2. Mose 29:38 - O Debleskro Lab 2024 (Sinte-Manouche)

³⁸ Oun kava hi, hoy tou hako dives ap o Debleskri rhačepaskri rhačress: douy terne bakre, hoy yek bersh phouro hi,

O Debleskro Drom 2021 (Sinte)

³⁸ Un kawa hi, hoi tu hako diwes ap o Debleskri chatchepaskri chatchress: dui terne bakre, hoi jek bersh phuro hi,

2. Mose 29:38 ပူးပေါင်းရင်းမြစ်များ

1. Mose 22:7

Koy penas o Isaak ap peskro dadeste: “Tata!” “Hoy kameh tou, miro čavo?” poučas o Abraham. Penas o Isaak: “Men hi yag oun kasht! Kay hi ko bakro, te rhačras les o Debleske?”

1. Familjakro liil 16:40

Yon hounte anan o baro Debleske hako dives firhen, kay leske tseles rhačedo venn ap i sasterni rhačepaskri, taysarlakro oun ratsyakro. Yaake his glan činlo an o Moseskre lila, kay tardo hi, hoy o baro Devel peskre menshendar Israel kamella.

2. Familjakro liil 13:11

Haki taysarla oun haki rat rhačrenn le firhen o baro Debleske, oun koy pashel lačo soungepaskro koova, oun čivenn leske mare ap i rhapaskri dran djoudjo sonakay. Oun haki rati rhačenn le i momlia an ap koy sonakaskri momelengri. Yaake rikrah men ap o baro Debleskre laba. Maro Devel hi lo, koles t'mer moukan.

2. Familjakro liil 2:3

Dik, kanna kamau me i kheer miro baro Debleske te krell, – i kheer, hoy leske hi, kay nay mangah les an, oun nay rhačrah lačo soungepaskro koova glan leste, oun čivah hako tsiro maro glan leste vin, oun rhačrah firhen leske taysarlake oun rati, ninna ap o Debleskro dives, oun ap ko dives, kay o nevo čon diklo vell, oun ap vavar bare divessa, te sharas maro baro Debles. Yob penas menge, te kras mer kova hako tsiro.

2. Familjakro liil 2:4

Oun ko kheer, hoy me kamau te krell, hounte vell baro; maro Devel hi bareder har hako vavar devel.

2. Familjakro liil 29:7

Oun yon pandan i voudya glan i glanstouni halla, oun moukan i momlia vin te djal, oun rhačran kek soungepaskro koova, vitar kek firhen, o Debleske pral Israel.

2. Familjakro liil 31:3

Oun o baro ray das peskre firhendar, te venn le rhačedo o Debleske, yaake har činlo hi an i lila o baro Deblestar: haki taysarla oun haki rati, ninna ap o Debleskro dives, oun ap o dives, kay vell o nevo čon diklo, oun ap kol bare divessa.

2. Familjakro liil 8:13

Oun kova vas yaake kerdo har činlo his an o Moseskre lila. Kote dren hi tardo, hoy hounte vell hako dives rhačedo, ninna ap i Debleskre divessa, oun ap kol divessa, kay vell o nevo čon diklo, oun ap kol bare divessa, kay halauter khetne venn, triin kope an o bersh: Kolla hi kol divessa, kay rhan le maro, kay kek shoutlo yarro dren hi, ninna kol divessa, kay vell o nevo djob anlo, oun kol divessa, kay djivenn i Israelitarya an patyengre khera.

Esra 3:3

Oun ninna te hi len daar i vavar menshendar an o them, čivan le i sasterni rhačepaskri pre ap peskri phouri platsa, oun anan kote firhen o baro Debleske, oun rhačran len koy pre. Kova kran le taysarlake oun ratsyake.

Esra 3:5

Pal ko tsiro anan le hako dives kol firhen, kay van taysarlake oun ratsyake rhačedo o baro Debleske. Oun ninna ap hako nevo čon oun ap i vavar bare divessa anan le firhen o baro Debleske. Oun dan ninna kova, hoy yek pestar kamas te dell o baro Debleste.

2. Mose 40:29

Vin glan o khereskro voudar čivas lo i sasterni rhačepaskri, oun ap leste rhačras lo firhen oun rhapen o baro Debleske, yaake har yob leske penas.

Ezekiel 46:13

Haki tsalla hounte vell yek sasto terno bakro, hoy yek bersh phouro hi, maredo oun rhačedo o baro Debleske.

Ezekiel 46:15

Haki tsalla, dives pal dives, vell o bakro, o yarro oun o djet o baro Debleske rhačedo.

Daniel 12:11

Oun ko tsirestar, kay anenn le bouder gar hako dives firhen o Debleske, oun kay čivenn le koy djoungeli čilači figura pre, hi 1.290 (yek-sero-douy-sheel-te-enya-deesh) divessa.

Daniel 9:21

koy vas ap yek kopo ko morsh Gabriel ap čirklengre moussya pash mande dren. Koles dikom an o dikepen ap ko tsiro, kay rati o Debleske i firho anlo vell.

Daniel 9:27

Oun yob krell pes boudentsa khetne efta bershenge. Pal triin-te-paash bersha krell lo, te vell o Debleske bouder kek firho anlo, vitar kek rhapen. Oun i djoungeli čilači figura vell pre-čiddo an o Debleskro kheer oun ačell koy, bis te vell i phagi pral koleste, kay čivas les koy, – i phagi, hoy o Devel leske glan dikas.

3. Mose 3:5

Oun i rashaya dran o kheer Aron rhačrenn kova lauter ap o Debleskri rhačepaskri, ap ko kasht, hoy pral i yag hi. Yon rhačrenn kova khetne ko vavar firheha, hoy vell o Debleske tseles rhačedo. Oun o soungepen, hoy vell vin, soungell mishto o baro Debleske.

3. Mose 6:9

Ko yarro oun ko djet, hoy pral ačell, kova hi o Aroneske oun leskre morsh čavenge. Te krenn le pengro maro kolestar, hounte čivenn le kek shoutlo yarro dren. Ap koy platsa glan o Debleskro plarhteno kheer hounte rhan le les. Kaya hi i Debleskri platsa. Kava rhapen dell o baro Devel lenge kolestar, hoy i menshe leske anan. Kova hi i Debleskro rhapen. Doleske nay rhan les kokres i rashaya, yaake har ninna ko mass kol firhendar, hoy venn maredo, te vell i doosh oun o pale-čiddo koova krik lino, oun o mass kol firhendar, hoy venn maredo, te vell i doosh pale mishto.

3. Mose 9:17

Ninna anas lo ko yarro, kay djet dren hi, las i vast pherdo oun rhačras les ap i rhačepaskri, yaake har kras lo ap i tsalla, har lo o firhes o Debleske anas, koleskro tselo mass rhačedo vas.

4. Mose 29:6

Kova halauter hounte anenn pash kova pashel, hoy rhačrenn hako nevo čon oun hako dives o Debleske, kol firhen oun ko yarro oun koy mool, hoy leske vin čorenn, yaake har glan činlo hi. Oun o lačo soungepen, hoy djal pre, te vell kova halauter rhačedo an i yag, soungella mishto o baro Debleske.

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

Hebrearja 7:27

Yob hi gar har kol vavar bare rashaya, oun hounte anell gar hako dives i maredo firhes o Debleske, te vell peskri doosh krik lino. Ninna hounte anell lo gar i vavar menshenge marede firhen o Debleske, te vell lengri doosh krik lino. Na-a, yob kokres das peskro djipen an o merepen yek kopo hako tsireske.

1. Petro 1:19

Yob playsras peskro kouč rateha, hoy yob ratas, har meras lo ap o troushel. O Yezous Kristo his har i bakro, hoy maredo vas o Debleske. Ap leste his kek doosh oun kek čilačepen.