2. Mose 25:29 - O Debleskro Lab 2024 (Sinte-Manouche)

²⁹ Dran lačo sonakay kress tou ninna kol čare oun khore, an kolende i mool o Debleske čoredo vell.

O Debleskro Drom 2021 (Sinte)

²⁹ Dran latcho sonakai kress tu ninna kol tchare un khore, an kolende i mool o Debleske tchoredo well.

2. Mose 25:29 ပူးပေါင်းရင်းမြစ်များ

1. Rajengro liil 7:50

i čare, čourya, čare o rateske, roya oun pirya, – kolla lauter his dran djoudjo sonakay; i hidjepangre, hoy i voudya rikrenn: ko voudar glan o Debleskri kouč isema oun o khereskro voudar. Kalla his kerdo dran sonakay.

2. Familjakro liil 4:22

i čourya, čare o rateske, roya oun pirya, – kolla lauter his dran djoudjo sonakay; kol voudya glan o Debleskri kouč isema oun glan o Debleskro kheer. Kalla his kerdo dran sonakay.

2. Mose 25:28

Kol hidjepaskre kashta kress tou dran o kasht ko roukestar, hoy kharella Akatsia. Oun makess sonakay troul lende!

2. Mose 37:16

Oun yob kras ninna ko tselo koova, hoy ap i rhapaskri vell, dran lačo sonakay: čare oun khore, an kolende i mool o Debleske dren anlo vell.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

4. Mose 4:7

Oun pral i rhapaskri, kay o Debleskro maro pre čiddo vell, hounte čivenn le ninna i blaueti plarhta. Oun koy pre čivenn le kol pirya oun roya, kol čare oun khore, kay i mool o Debleske dren vella. Ninna o Debleskro maro hounte vell koy pre čiddo.

4. Mose 7:84

Lauter khetne his kova, hoy kol deesh-te-douy pralstoune pral o Israel o Debleske anan, ap ko tsiro, kay vas o Debleskri rhačepaskri o djeteha dre-maklo: deesh-te-douy bare roupene čare, deesh-te-douy tikneder roupene čare, deesh-te-douy tikne sonakangre čare.

Debleskro tsiro 3:20

Dikenn, me hom glan o voudar tardo, oun dau ap ko voudar. Koon shounell, hoy me penau, oun krell mange o voudar pre, pash koleste djau me dren, oun rhau leha, oun yob rhal mantsa.