2. Mose 25:40 - O Debleskro Lab 2024 (Sinte-Manouche)

⁴⁰ Oun tou kress lat yaake, har kova touke ap i berga sikedo vas.

O Debleskro Drom 2021 (Sinte)

⁴⁰ Un tu kress lat jaake, har kowa tuke ap i berga sikedo was.

2. Mose 25:40 ပူးပေါင်းရင်းမြစ်များ

1. Familjakro liil 28:11

Oun o David das peskro čaves, o Salomo, i liil, kay pre tardo hi, har te krell lo o Debleskro baro kheer: o voudareskri isema, kol glanstoune halle, kol iseme, kay čomone pre garedo vell, kol pralstoune iseme, ninna kol iseme, kay dren hi, oun koy isema, kay o morhton o Debleskre deesh labentsa dren vell.

1. Familjakro liil 28:19

Kova lauter hi pre činlo an i liil, yaake har sikras o baro Devel o Davideste, har kava kheer kerdo hounte vell.

2. Familjakro liil 4:7

Oun yob kras deesh sonakangre momelengre yaake, har leske penlo vas, oun čivas len an o Debleskro baro kheer, panč ap i čači rig oun panč ap i servi rig.

2. Mose 25:39

Tout hounte vell 35 (triyanda-te-panč) kilogramme lačo sonakay, te kress kay momelengri peskre tsele koola.

2. Mose 25:9

Yaake har me les tout kanna sikrau, yaake krenn t'mer o kheer, ninna ko tselo koova, koleha boudrenn le an miro kheer. Krenn lauter yaake, har me les tout sikrau.

2. Mose 26:30

Dran kol tsele kotya čivess tou ko kheer yaake pre, har sikrom touke ap i berga.

2. Mose 27:8

Dran činle kashta vell o Debleskri rhačepaskri kerdo – dren vell či, yaake har les toute ap i berga sikedo vas.

2. Mose 31:11

ninna ko makepaskro djet, hoy ap kova maklo vell, hoy o Debleske hi; oun ko kouč soungepaskro koova, hoy rhačedo vella an o Debleskro kheer. Kova lauter krenn le yaake, har me les touke penom.

2. Mose 36:2

O Mose kharas o Bezalel oun o Oholiab pash peste, ninna kol tsele vavaren, kay o baro Devel gosvepen an lengro dji das oun vasta, te boudrenn le mishto, oun kay van pendar, te krenn le koy boudi.

4. Mose 8:4

Koy momelengri his dran yek kotar lačo sonakay, leskro mashkralstouno kotar oun kol blumtikre moussya. Yaake har o baro Devel les o Moseste sikras, kran le koy momelengri.

Bičepangre 7:44

O Stefano penas doureder: Mare phouren his o Debleskro tikno kheer, hoy his kerdo dran firhengre balla, oun hidjran les lentsa, har djan le an o moulo them trouyel. Kava kheer kran le yaake, har o Devel kova o Moseste ap i berga sikras.

Hebrearja 8:5

Ko kheer, kay yon boudrenna, oun kova, hoy yon krenna, sikrell men i tikno kotar dran koy tseli boudi, hoy krell maro baro rashay, o Yezous Kristo, an o bolepen. Kova dikah kanna gomme gar lauter. Har kras o Mose o Debleske i kheer dran firhengre balla an o moulo them, penas o Devel leske, har te krell lo les oun penas: Kova lauter, hoy tou kreh, kre yaake, har me sikrom les toute ap i berga!

Josua 22:28

Oun mer penam menge: Te rakrens le yaake ap mende oun ap mare čavende, palle nay penah mer: Dikenn kava altaro o baro Deblestar! Mare phoure kran les, te sikrenn le, te ham mer ninna o baro Debleskre menshe. Yon kran les gar, te venn ap leste firhe rhačedo, vitar gar te rhas mer kate khetne glan o Debleste.