2. Mose 29:17 - O Debleskro Lab 2024 (Sinte-Manouche)

¹⁷ Čin o mass an kotya! Thob leskre bouke oun leskre herya, oun čip o shero oun kol vavar kotya ap o Debleskri rhačepaskri!

O Debleskro Drom 2021 (Sinte)

¹⁷ Tchin o mass an kotja! Thob leskre buke un leskre herja, un tchip o shero un kol wawar kotja ap o Debleskri chatchepaskri!

2. Mose 29:17 ပူးပေါင်းရင်းမြစ်များ

2. Mose 12:9

Ma rhan ko mass yales, vitar gar keredo an o pani! Pral i yag vell o tselo bakro peklo, o shero, i herya, ninna i bouke.

2. Mose 29:16

Palle mare les, le leskro rat oun čore les troul o Debleskri rhačepaskri vin.

2. Mose 29:18

Oun rhače o tselo bakro ap i rhačepaskri, yaake te djal lauter pre an i yagakro dourho. Ko bakro hi mange, o baro Debleske, oun vell tseles rhačedo. Oun o lačo soungepen, hoy vell vin, soungell mange mishto.

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

3. Mose 1:9

I bouke oun i herya hounte van thodo. Kova krell ko morsh, kay anas ko firhes. Oun o rashay moukell halauter ap i rhačepaskri pre te rhačrell. Yaake hounte vell i firho anlo glan o Debleste, hoy vell leske tseles rhačedo. Oun o lačo soungepen, hoy vell vin, soungell mishto o baro Debleske.

3. Mose 8:21

Oun yob thovas leskre bouke oun leskre herya o panyeha, oun čivas len ninna ap i rhačepaskri, oun moukas ko tselo firhes pre te rhačrell ap o Debleskri rhačepaskri. Yaake har o baro Devel penas, vas ko tselo bakro leske rhačedo. Oun o lačo soungepen, hoy vas vin, soungas mishto o baro Debleske.

3. Mose 9:14

Yob thovas i bouke, oun i palstoune herya, oun čivas len pral ap ko vavar mass ap i rhačepaskri, oun rhačras len.

Mateo 23:26

Tou Farisari, tou hal korelo. Kre tiro dji djoudjo! Palle vell touke o tselo vavar koova ninna djoudjo.