2. Mose 29:9 - O Debleskro Lab 2024 (Sinte-Manouche)

⁹ Palle čip lenge o pereskro pandepen trouyel oun čip i rashayengre stadja ap lengre shere, te venn le mange rashaya hako tsireske. Oun yaake aneh tou len an lengri boudi:

O Debleskro Drom 2021 (Sinte)

⁹ Palle tchip lenge o pereskro pandepen trujel un tchip i rashajengre stadja ap lengre shere, te wenn le mange rashaja hako tsireske. Un jaake aneh tu len an lengri budi:

2. Mose 29:9 ပူးပေါင်းရင်းမြစ်များ

2. Mose 28:1

Mouk tiro phrales, o Arones, oun leskre morsh čaven glan toute te anell. Kolen rodom vin dran i vavar Israelitarya, te venn le mange rashaya: o Nadab, o Abihu, o Elazar oun o Itamar.

2. Mose 32:29

O Mose penas ap i Levitarya: “Kava dives van t'mer rashaya o baro Debleske. T'mer rikran t'men gar pale, te maran ninna t'mare morsh čaven oun phralen. Doleske čivell o baro Devel peskri barht ap t'mende.”

2. Mose 40:15

Oun mak len o djeteha yaake har makal lengro dad, te venn le mire rashaya. Yon oun lengre čave pal lende te venn le maklo o djeteha, te venn le mire rashaya hako tsireske.

3. Mose 8:1

Oun o baro Devel penas ap o Mose:

3. Mose 8:13

Oun o Mose moukas o Aroneskre čave glan te vell, oun rivas lenge i layntikre gada an, oun pandas lenge i pereskro pandepen trouyel, oun čivas i rashayengre stadja ap lengre shere. Kova lauter kras lo yaake, har o baro Devel kova leske penas.

3. Mose 8:33

Ačenn efta divessa glan o voudar o baro Debleskro kherestar! Djan gar kotar krik, bis te kol divessa trouyel hi, kay i firhe maredo oun rhačedo venn doleske, kay venn t'mer dren čiddo an t'mari boudi.

4. Mose 16:10

Yob moukas tout, o Korah, oun tire tsele phralen, kol Levitarya, pash leste te vell. Oun t'mer kamenn kanna ninna rashay te vell!

4. Mose 16:35

Oun o baro Devel bičras yag, kay rhas kol 250 (douy-sheel-te-paash-sheel) morshen pre, kay anan ko soungepaskro koova o Debleske.

4. Mose 18:7

Tou oun tire čave, t'mer han mire rashaya, te krenn t'mari boudi pash o Debleskri rhačepaskri oun dren an o kouč isema, hoy pal o voudar dran o kouč kotar than hi. Kay boudi dom me t'men. Te vell yek vavar pash o Debleskro koova, hoy koy dren hi, hounte merell lo.

4. Mose 25:13

oun doleske vess tou oun tire čave pal toute hako tsireske mire rashaya. Tiro dji rhačas tiro Debleske oun tou kral, te vas kol Israelenge i doosh krik lino.”

4. Mose 3:10

Ap o Aroneste oun ap leskre čavende hounte peness tou, te denn yon yak, te krell kek vavar lengre rashayeskri boudi. Te vell i vavar, te krell lo kay boudi, hounte merell yob.”

5. Mose 18:5

T'maro baro Devel rodas peske o kheer Levi vin dran i tsele Israelitaryen, te venn i morsha dran o kheer Levi leskre rashaya hako tsireske.

Hebrearja 5:10

Oun o Devel penas ap leste: Tou hal i baro rashay glan mande, har glan i rah tsiro o Melkisedek his.

Čačepangre 17:5

Ko morshes Mika his i debleskro kheer peske oun peskri familyake. Oun yob kras i rashayeskri damdira oun khereskre debla, oun rodas yek peskre čavendar vin, te vell lo leskro rashay.

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.