2. Mose 29:24 - O Debleskro Lab 2024 (Sinte-Manouche)

²⁴ Čip kova lauter an o Aroneskre vasta oun an i vasta leskre čavendar. Oun yon hadenn kova pre glan mande, o baro Debleste, te sikrenn le, kay kova mange hi.

O Debleskro Drom 2021 (Sinte)

²⁴ Tchip kowa lauter an o Aroneskre wasta un an i wasta leskre tchawendar. Un jon hadenn kowa pre glan mande, o baro Debleste, te sikrenn le, kai kowa mange hi.

2. Mose 29:24 ပူးပေါင်းရင်းမြစ်များ

2. Mose 29:23

Palle le yek pesso maro, ninna yek sano maro oun yek djeteskri merkli dran koy korba, kay o maro dren hi, kay kek shoutlo yarro dren hi, oun hoy pash o voudar glan o baro Debleskro kheer tardo hi.

2. Mose 29:25

Palle le les dran lengre vasta oun rhače les pre ap o Debleskri rhačepaskri pral ko vavar bakro, hoy tou tseles rhačral, yaake te djal kava lauter ninna pre an i yagakro dourho. Oun o lačo soungepen, hoy vell vin, soungell mange, o baro Debleske, mishto.

3. Mose 10:14

Ko beč oun koy čači palstouni heri, hoy pre hadedo van glan o baro Debleste, hi ninna t'menge. Rhan len khetne t'mare čaventsa oun čentsa ap i vavar platsa, hoy djoudjo hi o Debleske. Kal kotya mass hi tiro kotar oun tire čavengro kotar kol firhendar, hoy i Israelitarya o baro Debleske anan, te rhan le len khetne glan leste.

3. Mose 23:11

Yob hadell kova pre glan o baro Debleste, te sikrell lo, kay kova o Debleske hi. Palle dikell o baro Devel lačes ap t'mende. Kova krell o rashay ap o dives pal o Debleskro dives.

3. Mose 7:30

Peskre vastentsa hounte anell lo les, te vell lo rhačedo o baro Debleske: Ko thulepen oun ko beč. Ko beč vell pre hadedo glan o baro Debleste.

3. Mose 8:27

Kova lauter das lo an i vasta o Aronestar oun leskre morsh čavendar. Oun yon hadan les pre glan o baro Debleste, te sikrenn le, kay kova leske hi.

3. Mose 9:21

Kol bečeskre kotya oun i čače palstoune herya hadas o Aron glan o baro Debleste pre, te sikrell lo, kay kal tsele firhe o baro Debleske his. Yaake penas kova o baro Devel o Moseske.

4. Mose 8:15

Pal kova nay djan yon koy, te krenn le pengri boudi an o Debleskro kheer. I Israelitarya dan len mande. Doleske hounte kress len djoudjo mange oun aness len glan mande. Kolen lom mange oun gar i vavar morsh čaven an Israel, kay hi i phoureder čave pengre dayendar.