2. Mose 28:39 - O Debleskro Lab 2024 (Sinte-Manouche)

³⁹ Kre o gad dran i lačo layntikro kotar than an shoukar vastengri boudi. Kre ninna o shereskro pandepen dran lačo layntikro than, oun i pereskro pandepen an shoukar vastengri boudi.

O Debleskro Drom 2021 (Sinte)

³⁹ Kre o gad dran i latcho laintikro kotar than an shukar wastengri budi. Kre ninna o shereskro pandepen dran latcho laintikro than, un i pereskro pandepen an shukar wastengri budi.

2. Mose 28:39 ပူးပေါင်းရင်းမြစ်များ

Debleskri gili 45:14

I baro rayeskri čay vell dren, shoukar oun raylo kerdo, oun an-rido an sonakangre ripya.

2. Mose 26:36

Kre ninna i plarhta, hoy vell an ko voudar, kay veh dren an o kheer. Kre lat an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas.

2. Mose 27:16

Kote, kay veh ap i platsa, čip star pesse kashta ap star herya, te kress i baro voudar. An o voudar vell i bari plarhta pandlo. Koya kress an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas. Kay plarhta vell deesh metarya bourhlo.

2. Mose 28:4

Kolla hi i koola, hoy te krenn le: i bečeskri possita, i rashayeskri damdira, i baya oun i gad, i shereskro pandepen, oun i layntikro pandepen, hoy yob troul peskro per pandell. Kol rashayengre koola krenn le o Aroneske oun leskre čavenge, te venn yon mange rashaya.

2. Mose 29:5

Palle le i koola oun rib o Arones an: o gad oun i baya, o rashayeskri damdira oun i bečeskri possita ninna. Pande ko pereskro pandepen, hoy ap i damdira hi, troul leste!

2. Mose 29:6

Palle čip o shereskro pandepen troul leskro shero! Oun čip o tikno sonakaskro kotar glan ap koleste!

2. Mose 29:8

Mouk ninna leskre čave pash toute te vell! Kolenge rib ninna i gada an!

2. Mose 39:27

O Aroneske oun leskre čavenge kran le ninna i gada, o shereskro pandepen, i rashayengre stadja, oun i telstoune rholopya dran lačo zorelo layntikro than.

3. Mose 16:4

Glanstounes hounte thovell lo pes, oun rivell i rashayengre koola an: ko layntikro gad, oun ko layntikro rholop koy tel. Yob pandell i pereskro layntikro pandepen troul peste, oun i shereskro pandepen troul peskro shero.