2. Mose 23:14 - O Debleskro Lab 2024 (Sinte-Manouche)

¹⁴ Triin kope an o bersh rikress tou mange bare divessa dren:

O Debleskro Drom 2021 (Sinte)

¹⁴ Triin kope an o bersh rikress tu mange bare diwessa dren:

2. Mose 23:14 ပူးပေါင်းရင်းမြစ်များ

1. Rajengro liil 9:25

Oun o Salomo anas triin kope an o bersh firhen o Debleske, te venn le rhačedo ap koy rhačepaskri, hoy lo leske kras. Kolla his save firhe, hoy van tseles rhačedo oun save firhe, kolendar rhačran le o thulepen, oun rhan ko vavar mass. Ninna soungepaskro koova rhačras lo glan o baro Debleste. Yaake vas an o kheer kova kerdo, koleske o kheer kerdo vas.

2. Familjakro liil 8:13

Oun kova vas yaake kerdo har činlo his an o Moseskre lila. Kote dren hi tardo, hoy hounte vell hako dives rhačedo, ninna ap i Debleskre divessa, oun ap kol divessa, kay vell o nevo čon diklo, oun ap kol bare divessa, kay halauter khetne venn, triin kope an o bersh: Kolla hi kol divessa, kay rhan le maro, kay kek shoutlo yarro dren hi, ninna kol divessa, kay vell o nevo djob anlo, oun kol divessa, kay djivenn i Israelitarya an patyengre khera.

2. Mose 23:17

An kal bare divessa, triin kope an o bersh, hounte venn i tsele morsha glan o baro Debleste, pengro rayeste an leskro kheer.

2. Mose 34:17

Ma krenn t'men kek debles dran saster, sonakay oun roup!

2. Mose 34:18

Ma bistrenn kol bare divessa, kay rhan kek maro dran shoutlo yarro. An o čon Abib rhan efta divessa kek maro dran shoutlo yarro yaake har me t'menge penom! An ko čon djan t'mer vin dran o them Egiptia.

Ezekiel 46:9

I vavar Israelitarya, te venn le glan o baro Debleste, te mangenn le les an ap kol bare divessa, hounte djan yon gar an o emligo baro voudar dren oun vin. Koon dren djal an ko baro voudar, hoy ap koy rig hi, kay norden hi, kova djal vin dran ko voudar ap koy rig, kay o kham pralstounes tardo hi. Oun koon an o voudar dren vell, hoy ap koy rig hi, kay o kham pralstounes tardo hi, djal dran ko voudar vin, kay kote hi, kay norden hi. Yob djal gar an ko voudar vin, kay lo dren djas. Na-a, dran o voudar, hoy vergel hi, djal lo vin.

3. Mose 23:16

ap ko dives pal o eftato Debleskro dives – kova hi o 50. (paash-sheelto) dives – anenn t'mer i nevo rhapen o baro Debleske.

3. Mose 23:34

Pen ap i Israelitarya: An o eftato čon hi kol bare divessa, kay djivenn t'mer an patyengre khera efta divessa, te vell o baro Devel sharedo. Ko ersto dives hi o 15. (deesh-te-pančto) dives an kava čon.

3. Mose 23:4

Kalla hi i bare divessa, kay venn t'mer khetne, te vell o baro Devel sharedo. Denn kal divessa vin gole ap pengro tsiro.

3. Mose 23:5

Ap o 14. (deesh-te-starto) dives an o ersto čon, har o kham tele djas, vell ko dives, hoy hi o baro Debleske. Kava dives kharell Passa.

5. Mose 16:1

Denn yak, te bistrenn gar kol bare divessa, kay kharenn Passa! Rikrenn len an o čon Abib, te sharenn t'maro baro Debles! O čon Abib his, kay anas lo t'men rati dran o them Egiptia vin.

5. Mose 16:16

Triin kope an o bersh hounte venn t'mare tsele morsha glan t'maro baro Debleste ap koy platsa, hoy yob peske vin rodell: ap kol bare divessa, kay rhan kek maro dran shoutlo yarro, oun ap ko baro dives, kay anenn o baro Debleske o nevo djobestar, hoy t'mer dren anan, oun ap kol divessa, kay djivenn an patyengre khera. Oun kek vell, koles či pash peste hi, hoy yob o baro Debleske anella.

1. Samuel 1:3

Oun ko morsh djas hako bersh vin dran peskro foro, te mangell lo an o foro Shilo o baro Debles an, ko rayes pral o bolepen oun i phoub, oun te anell lo leske i firhes, hoy vell leske maredo. Kote his douy phrala o baro Debleskre rashaya: o Hofni oun o Pinhas. Kolengro dad his o Eli.