2. Mose 24:4 - O Debleskro Lab 2024 (Sinte-Manouche)

⁴ Koy činas o Mose hako lab, hoy o baro Devel penas, an i liil. Oun sik taysarlakro stas yob pre oun kras i rhačepaskri tele glan i berga, kote pre firhe rhačedo venna o baro Debleske. Ninna čivas lo deesh-te-douy barra pre kol deesh-te-douy bare familyenge, kay van o Israeleskre čavendar: yek bar haki familyake.

O Debleskro Drom 2021 (Sinte)

⁴ Koi tchinas o Mose hako lab, hoi o baro Dewel penas, an i liil. Un sik taissarlakro stas job pre un kras i chatchepaskri tele glan i berga, kote pre vieche chatchedo wenna o baro Debleske. Ninna tchiwas lo deesh-te-dui barra pre kol deesh-te-dui bare familjenge, kai wan o Israeleskre tchawendar: jek bar haki familjake.

2. Mose 24:4 ပူးပေါင်းရင်းမြစ်များ

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 28:18

Taysarlakro stas o Yakob pre, las ko bar, hoy tel leskro shero čiddo his, čivas les pre, oun čoras djet koy pre.

1. Mose 28:22

Oun kava bar, hoy čivom pre, kova mou vell i Debleskro kheer. Oun halauterestar, hoy tou man deh, dau me tout o deshto kotar pale.”

1. Mose 31:45

Oun o Yakob las i bar oun čivas les o Debleske pre.

1. Rajengro liil 11:30

Oun o Ahia las koy nevi plaashka, hoy ap leste his, oun tserdas lat an deesh-te-douy kotya paash.

1. Rajengro liil 18:31

las deesh-te-douy barra, yek bar hako čaveske o Yakobestar. Ap koleste penas o baro Devel glan i rah tsiro: “Tiro lab vell kanna Israel.”

Esra 6:17

Koleske anan le an o Debleskro kheer 100 (sheel) gourma, 200 (douy-sheel) bakre, oun star-sheel (400) terne bakre, te venn le maredo o Debleske, ninna deesh-te-douy morsh bouzya, yek haki bari familyake, hoy vell o deesh-te-douy Israeleskre čavendar. Kol bouzya van rhačedo o Debleske, te vell i doosh i Israelendar krik lino.

Nehemia 10:1

Oun doleske rakrah men kanna tele oun činah kova pre, te rikrah men ap lauter, hoy mer kate penam. Oun mare pralstoune, mare Levitarya, oun mare rashaya čivenn pengre laba tel kava liil oun pandenn palle o liil khetne.

2. Mose 17:14

Palle penas o baro Devel ap o Moseste: “Čin kava pre, te bistrenn le kova gar! Oun rake les o Yosua an o dji, te bistrell lo kava kourepen gar. Oun pen leske ninna, te kamau me te marap i tsele Amalekarya yaake, te venn le hakenestar bistedo ap kay phoub.”

2. Mose 17:15

Oun o Mose kras i rhačepaskri o Debleske, te venn kote firhe rhačedo o Debleske, oun das koy rhačepaskri o lab O baro Devel krell man zoreles an o kourepen.

2. Mose 21:1

Kolla hi i laba, hoy lenge peness. Ap kolende hounte rikrenn le pen.

2. Mose 24:7

Oun yob las o liil, kay yob dren činas, hoy o baro Devel peskre menshendar kamella, oun draveras kava liil i menshenge glan. Oun i tsele menshe penan: “Lauter, hoy o baro Devel penas, kamah mer te krell, oun ap leste shounell.”

2. Mose 28:21

Oun čin an lende i laba o Israeleskre čavendar, kolendar i deesh-te-douy bare familye venn. Čin an hako bar yek lab.

2. Mose 34:27

O baro Devel penas o Moseske: “Čin kal laba an i liil, te rikrenn t'men ap lende. Palle han mire menshe, oun me rikrau miro lab, hoy dom miro vast pre oun krau touke oun i Israelenge, hoy me penom.”

Jesaja 19:19

Ap ko dives hi mashkral an o them Egiptia i rhačepaskri, kay firhe o baro Debleske rhačedo venna, oun kote, kay i themma Egiptia oun Israel khetne venna, vell i baro bar o baro Debleske pre tardo, kay lo sharedo vella.

3. Mose 24:5

Mouk deesh-te-douy mare te pekell dran lačo yarro, hako maro dran douy-te-paash kilogramme yarro!

4. Mose 17:2

“Pen ap o Aroneskro čaveste, o rashayeste Elazar, te lell yob kol pirya dran i yag, oun vitsrell koy yag dour krik! Kol čilače, kay meran, anan kal pirya glan o baro Debleste. Doleske hi kal pirya o Debleskro oun hounte venn an o Debleskro kheer. Denn kol pirya bourhlo, te venn sane bourhle sasterne patria dran lende! Oun kolen denn troul o Debleskri rhačepaskri, te venn le i sikepen, te bistrenn i Israelitarya gar, hoy djas!”

Louka 22:30

Oun t'mer rhana oun piyenna mantsa kote, kay me o baro ray hom, oun han beshdo ap rayeskre beshepangre, oun penenn o čačepen vin pral i tsele menshende, kay venna o deesh-te-douy Israeleskre čavendar.”

Galatarja 2:9

Kol pralstoune mank i patslende his o Yakobo, oun o Kefas, oun o Yohanni. Har yon hayvan, kay o Devel mange lačo hi oun man koy boudi das, dan yon man oun o Barnabas o čačo vast, te dikenn halauter, kay ham mer phrala. Mer kram vin, te djas mer pash kolende, kay kek bibolde hi, oun yon te djan pash i biboldende.

5. Mose 31:9

O Mose činas kal čačepaskre laba an i liil, oun das les kol phoureden pral Israel oun kol rashayende dran o kheer Levi, kay o Debleskro morhton hidjran, kay o Debleskre deesh laba dren hi.

Josua 4:20

Oun kol deesh-te-douy barra, hoy yon dran o Yordan lan, čivas o Yosua kote ap i platsa Gilgal

Josua 4:5

Oun yob penas ap lende: “Djan mashkral an o pani glan o morhton, kay i laba t'maro baro Deblestar dren hi! Oun hakeno t'mendar hadell yek bar ap leskro phik, yek bar haki bari familyake, hoy vella kol deesh-te-douy Israeleskre čavendar.

Debleskro tsiro 21:14

Oun koy massouri hi tardo ap deesh-te-douy zorele barra. Ap kolende hi i laba činlo kol deesh-te-douyendar, kay his o terno bakreskre bičepangre.