2. Mose 28:41 - O Debleskro Lab 2024 (Sinte-Manouche)

⁴¹ Palle rib o Aroneske oun leskre čavenge kol koola an. Le djet oun mak len o Debleske oun de len an lengri boudi, te venn le mange rashaya.

O Debleskro Drom 2021 (Sinte)

⁴¹ Palle rib o Aroneske un leskre tchawenge kol koola an. Le djet un mak len o Debleske un de len an lengri budi, te wenn le mange rashaja.

2. Mose 28:41 ပူးပေါင်းရင်းမြစ်များ

2. Mose 28:1

Mouk tiro phrales, o Arones, oun leskre morsh čaven glan toute te anell. Kolen rodom vin dran i vavar Israelitarya, te venn le mange rashaya: o Nadab, o Abihu, o Elazar oun o Itamar.

2. Mose 28:4

Kolla hi i koola, hoy te krenn le: i bečeskri possita, i rashayeskri damdira, i baya oun i gad, i shereskro pandepen, oun i layntikro pandepen, hoy yob troul peskro per pandell. Kol rashayengre koola krenn le o Aroneske oun leskre čavenge, te venn yon mange rashaya.

2. Mose 29:24

Čip kova lauter an o Aroneskre vasta oun an i vasta leskre čavendar. Oun yon hadenn kova pre glan mande, o baro Debleste, te sikrenn le, kay kova mange hi.

2. Mose 29:35

Yaake kress tou o Aroneha oun leskre čaventsa lauter, hoy me touke penom. Efta divessa kress tou yaake, te venn le rashaya.

2. Mose 29:7

Le o makepaskro djet oun čore les pral leskro shero, mak les o Debleske!

2. Mose 29:9

Palle čip lenge o pereskro pandepen trouyel oun čip i rashayengre stadja ap lengre shere, te venn le mange rashaya hako tsireske. Oun yaake aneh tou len an lengri boudi:

2. Mose 30:35

Oun čip kova yaake khetne, har kolla krenna, kay kova mishto hayvenna, te vell lestar i soungepaskro koova, hoy rhačedo vell o Debleske. Čip ninna loon koy pashel, te vell ko koova djoudjo. O Debleske hi lo.

2. Mose 40:13

Rib o Aroneske o rashayeskre ripya an, mak les o djeteha, te vell lo miro rashay.

2. Mose 40:15

Oun mak len o djeteha yaake har makal lengro dad, te venn le mire rashaya. Yon oun lengre čave pal lende te venn le maklo o djeteha, te venn le mire rashaya hako tsireske.

Jesaja 10:27

Ap ko dives lau t'men vin dran i vasta kolendar dran o them Assour, te nay rikrenn le t'men bouder gar tele. Palle han bouder gar lengre pandle boudepangre. I lourde dran o them Assour djan pre an Rimmon,

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Ezekiel 43:26

Efta divessa vell kova yaake kerdo, te vell i doosh oun o pale-čiddo koova krik lino foun i rhačepaskri, te nay vell li o Debleske koy.

3. Mose 10:7

Ma djan vitar gar krik o voudarestar o Debleskro plarhteno kherestar, te merenn gar. O baro Debleskro djet vas čoredo ap t'mare sherya, te venn leskre rashaya.” Oun yon kran yaake, har o Mose lenge penas.

3. Mose 16:24

Palle thovell lo pes ap i Debleskri platsa, oun rivell peskre koola an. Palle djal lo pale vin, marell kol douy bakre, ko yek peske, oun ko vavar i menshenge Israel, oun rhačrell lengro tselo mass o baro Debleske, te vell i doosh oun o pale-čiddo koova krik lino lestar oun kol menshendar Israel.

4. Mose 16:5

oun penas ap o Korah oun ap kolende, kay pash leste his: “Taysar penell o baro Devel, koon leskre menshe hi, kones yob peske vi-rodas, oun koon nay vell pash leste. Oun kones yob vin rodella, kova nay vell pash leste.

4. Mose 3:3

Kal star van o djeteha dre-maklo, te venn yon rashaya, oun boudran an o Debleskro kheer.

Johanni 3:34

Koles, kay o Devel pash mende bičras, kova rakrell o Debleskre laba. O Devel dell an leste peskro tselo Debleskro Dourho, oun rikrell či pale.

Hebrearja 5:4

Kek morsh nay penella: Me vau baro rashay. Na-a, o Devel rodell les vin, yaake har yob glan i rah tsiro ninna o Arones vin rodas, te vell lo i baro rashay.

Hebrearja 7:28

Kol vavar bare rashaya hi menshe oun gar zorelo, oun nay krenn gar mishto kova, hoy o Devel lendar kamella. Yon van rashaya yaake, har o Mose an peskre lila činas. Boud tsiro palla, das o Devel peskro lab, oun das peskro vast koy pre, te vell leskro čavo i baro rashay hako tsireske. Yob krell lauter mishto, hoy o Devel lestar kamella.

1. Johanni 2:20

T'mer lan o Debleskro Dourho, oun lestar djinenn t'mer kova lauter.

1. Johanni 2:27

O Yezous Kristo das t'men o Debleskro Dourho. Kova ačell an t'mende. Doleske hounte vell t'men kek vavar sikepaskro. O Debleskro Dourho sikrell t'mende o tselo Debleskro drom. Oun lauter, hoy yob t'mende sikrell, kova hi čačo oun kek rhorhepen. Krenn kova, hoy o Debleskro Dourho t'mende sikrella! Yaake ačenn t'mer o Yezous Kristeha khetne.