, kay kol menshenge love paran. Ninna i stamya kolendar, kay čirkle bikran, vitsras lo trouyel.

Mateo 27:24

Har o Pilato dikas, te nay krell lo či, oun te venn le divyeder, las lo pani, thovas peskre vasta glan i tsele menshende, oun penas: “Me anau kek doosh ap mande, te vell lo maredo. Koy doosh vell ap t'mende.”