2. Mose 29:45 - O Debleskro Lab 2024 (Sinte-Manouche)

⁴⁵ Oun me djivau mashkral i Israelitarya oun hom lengro Devel.

O Debleskro Drom 2021 (Sinte)

⁴⁵ Un me djiwau mashkral i Israelitarja un hom lengro Dewel.

2. Mose 29:45 ပူးပေါင်းရင်းမြစ်များ

1. Mose 17:8

Oun me dau tout oun tire čaven kava them, kay tou kanna i vi-themari hal. Kava tselo them Kanaan vell lengro hako tsiro. Oun me hom lengro Devel.”

1. Rajengro liil 6:13

oun me kamau te djivap an kava kheer, hoy tou mange kreh, mank i Israelitarya, oun kamau mire menshen Israel gar kokres te moukell.”

2. Familjakro liil 6:18

Nay vell čačo, kay o Devel kamell te djivell pash i menshende ap i phoub? O tselo bolepen hi gar bares doha, te rikrell lo tout. Har nay krals kova kava kheer, hoy me moukom te krell?

Debleskri gili 114:2

koy vas o them Youda kova them, kay le o baro Debles an-mangan. Oun o Israel vas kova them, pral koleste yob o baro ray hi.

Debleskri gili 68:18

Boud zerya vourdya hi o Debles. Lentsa vas lo ap i berga Sinay, oun djal dren an peskro kheer.

2. Mose 15:17

Tou aneh len ap i berga, hoy tou touke vin rodal, kote, kay tou khere hal, te djivenn le pash toute. Koya berga hi tiro kheer, baro Devel, hoy tou touke tire vastentsa kral, te vess kote sharedo.

2. Mose 25:8

Kamau lendar, te krenn le mange i kheer, te djivap nay mashkral lende.

2. Mose 29:44

Yaake lau miro plarhteno kheer oun i sasterni rhačepaskri mange, ninna o Arones oun leskre čaven, te venn le mange rashaya.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

Jeremia 14:9

Hoske kreh tou, har te djinals gar, hoy te kress, har te vals i kourepaskro kek zoryah? Čačepah, baro Devel, tou hal pash mende. Mer ham tire menshe. Ma mouk men!

Ezekiel 34:24

Oun me, o baro Devel, vau lengro Devel. Oun ko morsh, kay hi har miro boudepaskro, o David, vell o ray mank lende. Kava penau me, o baro Devel.

Ezekiel 43:7

Yob penas ap mande: Tou, mensho, kate hi koy platsa, kay miri beshepaskri tardo hi oun ko banko, ap koleste mire pire čivau. Kate djivau hako tsireske mashkral i Israelitaryen. Oun i Israelitarya anenn bouder gar ladj ap mande, yon gar oun lengre bare raya vitar gar. Kova kran le, har mangan le vavar deblen an, oun har paskran le pengre bare rayen gar dour miro kherestar.

Ezekiel 43:9

Kanna mangenn le bouder gar vavar deblen an. Oun pengre moule bare rayen rikrenn le dour mandar. Oun me djivau mashkral lende hako tsireske.

Daniel 2:11

Kova, hoy tou, baro ray, kay kameh, hi yaake pharo, te nay penell kova kek, kokres i debla. Oun kolla djivenn gar pash i menshende.”

3. Mose 26:11

Oun me djivau mashkral t'mende, oun sikrau t'men gar miro doumo.

3. Mose 26:12

Me djivau pash t'mende, oun hom t'maro Devel, oun t'mer han mire menshe.

Haggai 2:5

Me dom t'men miro lab, har tserdan vin dran o them Egiptia. Me ačau pash t'mende. Ma darenn!

Zakarie 2:10

“Nashenn! Nashenn! Nashenn dran o them Babilonia!” dell o baro Devel gole, “t'mer, kolen tradom ap hake rigya.

Zakarie 8:3

Me vau pale ap i berga Sion oun djivau mashkral an o foro Yerusalem. Palle kharell pes Yerusalem foro, kay rikrenn pen i menshe ap o baro Debleste. Oun i berga Sion, kay djivau me, o baro Devel, ko ray pral o bolepen oun i phoub, kay berga kharell Debleskri berga.”

4. Mose 16:3

Oun yon halauter van khetne pash o Mose oun o Aron, čingran ap lende oun penan: “T'mer krenn, har te vans bareder har mer vavar! O tselo kheer Israel hi o Debleskre menshe. Oun o baro Devel hi mashkral lende. Hoske hadenn t'mer t'men pral o baro Debleskre menshende?”

4. Mose 35:34

Krenn ko them gar pale-čiddo, kay djivenn t'mer, oun kay ninna me djivau. Me hom o baro Devel, oun djivau mashkral t'mende.

4. Mose 5:3

Morshen oun djouvyen hounte bičrenn vin glan koy platsa, kay t'mare plarhtene khera tardo hi, te krenn yon gar koy platsa pale-čiddo, kay me pash t'mende djivau.”

Johanni 14:17

Kova hi o Debleskro Dourho, kay penell i menshenge o čačepen pral o Debleste. Kolla, kay patsenn gar ap o Debleste, nay lenn les gar. Yon dikenn les gar oun prindjrenn les gar. T'mer prindjrenn les. Yob ačell pash t'mende, oun hi an t'mende.

Johanni 14:20

Ko dives vella, kay t'mer djinenna, kay me an miro dadeste hom, oun t'mer an mande han, oun me an t'mende hom.

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

Efesarja 2:22

Ninna t'mer djivenn o Yezous Kristeha khetne. Doleske han t'mer ninna har barra an o Debleskro kheer, kay o Debleskro Dourho djivella.

5. Mose 12:11

Palle hi vavarčandes har kanna: Palle anenn kova, hoy denn o baro Debleste, ap koy platsa, hoy yob peske vin rodas, te vell lo kote an-mangedo. Kote anenn lauter, hoy me t'menge penau: kol firhen, hoy kamenn leske te marell, save, hoy venn leske tseles rhačedo oun save, hoy rhan khetne. Kote anenn ninna o deshto kotar kolestar, hoy dren anan, oun ko vavar koova, hoy glan činlo hi, oun kova hoy denna yaake har t'men sovel dan.

5. Mose 7:21

Doleske, ma dare lendar! T'maro baro Devel hi mashkral t'mende, ko baro zorelo Devel, glan koleste hakenes i daar taprell.

Debleskro tsiro 21:3

Oun me shounom i zorelo rakepen. Kova vas kotar, kay o Debleskro beshepaskro tardo hi, oun kova penas: “Dikenn, o Debleskro kheer hi pash i menshende! Yob djivell pash lende. Oun yon hi leskre menshe. Oun o Devel hi lengro Devel kokres, oun hi pash lende.”