2. Mose 29:36 - O Debleskro Lab 2024 (Sinte-Manouche)

³⁶ An kol efta divessa maress tou hako dives i terno gouroum o Debleske, te vell i doosh krik lino. Leskro rateha vell i doosh krik lino, hoy ap o Debleskri rhačepaskri vas. Palle mak djet ap o Debleskri rhačepaskri! Yaake vell diklo, te hi kay rhačepaskri o Debleske.

O Debleskro Drom 2021 (Sinte)

³⁶ An kol efta diwessa maress tu hako diwes i terno gurum o Debleske, te well i doosh krik lino. Leskro rateha well i doosh krik lino, hoi ap o Debleskri chatchepaskri was. Palle mak djet ap o Debleskri chatchepaskri! Jaake well diklo, te hi kai chatchepaskri o Debleske.

2. Mose 29:36 ပူးပေါင်းရင်းမြစ်များ

2. Mose 30:26

Tou makess ko djet ap o Debleskro plarhteno kheer, ap ko morhton, kay o Debleskre deesh laba dren hi,

Ezekiel 43:20

Oun tou less leskro rat, oun makess čomone ap kol star shinga, oun pral ap kol star ekke, oun ap koy tikni massouri, hoy trouyel djal. Yaake leh koy tseli doosh oun o pale-čiddo koova krik, hoy ap i rhačepaskri hi.

Ezekiel 43:25

Efta divessa maress tou hako dives yek morsh bouzni, te vell i doosh krik lino. Oun ninna i terno gouroum oun i morsh bakro, hoy hake douy sasto hi, venn maredo oun rhačedo o baro Debleske.

Ezekiel 43:27

Oun pal kal efta divessa, ap ko orhtato dives, oun foun kotar doureder, rhačrenn i rashaya ko mass kol firhendar, hoy anenn t'mer o baro Debleske, kolla, kay venn leske tseles rhačedo, oun ko thulepen kolendar, kay rhan t'mer khetne glan leste. Te krenn kova yaake, dikau lačes ap t'mende, penell o baro Devel, maro ray.

3. Mose 16:27

Kova, hoy pral ačas ko terno gouroumestar oun koy morsh bouzyatar, kolengro rat an i kouč isema anlo vas, te vell i doosh oun o pale-čiddo koova krik lino, kol kotya anell yek vin glan i platsa, kay i menshe hi, oun rhačrell kote lauter, koy hauta, ko mass, oun kol bouke.

4. Mose 7:1

Oun har o Mose o Debleskro plarhteno kheer pre čivas, makas lo les o djeteha o Debleske. Ninna ko tselo koova, hoy koy dren hi, ninna o Debleskri rhačepaskri oun halauter, hoy pashel hi, makas yob o djeteha o Debleske.

Hebrearja 10:11

Hako rashay krell hako dives peskri boudi, oun marell boud kope firhen o Debleske. Kal firhe nay lenn gar i doosh i menshendar.