2. Mose 26:31 - O Debleskro Lab 2024 (Sinte-Manouche)

³¹ Mouk ninna i kotar lačo zorelo layntikro than te krell, kay ninna kouč bakrengro bal dren hi. Kova hi blaueto, lolo oun lolo har yag. An ko kotar than venn bolepangre dren sido an shoukar vastengri boudi.

O Debleskro Drom 2021 (Sinte)

³¹ Muk ninna i kotar latcho sorelo laintikro than te krell, kai ninna kutch bakrengro bal dren hi. Kowa hi blaueto, lolo un lolo har jag. An ko kotar than wenn bolepangre dren sido an shukar wastengri budi.

2. Mose 26:31 ပူးပေါင်းရင်းမြစ်များ

2. Familjakro liil 3:14

Oun o Salomo moukas ninna i plarhta te krell o voudareske. Koya his kerdo dran lačo layntikro than oun thabentsa, hoy his blaueto, lolo oun lolo har yag. Oun Keroubim his dren sido.

Debleskri gili 137:5

Bistrau me tout, Yerusalem, mou merell tele miri čači moussi!

2. Mose 25:18

Kre ninna douy bolepangre, hakeno dran yek kotar sonakay. Oun čip ko yek glan ap o pralstouno kotar oun ko vavar palla ap o pralstouno kotar!

2. Mose 25:4

ninna kouč bakrengro bal, hoy blaueto, lolo oun lolo har yag kerdo vas, lačo layntikro than oun bouzyengre balla.

2. Mose 26:1

Ko kheer kress tou dran deesh pesse plarhte. Oun kolla venn sido dran lačo zorelo layntikro than, kay ninna kouč bakrengro bal dren hi. Kova hi blaueto, lolo oun lolo har yag. An kol plarhte venna bolepangre dren sido an shoukar vastengri boudi.

2. Mose 26:32

Čin star pesse kashta dran akatstikro kasht, čip sonakay troul lende oun čip len ap star roupene herya. Čip sonakangre rikepangre pral ap lende oun pande ko kouč kotar than koy pre. Kava kouč than vell o voudar mank o Debleskri glanstouni isemaoun o Debleskri palstouni isema, hoy leskri koučeder isema hi. Palle an ko morhton, kay o Debleskre deesh laba dren hi, oun čip les pal ko voudar dran o kouč kotar than an o Debleskri palstouni isema!

2. Mose 27:16

Kote, kay veh ap i platsa, čip star pesse kashta ap star herya, te kress i baro voudar. An o voudar vell i bari plarhta pandlo. Koya kress an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas. Kay plarhta vell deesh metarya bourhlo.

2. Mose 28:15

Mouk i bečeskri possita yaake te krell, har kran le o rashayeskri damdira: dran i lačo zorelo layntikro kotar than, kay sonakay dren sido vell, ninna kouč bakrengro bal, hoy blaueto, lolo oun lolo har yag kerdo vas. An koy possita hi kol douy tikne koola dren, hoy lell o rashay, te hatsell lo vin, hoy o Devel peskre menshendar kamella.

2. Mose 35:12

ko sonakaskro morhton i kashtentsa hidjepaske, o pralstouno kotar koy pre, oun ko kouč kotar than, hoy mank i douy iseme pandlo vell;

2. Mose 35:25

I tsele djouvya, kay hayvan mishto thaba dran kouč bakrengro bal te krell, kran kova oun anan yaake thaba, hoy blaueto, lolo, oun lolo har yag kerdo vas, ninna lačo layntikro than.

2. Mose 35:35

O baro Devel das kol douyen, o Bezalel oun o Oholiab, o gosvepen, te hayvenn le mishto sonakaskro koova te krell, ninna shoukar plarhte dran lačo layntikro than oun dran kouč bakrengro bal, hoy blaueto, lolo oun lolo har yag kerdo vas. Ninna nay sivenn le shoukar koova an kol kotya than. Yaake nay krenn le haki boudi, oun hayvenn, an pengro shero glan-vi te dikell, har te krenn le lat.

2. Mose 35:6

bakrengro bal, hoy blaueto, lolo oun lolo har yag kerdo vas, lačo layntikro than oun bouzyengre balla.

2. Mose 36:35

Oun yon kran i kotar lačo zorelo layntikro than, kay kouč bakrengro bal dren hi. Kova hi blaueto, lolo oun lolo har yag. An ko kotar than van bolepangre dren sido an shoukar vastengri boudi.

2. Mose 36:36

Oun yon činan star pesse kashta dran akatstikro kasht, te vell ko kotar than kote pre pandlo. Troul kol pesse kashta čivan le sonakay, oun kran star roupene herya tella. I rikepangre kran le dran sonakay.

2. Mose 36:8

Yaake kran kol tsele boudepangre, kay hayvan mishto shoukar koova te krell, o Debleskro kheer dran deesh pesse plarhte. Kolla van sido dran lačo zorelo layntikro than, kay ninna kouč bakrengro bal dren hi. Kova his blaueto, lolo oun lolo har yag. An kol plarhte van bolepangre dren sido an shoukar vastengri boudi.

2. Mose 40:21

Oun yob anas o morhton an o kheer oun pandas ko kouč kotar than glan o morhton, te vell lo gar diklo. Yob kras kova yaake, har o baro Devel leske penas.

2. Mose 40:3

Oun čip ko morhton dren, kay o Debleskre deesh laba dren hi. Glan o morhton pande ko kouč kotar than pre!

Kamlepaskri gili 7:1

Risse tout trouyel, risse tout trouyel, Sulamit! Risse tout pash mende, te nay dikas tout! Hoy kamenn t'mer ap i Sulamit te dikell, har khelell li mank i vavarende?

3. Mose 16:15

Palle marell yob koy morsh bouzni, te vell i doosh oun o pale-čiddo koova i menshendar Israel krik lino. Oun yob djal ko rateha pal i voudar dran than an i kouč isema, oun krell ko rateha yaake, har lo les ko rateha ko gouroumestar kras. Yob vitsrell peskro goushteha čomone ap o pralstouno kotar, hoy ap o morhton čiddo hi, oun ap koy platsa glan o morhton.

3. Mose 16:2

Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi.

4. Mose 4:5

Ap ko tsiro, kay stenn i Israelitarya pre, te djan le doureder, djal o Aron peskre čaventsa an o Debleskro kheer, oun yon lenn ko kouč kotar than tele, hoy an o voudar glan o kouč isema hi. Ko kotar than čivenn le troul o sonakaskro morhton, kay o Debleskre deesh laba dren hi.

Mateo 27:51

Oun ko voudar an o Debleskro baro kheer, hoy his kerdo dran kouč pesso than, kova djas paash an douy kotya foun pral bis tele. Oun i phoub vas trisslemen. Oun i bare barra phagan an kotya.

Markus 15:38

Oun ko voudar an o Debleskro baro kheer, hoy his kerdo dran kouč pesso than, kova djas paash an douy kotya foun pral bis tele.

Louka 23:45

Oun o voudar an o Debleskro baro kheer, kay his kerdo dran kouč pesso than, koya djas an douy kotya mashkral paash.

Efesarja 2:14

Yob anas i bibolden khetne kol menshentsa, kay kek bibolde hi, te venn le mala, oun las o čingepen lendar krik, hoy mashkral lende his.