2. Mose 23:19 - O Debleskro Lab 2024 (Sinte-Manouche)

¹⁹ Tou aness o feteder halauterestar, hoy ap tiri phoub bares vas tiro baro Debleske an leskro kheer. Tou keress gar i terni bouzni an i thoud peskri datar.

O Debleskro Drom 2021 (Sinte)

¹⁹ Tu aness o feteder halauterestar, hoi ap tiri phub bares was tiro baro Debleske an leskro kheer. Tu keress gar i terni busni an i thud peskri datar.

2. Mose 23:19 ပူးပေါင်းရင်းမြစ်များ

Nehemia 10:35

Mer anah hako bersh o kasht rhačepaske an maro Debleskro kheer, te nay vell les rhačedo ap i rhačepaskri maro baro Deblestar, yaake har činlo hi an o Moseskro liil. Mer, i rashaya, i Levitarya oun i vavar Israelitarya, vitsrah tikne barra, te sikrenn le, koon mare familyendar an havo tsiro kava kasht anell.

Nehemia 10:36

Ninna hako bersh dah o feteder halauterestar, hoy vas baro ap mari phoub oun ap mare rouka, oun anah kova an o baro Debleskro kheer.

2. Mose 22:28

An ko tsiro, kay aneh tiro djob oun tire drake dren, de tiro Debles, hoy leske hi! Tiro phoureder morsh čaves dess tou tiro Debles.

2. Mose 22:29

Yaake kress ninna tire groumyentsa oun tire bakrentsa oun bouzyentsa. Efta divessa ačenn le pash pengri date. Oun ap o orhtato dives dess len mande.

2. Mose 34:26

Hako bersh anenn o feteder halauterestar, hoy ap t'mari phoub bares vas, an o Debleskro kheer! Yob hi t'maro baro Devel. Kerenn gar i terni bouzni an o thoud lakro datar!

Gosewe laba 12:10

Kova, kay an o čačepen tardo hi, les hi i dji peskre firhenge. I čilačen hi kek dji lenge.

Gosewe laba 3:9

De o baro Debleste tiro bravlepastar oun ko feteder kolestar, hoy touke khetne anal, yaake hadeh leskro lab.

Jeremia 10:3

Lengro patsepen ap i moule deblende hi či moldo. Yon denn i rouk tele an o veesh, te krenn le i figura. Oun kova, kay hayvell o kashteha te boudrell, lell peskri čouri, oun krell dran o kasht i figura peskre vastentsa.

Ezekiel 44:30

Ninna o feteder djob kolestar, hoy neves baro vas, oun kova, hoy hounte denn i menshe o Debleske, hi i rashayenge. Anenn lenge ninna i erste mare, hoy o nevo djobestar peklo van. Koon kova krell, ap koleste oun leskri familya vell o Debleskri barht.

Ezekiel 48:13

Oun langs ko kotar them, hoy lenn kol rashaya, lenn i Levitarya pengro kotar them. Kova hi ninna 12,5 (deesh-te-douy-te-paash) kilometarya lengsto oun 5 (panč) kilometarya bourhlo. Ko tselo kotar, hoy o Debleske ap i rig čiddo hi, hi 12,5 (deesh-te-douy-te-paash) kilometarya lengsto oun 10 (deesh) kilometarya bourhlo.

Ezekiel 48:14

Oun i Levitarya hounte bikrenn či pengro themestar oun či parenn. Kava fetester kotar them hounte vell gar an i vavarengre vasta. Kava kotar them vas o baro Debleske dino.

4. Mose 15:21

Ninna hounte denn t'mer leste ko ersto yarro. Ko lab ačella hako tsireske.

1. Korintarja 15:20

Ko čačepen hi: O Yezous Kristo hi o ersto, koles o Devel i moulendar djido kras.

5. Mose 14:21

T'mer hounte rhan kek mass i firhestar, hoy moules trouyel čiddo hi. I vi-themares, kay djivell an t'maro foro, koles nay denn les, te rhal yob les. Ninna nay bikrenn les ap yekeste dran o vi-them. T'mer han menshe, kay hi o baro Debleske koy, kay t'maro Devel hi. Tou keress gar i bouzyakro ternepen an o thoud leskri datar.

5. Mose 26:10

Kanna anau ko ersto djob, hoy bares vas an ko them, hoy o baro Devel man das.” Palle čivess tou les glan tiro baro Debleste tele, oun vitsress tout tele glan leste, te mangess les an.

5. Mose 26:2

palle less tou ko ersto djob, hoy ap tiro phoub bares vas. Oun tou čivess les an i korba oun aness les pash koy platsa, kay yob kamell, te vell lo kote an-mangedo.

Debleskro tsiro 14:4

Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.