2. Mose 27:9 - O Debleskro Lab 2024 (Sinte-Manouche)

^9-10 Glan o Debleskro kheer kress tou i platsa. Troul koy platsa pandess tou layntikre kotya dran lačo zorelo than mank pesse kashta, hoy tardo hi ap lole sasterne herya. I rikepangre oun kol shelle, hoy rikrenn i layntikre kotya, kress tou dran roup. I platsa vell ap koy rig, kay o kham pralstounes hi, 50 (paash-sheel) metarya lengsto. Kote venn kol layntikre kotya ap biish pesse kashta rikedo, hoy ap biish sasterne herya tardo hi.

O Debleskro Drom 2021 (Sinte)

^9-10 Glan o Debleskro kheer kress tu i platsa. Trul koi platsa pandess tu laintikre kotja dran latcho sorelo than mank pesse kashta, hoi tardo hi ap lole sasterne herja. I rikepangre un kol shelle, hoi rikrenn i laintikre kotja, kress tu dran rup. I platsa well ap koi rig, kai o kham pralstunes hi, 50 (paash-sheel) metarja lengsto. Kote wenn kol laintikre kotja ap biish pesse kashta rikedo, hoi ap biish sasterne herja tardo hi.

2. Mose 27:9 ပူးပေါင်းရင်းမြစ်များ

1. Rajengro liil 6:36

Yob moukas ninna i glanstouni platsa troul o Debleskro kheer te krell. Troul i platsa kras lo i massouri, kay triin kope barra ap barra čiddo van, oun ap i triinte barra van cedertikre kashta čiddo.

1. Rajengro liil 8:64

Koy sasterni rhačepaskri his gar bares doha, te rhačrenn le kova, hoy o Debleske dino vas. Doleske las o baro ray Salomo ap ko dives ninna o mashkralstouno kotar ap i platsa glan o Debleskro kheer rhačepaske. Kote moukas lo save firhen te rhačrell, hoy van tseles o Debleske rhačedo, ninna yarro oun ko thulepen kol firhendar, hoy rhan le glan o baro Debleste.

2. Familjakro liil 33:5

Oun i tsele bolepangre momelenge čivas lo rhačepangre pre an kol douy glanstoune platse glan o baro Debleskro kheer.

2. Familjakro liil 4:9

Oun yob kras i glanstouni platsa i rashayenge, ninna i bari glanstouni platsa oun voudya glan i glanstouni platsa, oun moukas kol voudya lolo sasteha pral te tserdell.

Debleskri gili 100:4

Avenn an i voudya glan leskro kheer oun parkrenn t'men! Avenn ap i platsa glan leskro kheer oun sharenn les i gilyentsa! Parkrenn t'men pash leste oun sharenn les.

Debleskri gili 116:19

oun dau les toute kote ap i platsa glan tiro kheer an o foro Yerusalem. Sharedo vell o baro Devel!

Debleskri gili 84:10

Dik lačes ap o baro rayeste, koles menge ap mari rig čival! Dik ap leste, koles vin rodal, te vell lo maro ray!

Debleskri gili 92:13

Kolla, kay an o čačepen tardo hi, venn zorelo har i zenele palmtikre rouka. Yon vell baro har i cedertikre rouka ap i berga Libanon.

2. Mose 35:17

kolla layntikre kotya oun i pesse kashta ap herya, hoy troul i glanstouni platsa hi; koy plarhta an o voudar glan i glanstouni platsa;

2. Mose 36:17

Oun yon kran paash-sheel doryengre goustria ap hako baro kotar ap koy rig, kay kol douy bare kotya khetne pandlo venna.

2. Mose 39:40

kolla layntikre kotya oun pesse kashta ap herya, hoy troul i glanstouni platsa hi; oun koy plarhta o voudareske ap i glanstouni platsa; kol tikne sasterne kotya, hoy denn le an i phoub, te rikrenn le o plarhteno kheer zoreles, oun kol shelle, hoy hi kote an-pandlo; ninna kol tsele koola, hoy kolen hounte vell, kay boudrenn an o Debleskro plarhteno kheer.

2. Mose 40:33

Oun troul o kheer oun i sasterni rhačepaskri čivas lo i pesse kashta pre oun pandas kol layntikre kotya mank lende, te vas i platsa. Oun an o voudar glan i platsa čivas lo koy bari plarhta. Yaake kras o Mose koy tseli boudi.

2. Mose 40:8

Troul i platsa glan o kheer čip i pesse kashta pre, oun pande kol layntikre kotya mank lende! Oun an o voudar glan i platsa pande koy bari plarhta pre!

Ezekiel 40:14

Oun koy voudareskri halla his deesh metarya bourhlo. Oun i glanstouni platsa djas bis pash i massouri foun ko baro voudar.

Ezekiel 40:17

Oun yob anas man an i bari glanstouni platsa. Oun troul i glanstouni platsa trouyel djas i barrengro drom. Oun pal o barrengro drom his triyanda tikne iseme tardo troul i glanstouni platsa.

Ezekiel 40:20

Oun ko morsh dikas pal, har baro oun bourhlo ko voudar hi, hoy glan i bari glanstouni platsa hi ap koy rig, kay norden hi.

Ezekiel 40:23

Oun yaake har pash ko voudar ap koy rig, kay o kham pre djal, his pash kava voudar ap i nordetikri rig. Vergel lestar his i baro voudar, hoy djas an i tikni glanstouni platsa. Oun ko morsh ginas tele, har dour hi foun ko yek voudar bis pash ko vavar. Oun kova his 50 (paash-sheel) metarya.

Ezekiel 40:28

Oun ko morsh djas mantsa an kava baro voudar, kay kote hi, kay o kham pralstounes tardo hi, oun doureder ap i tikni glanstouni platsa. Oun yob dikas pal, har baro kava voudar hi. Oun kova his yaake baro har kol vavar voudya.

Ezekiel 40:32

Oun yob anas man an koy tikni glanstouni platsa ap koy rig, kay o kham pre djal. Oun dikas pal, har baro ko baro voudar kote hi. Oun kova his yaake baro har kol vavar.

Ezekiel 40:44

Palle anas lo man glan koy tikni glanstouni platsa. Kote dikom douy iseme, kolengre voudya ap koy tikni glanstouni platsa djan. Koy yek isema his pash o nordetikro voudar, oun lakri glanstouni rig sikrell kote, kay o kham pralstounes tardo hi. Oun koy vavar isema his pash ko voudar, hoy kote tardo hi, kay o kham pralstounes hi, oun lakri glanstouni rig sikrell kote, kay norden hi.

Ezekiel 42:3

Kava kheer his tardo mank koy tikni glanstouni platsa, hoy his deesh metarya bourhlo, oun koy drom, hoy djas troul i bari glanstouni platsa. Kava kheer his yaake kerdo, te his iseme telstounes, mashkralstounes oun pralstounes.

4. Mose 3:26

ninna kol plarhte, kay hi troul i platsa, hoy glan o kheer hi, kay ninna i sasterni rhačepaskri hi, kay firhe o Debleske rhačedo venna. Ninna denn le yak ap koy plarhta an o voudar glan koy platsa oun ap i shelle oun ko vavar koova, hoy koy pashel hi.

4. Mose 4:26

ninna i layntikre kotya troul i glanstouni platsa, oun koy bari plarhta an o voudar glan i platsa, hoy troul o kheer oun i sasterni rhačepaskri hi, ninna i shelle oun ko tselo koova, hoy koy pashel hi.

4. Mose 4:32

ninna kol pesse kashta, hoy venn pre tardo troul koy glanstouni platsa, lengre pire oun kol tikne sasterne kotya, kay deh an i phoub, kol shelle oun ko tselo vavar koova, yaake har kova lengre boudi hi. Oun t'mer hounte sikrenn lende hako kotar, hoy hidjrenn le.