2. Mose 25:21 - O Debleskro Lab 2024 (Sinte-Manouche)

²¹ Čip o pralstouno kotar pral ap o morhton. Oun an o morhton čip i douy barra kol deesh labentsa, hoy me tout dau.

O Debleskro Drom 2021 (Sinte)

²¹ Tchip o pralstuno kotar pral ap o mochton. Un an o mochton tchip i dui barra kol deesh labentsa, hoi me tut dau.

2. Mose 25:21 ပူးပေါင်းရင်းမြစ်များ

1. Rajengro liil 8:9

Oun an ko morhton his či dren, har kokres kol douy barra, hoy o Mose dren čivas pash i berga Horeb. An lende his o baro Debleskre deesh laba dren činlo, hoy i Israelitarya hounte rikrenn. Kova kras lo lentsa vin, har yon vin van dran o them Egiptia.

2. Familjakro liil 23:11

Palle moukas o Yoyada o baro rayeskro čaves vin te vell, te nay dikell les hakeno, oun čivas leske koy rayeskri stadi ap o shero, oun das les ko liil, kay činlo hi, hoy te krell lo. Palle čoran o Yoyada oun leskre morsh čave djet pral leskro shero, te vell lo baro ray, oun dan gole: O baro ray te djivella!

2. Mose 16:34

Yaake har o baro Devel o Moseske penas, čivas o Aron ko khoro glan o sonakaskro morhton, kay o Debleskre deesh laba dren hi, te ačell ko khoro koy.

2. Mose 26:34

Oun ap o morhton, kay o Debleskre deesh laba dren hi, čip ko pralstouno kotar, hoy sikrella, kay o Devel peskre menshenge lačes hi.

2. Mose 30:6

Čip o sonakaskro bob glan o voudar dran o kouč kotar than. Pal ko voudar hi o morhton, kay o Debleskre deesh laba dren hi, oun kay o pralstouno kotar pre hi, hoy sikrella, kay o Devel peskre menshenge lačo hi.

2. Mose 40:20

Oun yob las i barra, kay o Debleskre deesh laba dren činlo hi, oun čivas len an o sonakaskro morhton, oun čivas i hidjepaskre kashta an i goustria ap o morhton. Oun pral ap o sonakaskro morhton čivas lo o pralstouno kotar, hoy sikrella, kay o baro Devel peskre menshenge lačo hi.

3. Mose 16:13

Kote čivell lo ko soungepaskro koova ap i yag, te djal i yagakro dourho vin oun čakrell ko pralstouno kotar ap ko morhton, kay o Debleskre deesh laba dren hi. Kova hounte krell lo doleske, te merell lo gar.

3. Mose 16:2

Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi.

4. Mose 17:4

Oun o rashay Elazar las kol sasterne pirya, hoy anan kolla, kay his djides rhačedo, oun das i pirya bourhlo, te venn le troul o Debleskri rhačepaskri dino,

4. Mose 7:89

Oun har o Mose an o Debleskro kheer djas, te rakrell yob leha, koy shounas yob leskro rakepen, hoy vas kotar, kay o sonakaskro morhton hi, an leste o Debleskre deesh laba hi. Ko rakepen vas mashkral kol douy bolepangre vin, kay ap o pralstouno kotar hi, hoy ap ko morhton hi, oun hoy sikrella, kay o Devel peskre menshenge lačo hi. Oun yob rakras leha.

Remarja 10:4

Yob bičras o Yezous Kristes. Koon ap leste patsella, kova hi čačo glan o Debleste. O Moseskre laba hi bouder gar o drom pash o Debleste.

5. Mose 10:5

Oun me rissrom man oun djom i berga pale tele. Oun me čivom kol barra an ko morhton, hoy me krom. Oun kote hi le, yaake har o baro Devel mange penas.