2. Mose 29:40 - O Debleskro Lab 2024 (Sinte-Manouche)

⁴⁰ Le ninna i khoro lačo yarro oun yek litari olivtikro djet, oun čore o djet an o yarro, oun kre les khetne, oun čip kova pash ko bakro pashel! Oun le yek litari mool oun čore les vin glan o Debleste!

O Debleskro Drom 2021 (Sinte)

⁴⁰ Le ninna i khoro latcho jarro un jek litari olivtikro djet, un tchore o djet an o jarro, un kre les khetne, un tchip kowa pash ko bakro pashel! Un le jek litari mool un tchore les win glan o Debleste!

2. Mose 29:40 ပူးပေါင်းရင်းမြစ်များ

1. Mose 35:14

Oun ap koy platsa, kay o Devel rakras leha, čivas o Yakob i bar pre. Oun čoras mool oun djet koy pre o Debleske.

2. Rajengro liil 3:20

O vavar dives taysarlakro, an ko tsiro, kay rhačran le rhapen o Debleske, vas pani i berge Edom tele. Oun ko them vas pherdo pani.

2. Mose 16:36

Kova, hoy hakeno ap yek dives rhas his i khoro pherdo. Kova hi yaake douy litarya.

2. Mose 29:39

ko yek bakro taysarlakro oun ko vavar bakro ap i rat.

2. Mose 29:41

Kova kre taysarlakro oun rati ninna! Yaake aneh tou rhapen oun pipen o Debleske. Oun o lačo soungepen, hoy vell vin, te vell kova lauter rhačedo an i yag, soungella mishto o baro Debleske.

Jesaja 57:6

Oun ap kol lače platse an i tala čorenn t'mer lenge rhapen oun pipen vin. Doleske vell ko dives, kay venn kote maredo čiddo! Patsenn čačepah, te dau yekes, kay savo koova krell, kova gar pale?

Ezekiel 20:28

Har me len an o them anom, kolestar man sovel dom, te dap les lende, mangan le vavar deblen an. Hako kopo, kay dikan le i tikni berga oder i baro rouk boud patyentsa, rhačran le firhen i rhorhene deblenge, oun kran man rhoyedo koleha, hoy le lenge anan. Yon rhačran soungepaskro koova lenge, oun čoran mool vin lenge.

Ezekiel 4:11

Oun hako dives piyess tou i paash litari pani. Pi kova hako dives ap o emligo tsiro!

Ezekiel 45:17

O ray hounte dikell koy pre, te venn i firhe, o djob oun i mool anlo glan o baro Debleste an kol bare divessa, kay venn i Israelitarya khetne, te sharenn le o Debles, ninna ap ko dives, kay vell o nevo čon diklo, oun ap o Debleskro dives, oun ap kol tsele vavar bare divessa. O ray dell ko djob, koy mool oun kol firhen i rashayen, te anenn yon kova glan o baro Debleste, te vell lauter krik lino, hoy mank o Debleste oun i Israelitaryen tardo hi. I firhe, hoy maredo venn, hi save, kay venn tseles rhačedo oun save, kay venn maredo, te vell i doosh krik lino, oun save, kay rhan i menshe khetne glan o baro Debleste.

Ezekiel 45:24

Pash hako gouroum oun hako bakro venn 12 (deesh-te-douy) kilogramme yarro oun yek khoro djet koy pashel dino.

Ezekiel 46:11

Oun ap kol bare divessa anell lo 12 (deesh-te-douy) kilogramme yarro ko gouroumeske oun 12 (deesh-te-douy) kilogramme yarro ko morshkano bakreske, oun yaake boud yarro, har kamell lo i terne bakrenge. Oun yek khoro djet pash hake 12 kilogramme yarro.

Ezekiel 46:14

Oun haki tsalla vell koy pashel i rhapen glan o baro Debleste anlo: douy kilogramme yarro oun yek litari lačo djet, hoy ap o yarro čoredo vell. Yaake vell kova kerdo hako tsireske.

Ezekiel 46:5

Oun ko rhapen dran djob, hoy glan o Debleste anlo vell, hi 12 (deesh-te-douy) kilogramme yarro ko morshkano bakreske, oun yaake boud yarro, har kamell lo, i terne bakrenge. Oun yek khoro djet pash hake 12 (deesh-te-douy) kilogramme yarro.

Ezekiel 46:7

Koy pashel anell lo 12 (deesh-te-douy) kilogramme yarro ko gouroumeske oun 12 (deesh-te-douy) kilogramme yarro ko morshkano bakreske, oun yaake boud yarro, har kamell lo, i terne bakrenge. Oun yek khoro djet pash hake 12 (deesh-te-douy) kilogramme yarro.

Hosea 9:4

Kote nay anenn le kek mool o baro Debleske. Oun ap kol firhe, hoy le leske marenn, dikell lo gar lačes. O rhapen, hoy le kote rhan, hi pale-čiddo, oun krell hakenes pale-čiddo, hoy kova rhal – yaake har ko maro, hoy an i kheer hi, kay yek meras. Lengro maro nay rhan le pash pende kokres, oun nay anenn či an o baro Debleskro kheer.

Joel 1:13

T'mer rashaya, kay han tardo pash o Debleskri rhačepaskri, rivenn t'men an gone, oun denn gole i bibarhtyatar! Ninna ratsyake rivenn ko gono gar vin, t'mer, kay boudrenn miro Debleske! Hi kek djob koy oun kek mool, hoy nay anans t'maro Debleske an leskro kheer.

Joel 1:9

Djob oun mool hi bouder gar koy, hoy nay vals dino o baro Debleste an leskro kheer. I rashayenge hi ropaske. Len hi bouder či, te anenn le o baro Debleske.

Joel 2:14

Koon djinell, te rikrell lo ninna kava kopo i phagi pale, oun moukell djob oun drake bares te vell, te nay anenn t'mer yarro oun mool o baro Debleske, kay hi t'maro Devel.

3. Mose 23:13

Koy pashel anenn glan leste douy-te-paash kilogramme lačo yarro, kay djet dren hi. Kava rhapen vell leske rhačedo. Oun ko lačo soungepen, hoy vell vin, soungella mishto o baro Debleske. Koy pashel anenn yek litari mool, hoy vell vin čoredo glan leste.

3. Mose 6:13

Ap ko dives, kay vell yek dran o kheer Aron an peskri boudi dren čiddo, te vell lo miro rashay, hounte anell lo mange i khoro lačo yarro – yaake boud har ko rhapaske lino vell, hoy hako dives o baro Debleske anlo vell. Ko yek paash anell lo leske taysarlakro oun ko vavar paash rati.

4. Mose 15:24

Te kran i tsele Israelitarya čomone, hoy i doosh hi, oun djinan gar, kay yon hounte krans kova gar, palle hounte anenn i tsele menshe i terno gouroum rhačepaske o baro Debleske, te soungell o soungepen, hoy pre djal ko firhestar, mishto o baro Debleske. Koy pashel denn le ninna i rhapen dran yarro oun koy mool, yaake boud har čačo hi, ninna i morsh bouzni, te vell i doosh krik lino.

4. Mose 15:7

Ninna čoress tou yek-te-paash litarya mool koy pashel. Kova hi i rhapen oun i pipen, hoy soungella mishto o baro Debleske.

4. Mose 28:10

Kova vell o Debleske hako Debleskro dives anlo. Koy pashel kova, hoy vell leske hako dives rhačedo, oun koy mool, hoy vell leske vin čoredo.

4. Mose 28:5

Koy pashel yaake yek kilogrammi lačo yarro, hoy vas khetne dino yek litari djeteha.

4. Mose 29:16

Koy pashel hounte anenn i morsh bouzni o baro Debleske, te vell t'mari doosh krik lino. Pash kova halauter venn kol firhe, hoy venn hako dives o Debleske rhačedo, khetne ko yarreha oun koy molyah, hoy vell koy pashel vin čoredo.

4. Mose 4:16

Oun o Elazar, ko čavo o rashayestar Aron, yob dell garda ap o momelengro djet, oun ap ko djet, hoy lenn le te makenn le i rashayen dren, oun ap ko soungepaskro koova, hoy vell rhačedo o Debleske. Ninna dell lo garda ap o rhapen, hoy hako dives o Debleske rhačedo vella. Oun yob dell garda ap o tselo Debleskro kheer oun ap ko tselo Debleskro koova, hoy koy dren hi.

5. Mose 32:38

T'mer dan len o thulepen t'mare firhendar te rhal, oun čoran mool glan lende vin pipaske. Mou stenn le pre, te venn le ap t'mari rig, oun lenn t'men koy vin!

Filiparja 2:17

Me anom t'men ap o Debleskro drom. Doleske hom me glan leste tardo har i rashay, kay anell leske t'maro patsepen. Ninna te meroms pash miri boudi o Yezous Kristeske, hom me kanna barhtelo t'mentsa khetne pral t'maro patsepen.