2. Mose 23:27 - O Debleskro Lab 2024 (Sinte-Manouche)

²⁷ An hako them, kay tou djah, krau me i menshenge savi daar glan toute, te nashenn le i daryatar penge.

O Debleskro Drom 2021 (Sinte)

²⁷ An hako them, kai tu djah, krau me i menshenge sawi daar glan tute, te nashenn le i darjatar penge.

2. Mose 23:27 ပူးပေါင်းရင်းမြစ်များ

1. Mose 35:5

Oun yon kran pen ap o drom. Oun o Devel čivas i daar ap kol menshende, kay djivan an i forya troul lende. Oun kolla lan len gar palla.

2. Samuel 22:41

Tou kral, te hounte nashan le mandar. Yaake nay marom kolen, kay mange čilačepen kaman.

2. Rajengro liil 7:6

O baro Devel kras, te shounenn kol Syrarya i bari gole, har te venn boud lourde grayentsa oun kourepangre vourdyentsa. Oun yon rakran yek ap o vavareste: “Shounenn, ko baro ray pral Israel čivas pes khetne kol bare rayentsa pral kol Hetarya oun pral kol Egiptarya, te perenn le khetne pral mende.”

2. Familjakro liil 14:14

Ninna djan le ap i plarhtene khera pre, kay kolla djivan, kay dan garda ap pengre firhe, oun lan boud bakre oun khamele pentsa. Pal kova djan le pale an o foro Yerusalem.

Debleskri gili 18:40

Tou dal man i zoor, te nay kourom man lentsa oun vitsral kolen ap i phoub glan mande, kay hadan pen ap mande.

Debleskri gili 21:12

Yon van khetne oun rakran, har nay krenn le touke čilačepen. Či, hoy kamenn le touha te krell, djal lenge mishto.

2. Mose 33:2

Oun me bičrau i bolepaskro. Kova djal glan t'mende. Oun me tradau i vavar menshen an kava them vin: i Kanaanitarya, i Amorarya, i Hetarya, i Perisarya, i Hivarya oun i Yebousarya.

2. Mose 34:24

Me tradau i tsele vavar menshen glan t'mende krik, oun krau t'maro them bareder. Yaake vell kek an t'maro them, te lell lo peske i kotar them ap ko tsiro, kay djan t'mer triin kope an o bersh pash t'maro baro Debleste, te venn khetne glan leste.

4. Mose 22:3

Oun kol Moabaryen his bari daar kol menshendar Israel, kay yaake boud his. Oun kol Moabarya trashan lendar.

5. Mose 11:23

palle tradell o baro Devel i menshen dran kal tsele themma glan t'mende vin. Oun t'mer lenn i themma save menshendar t'menge dren, kay hi boudeder oun zorleder har t'mer.

5. Mose 11:25

Kek nay ačell glan t'mende tardo, Traash oun daar moukell t'maro baro Devel ap i menshende an o tselo them te vell glan t'mende, yaake har yob les t'menge penas.

5. Mose 2:25

Kava divesseha krau te darenn t'mendar i menshe an hake themma. Koon t'mendar shounella, trashell oun trissell i daryatar.”

5. Mose 7:23

T'maro baro Devel dell len an tire vasta oun krell lenge dineles i daryatar, bis te halauter moulo dino hi.

1. Samuel 14:15

Oun i bari daar peras ap kol Filistarya, – ap lengri platsa oun ninna vin ap o them – ap kol tsele lourdende, ninna ap kolende, kay yak denn oun ap kolende, kay vin djan, te randenn le. Oun i phoub trissas. Yaake bičras o Devel i bari daar ap i tsele Filistarya.