2. Mose 25:9 - O Debleskro Lab 2024 (Sinte-Manouche)

⁹ Yaake har me les tout kanna sikrau, yaake krenn t'mer o kheer, ninna ko tselo koova, koleha boudrenn le an miro kheer. Krenn lauter yaake, har me les tout sikrau.

O Debleskro Drom 2021 (Sinte)

⁹ Jaake har me les tut kanna sikrau, jaake krenn tumer o kheer, ninna ko tselo koowa, koleha budrenn le an miro kheer. Krenn lauter jaake, har me les tut sikrau.

2. Mose 25:9 ပူးပေါင်းရင်းမြစ်များ

2. Mose 25:40

Oun tou kress lat yaake, har kova touke ap i berga sikedo vas.

2. Mose 26:30

Dran kol tsele kotya čivess tou ko kheer yaake pre, har sikrom touke ap i berga.

2. Mose 39:32

Yaake vas koy tseli boudi kerdo: kol tsele kotya o Debleskro plarhteno khereske, oun lauter, hoy koy pashel hi. I Israelitarya kran lauter yaake, har o baro Devel o Moseske penas.

2. Mose 39:42

Yaake har o baro Devel o Moseske penas, kran i Israelitarya i tseli boudi.

2. Mose 39:43

Oun o Mose dikas kova lauter oun hayvas, yon kran lauter yaake har o baro Devel penas. Oun yob rakras o Debleskri barht pral lende vin.

4. Mose 4:12

Ko tselo vavar koova, kay boudrenn yon leha an o Debleskro kheer, hounte lenn yon oun čivenn les an i blaueti plarhta, oun čivenn i lači ledertikri plarhta pral pre oun čivenn kova ap hidjepaskre kashta.

4. Mose 8:4

Koy momelengri his dran yek kotar lačo sonakay, leskro mashkralstouno kotar oun kol blumtikre moussya. Yaake har o baro Devel les o Moseste sikras, kran le koy momelengri.

Bičepangre 7:44

O Stefano penas doureder: Mare phouren his o Debleskro tikno kheer, hoy his kerdo dran firhengre balla, oun hidjran les lentsa, har djan le an o moulo them trouyel. Kava kheer kran le yaake, har o Devel kova o Moseste ap i berga sikras.

Hebrearja 8:2

Kote boudrell lo o Debleske an o čačo Debleskro kheer, hoy kras o Devel, oun kek mensho.

Hebrearja 8:5

Ko kheer, kay yon boudrenna, oun kova, hoy yon krenna, sikrell men i tikno kotar dran koy tseli boudi, hoy krell maro baro rashay, o Yezous Kristo, an o bolepen. Kova dikah kanna gomme gar lauter. Har kras o Mose o Debleske i kheer dran firhengre balla an o moulo them, penas o Devel leske, har te krell lo les oun penas: Kova lauter, hoy tou kreh, kre yaake, har me sikrom les toute ap i berga!

Hebrearja 9:2

Ko Debleskro kheer his i tikno kheer, kerdo dran firhengre balla, hoy hidjran le nay. Koles his douy iseme. I glanstouni isema kharella: O Debleskri isema. I palstouni isema kharella: O Debleskri kouč isema. An i glanstouni isema his i momelengri oun i rhapaskri tardo. Ap i rhapaskri his kol mare čiddo, hoy dan le o Debleste. Mashkral kol douy iseme his i voudar dran kouč pesso than.

Hebrearja 9:9

I glanstouni isema sikrell mende ko tsiro, an hoy mer kanna djivah. I menshe anenn firhen, oun vavar koova o Debleske. Kova lauter nay krell lengro dji gar djoudjo. An lengro dji hayvenn le, te hi le gomme čilačo.