2. Mose 23:31 - O Debleskro Lab 2024 (Sinte-Manouche)

³¹ Oun me penau, har bares tiro them vella. Yob djal foun ko Baro Lolo Pani bis pash ko baro pani, kay i Filistarya djivenn, oun foun o moulo tato them bis pash o lengsto pani Eufrat. Kolla, hoy kote djivenna, dau an tiro vast, te tradenn t'mer len dran o them vin.

O Debleskro Drom 2021 (Sinte)

³¹ Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

2. Mose 23:31 ပူးပေါင်းရင်းမြစ်များ

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Rajengro liil 11:2

Kolla his save menshendar, kolendar o baro Devel ap i Israelitarya penas: “Ma moukenn t'men lentsa dren, oun yon hounte moukenn pen gar t'mentsa dren. Yon tserdans t'mare djia pash lengre deblende.” Ap kal djouvyende nashras o Salomo peskro dji.

1. Rajengro liil 20:13

Koy vas i Debleskro rakepaskro pash o Ahab, ko baro rayeste pral Israel, oun penas ap leste: “Kava penell o baro Devel: Dikeh tou kol boud boud lourden? Čačepah, me kamau len kava dives an tiro vast te dell, te hayvess tou, me hom o baro Devel!”

1. Rajengro liil 8:65

Oun ap ko tsiro his kol bare divessa, kay djivenn i Israelitarya an patyengre khera. Oun o Salomo khetne kol tsele Israelentsa rikran kol bare divessa. His boud menshe kote khetne dran o tselo them, foun Lebo-Hamat bis pash koy tala mank Israel oun Egiptia. Efta divessa his le khetne glan maro baro Debleste, oun koy pal pale efta divessa. Kolla his khetne deesh-te-star divessa.

2. Familjakro liil 9:26

Oun yob his o baro ray pral i tsele rayende pral i themma mank o baro pani Eufrat oun o them, kay i Filistarya djivan oun bis pash o them Egiptia.

Debleskri gili 72:8

Oun yob vell o baro ray pral i tsele themma, foun yek baro pani bis pash o vavar baro pani.

4. Mose 21:34

Oun o baro Devel penas ap o Moseste: “Ma traash lendar! Me dom les an tire vasta, ninna o them i menshentsa. Oun tou kress leha yaake, har kral o baro rayeha pral i Amorarya, o Sihoneha, kay an Heshbon djivas.”

4. Mose 34:2

Pen ap kol Israelitarya: Djan an o them Kanaan! Ko them vell t'menge yek rigyatar ap i vavar: Kolla hi i rigya:

5. Mose 1:7

Stenn kanna pre oun djan doureder pash i berge, kay i Amorarya djivenn, oun kote, kay kol Kanaanitarya djivenn: an o telstouno them o panyestar Yordan, oun an o pralstouno them, oun an o divyo them Shefelah oun an o them Negev pash o baro pani bis pash i berge Libanon oun o baro lengsto pani Eufrat.

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 11:24

Hako kotar phoub ap koleste t'mare pire stakrenn, hi t'menge, o tselo them mank o moulo tato them oun i berge Libanon, oun mank o lengsto pani Eufrat oun o Mashkralstouno Baro Pani.

5. Mose 2:33

Oun maro baro Devel das len an mare vasta, yaake te maram les oun leskre čaven oun leskre tsele lourden.

5. Mose 2:36

Maro baro Devel das i tsele forya an mare vasta: ko foro Aroer, hoy pash o lengsto pani Arnon čiddo hi, oun ko foro hoy tella an o panyeskri tala čiddo hi, oun i tsele forya bis pash o them Gilead. Kek foro his koy, hoy zorleder his har mer.

5. Mose 20:16

An kol forya, hoy hi an ko them, hoy t'maro baro Devel t'men della, hounte moukenn t'mer kekes djido, kek menshes vitar kek firhes.

5. Mose 3:2

Oun o baro Devel penas ap mande: “Ma dare lestar, me dom les oun leskre tsele lourden oun leskro them an tiro vast. Kre leha har kova o Sihoneha kral, ko baro rayeha pral i Amorarya, kay an o foro Heshbon djivas.”

5. Mose 9:3

Doleske djinenn kava dives, te djal t'maro baro Devel glan t'mende har i yag, hoy halauter pre rhačrell. Yob dell len, te hounte nashenn le penge t'mendar. Oun t'mer tradenn len vin oun denn len sik moulo. Yaake penas o baro Devel kova t'menge.

Josua 1:4

Ko tselo them mank kava moulo tato them oun i berge Libanon, oun mank o baro lengsto pani Eufrat oun o baro pani, hoy kote hi, kay o kham tele djala, kova vell t'maro them. Ninna o them, kay i Hetarya djivenna, vell t'maro.

Josua 10:19

T'mer vavar, ačenn gar tardo! Lenn i Amoraryen palla, kay gomme ap o naashepen hi, taprenn len, oun moukenn len gar an pengre forya te vell! O baro Devel hi t'maro Devel oun das len an t'maro vast.”

Josua 10:8

Oun o baro Devel penas ap o Yosua: “Ma traash lendar! An tiro vast dom me len. Kek morsh lendar nay ačell glan toute tardo.”

Josua 13:6

oun o pralstouno them mank i berge Libanon oun o foro Misrefot-Mayim. Kol tsele Sidonarya, kay kote djivenn, kolen tradau me vin glan kol Israelitaryen. Vitse tou kol barra, hoy sikrenn, have Israelitarya havo kotar them lenna, yaake har me touke penom, te kress kova.

Josua 2:24

Oun yon penan ap o Yosua: “O baro Devel das o tselo them an maro vast. Ninna halauter kolla, kay koy djivenn, hi har bango daryatar glan mende.”

Josua 21:44

Oun o baro Devel kras, te vell len kek kourepen kol thementsa troul lende, yaake har lo pes glan lengre phourende sovel das, te krell lo kova. Oun kek, kay kamas pes lentsa te kourell, vas zorleder har yon. Kolen lauteren das o baro Devel an lengro vast.

Josua 23:14

An i tikno tsiro merau, har hakeno ap kay phoub hounte merell. T'mer djinenn, te peras kek lab ap i phoub kol tsele lače labendar, hoy o baro Devel pral t'mende penas. Lenn kova ap o dji: Lauter, hoy yob penas, vas yaake har yob penas. Kek lab peras tele.

Josua 24:11

T'mer djan pral o Yordan vergel, oun van pash o foro Yericho. Kote kouran pen i morsha dran Yericho t'mentsa. Oun me dom len an t'mare vasta, oun ninna kol vavar menshen, kay an kava them djivan: i Amorarya, i Perisarya, i Kanaanitarya, i Hetarya, Girgasharya, i Hivarya oun i Yebousarya.

Josua 24:12

Me krom, te lan le bari traash t'mendar. Yaake tradom len glan t'mende vin, har tradom glan kova ninna kol douy rayen pral i Amoraryen glan t'mende vin. T'mare rhare oun boge kran kova gar.

Josua 24:18

Oun yob tradas kol vavar menshen glan mende vin, ninna kol Amorarya, kolla kay an kava them djivan. Doleske, kamah mer ninna o baro Debles an-te-mangell. Yob hi maro Devel.”

Josua 24:8

Palle anom me t'men an o them ap i vavar rig o panyestar Yordan, kay i Amorarya djivan. Oun yon kouran pen t'mentsa. Oun me dom len an t'maro vast. Oun t'mer lan lengro them dren. Oun me tradom len glan t'mende vin, bis te kek lendar pral ačas.

Josua 8:18

Koy penas o baro Devel ap o Yosua: “Rike tiro rharo pre, hoy an tiro vast hi, oun sike ap o foro Ai! An tiro vast kamau me o fores te dell.” Oun o Yosua rikras peskro rharo pre oun sikras ap o foro.

Josua 8:7

Oun ap ko tsiro, kay mer lendar nashah, venn t'mer dran t'maro khatepen vin, oun lenn o foro dren. O baro Devel hi t'maro Devel oun dell t'men o foro an o vast.

Josua 9:7

Koy penan i Israelengre morsha ap kol Hivarya: “Nay hi, te djivenn t'mer kate mashkral mende! Har nay kras mer palle savo koova t'mentsa vin?”

Čačepangre 1:4

Oun i morsha dran o kheer Youda djan pre, oun o baro Devel das i Kanaanitaryen oun i Perisaryen an lengro vast. Oun pash o foro Besek maran le 10.000 (deesh-zerya) morsha.

Čačepangre 11:21

Oun kote das o baro Devel, kay o Israeleskro Devel hi, o Sihones oun leskre tsele lourden an i vasta i Israelendar. Oun yon maran len. Yaake las o Israel o tselo them dren, kay o Amorarya djivan,

1. Samuel 23:4

Kote poučas o David gomme i douyto kopo o baro Debles, oun o baro Devel penas: “Ste pre oun dja an Kehila! Me kamau t'men i Filistaryen an t'maro vast te dell!”