2. Mose 20:17 - O Debleskro Lab 2024 (Sinte-Manouche)

¹⁷ Ma rode, har nay less tou kova touke, hoy i vavares hi: leskro kheer, leskri romni, boudepaskro, boudepaskretsa, groumni, bourika, či, hoy i vavares hi.

O Debleskro Drom 2021 (Sinte)

¹⁷ Ma rode, har nai less tu kowa tuke, hoi i wawares hi: leskro kheer, leskri romni, budepaskro, budepaskretsa, grumni, burika, tchi, hoi i wawares hi.

2. Mose 20:17 ပူးပေါင်းရင်းမြစ်များ

1. Mose 14:23

Kek kotar thab, vitar kek dori, hoy i kirrha khetne pandella, lau toutar. Te peness tou gar, tou kral man bravelo.

1. Mose 3:6

Oun koy romni dikas ap ko rouk oun penas ap peste: “Mishto vals, te rhaus ko roukestar. Shoukar hi lo! Oun mishto vals, te vaus gosevo.” Oun yoy las o roukestar, rhas oun das ninna peskro romeste, kay pash late his. Oun yob rhas ninna.

1. Mose 34:23

Lengre firhe, lengro bravlepen oun lauter, hoy len hi, vell maro! Kras, hoy yon kamenna, te ačenn le pash mende!”

Hiob 31:1

Me djom i sovel mire yakentsa dren, te dikap gar loubekanes i terni čake palla.

Hiob 31:9

Te moukas pes miro dji i vavareskri djouvyake dren, oun te louroms me ap late pash koleskro voudar,

Debleskri gili 10:3

Yob sharell pes pral kova, hoy lo kamell te krell. Oun kova, kay i meen gar pherdo lell, praasella o baro Debles oun sal pral leste.

Debleskri gili 119:36

Kre te dikap ap tire laba, hoy mange sikrenn, har te djivap, oun dikap gar ap o bravlepen!

Gosewe laba 4:23

De yak ap kova, hoy patseh dour an tiro dji! Kolestar vell o djipen.

Gosewe laba 6:29

Yaake djal koleske, kay pash i romyate i vavarestar djal. Hakeno, kay lat an-taprell, lell peskri phagi.

Sikepaskro 4:8

Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

Jesaja 33:15

Kolla, kay an o čačepen tardo hi, oun rakrenn, hoy čačo hi; kolla, kay kekeske rhorhepah love tele lenn, te venn le bravelo, oun tserdenn pengre vasta pale, te kamell yek len love te dell, te anenn le rhorhepen pre; kolla, kay shounenn gar ap kolende, kay kamenn yekes te marell, oun kolla, kay djan gar kolentsa, kay o čilačepen krenn,

Jesaja 57:17

Lengri doosh his, te lan le gar doha. Pral kova vom rhoyedo, oun koleske dom me len, khatrom man glan lende oun rhoyrom man. Oun yon djan doureder ap pengro drom oun van gar pale pash mande.

Jeremia 22:17

Yoyakim, tire yaka oun tiro dji dikenn ap či vavares, har te vess bravleder tiro rhorhepah. Tou mareh kolen, kay kek čilačepen kran, oun rikreh i menshen zoryah oun daventsa tele.

Jeremia 5:8

Hakenes hi rhanč ap kol vavareskri romyate har i gray, kay divyo hi pal haki djouvyate.

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Micha 2:2

Kamenn le yekeskro kotar phoub, randenn le les, oun lenn penge khera vavar menshendar, har yon kamenna. Čilači zoryah djan le ap yekeste, oun lenn penge leskro kheer oun kova, hoy les peskro dadestar vas.

Habakuk 2:9

Djungeles djal touke, kay tou rhorhepah tiro bravlepen khetne aneh! Ap tiro kheer vell bibarht. Pral ap i berga kral tou tiro kheer, te nay vell kek bibarht pral toute!

Mateo 20:15

Me krau nay mire loventsa, hoy me kamau. Hoske hal tou čilačo ap mande, te hom me lačo?

Mateo 5:28

Me penau t'menge: Koon ap i vavareskri romyate dikella, te sovell lo lah, kova rhorhras peskri romyat an peskro dji.

Louka 12:15

Palle penas o Yezous ap kolende, kay troul leste tardo hi: “Denn garda! Ma nashenn boud bravlepen palla! O tselo bravlepen, hoy i mensho khetne anas, krell o mensheskro djipen gar braveles.”

Louka 16:14

Kol Farisarya shounan kova lauter. Yon his pal i love, oun yon san pral o Yezouseste.

Bičepangre 20:33

T'mer djinenna: Me mangom kekestar t'mendar čomone: kek sonakay, kek roup, kek an-ripaske. Mire vastentsa boudrom, te vell man oun kolen, kay pash mande hi, te rhal.

Bičepangre 5:4

Tou nay rikrals tiro kotar phoub. Oun har bikral les, nay rikrals kol love ninna. Har nay kral tou savo koova? Tou rhorhral gar i menshen. Tou rhorhral o Debles.”

Remarja 13:9

An o Debleskro lab hi činlo: Romeha, ma rhorhe tiri romyat i vavar djouvyah! Romniya, ma rhorhe tiro romes i vavar morsheha! Ma mare kekes! Ma čore! Ma dik čilače yakentsa ap kova, hoy o vavareskro hi! Lauter kova, hoy o Devel toutar kamella, hi an ko yek lab khetne lino: Ab yaake lačes ap o vavareste har hal lačo ap toute!

Remarja 7:7

Hoy sikras men kova? Hi o Moseskre laba čilačo? Na-a. Kova hi gar yaake. Te vans kol laba gar koy, djinams gar, hoy čilačo hi. Kol laba penenn menge: Tiro dji te djal gar pal kova, hoy o vavareske hi! Te djinoms kol laba gar, djinoms gar, kay kova čilačo hi.

1. Korintarja 6:10

vitar gar i čorepangre, vitar gar kolla, kay ap i love pandlo hi, i dre-phagepangre, i pipangre oun kolla, kay praasenn i vavaren, – kolla lauter venna gar pash o Debleste an o bolepen.

Efesarja 5:3

T'mer han o Debleskre menshe. Doleske krenn kek vi-ladjedo oun djoungelo koova! Nashenn vitar gar pal i love! Hi gar mishto, te vell pral savo koova mank t'mende rakedo!

Efesarja 5:5

T'mer hounte djinenn: An o bolepen, kay hi o Yezous Kristo oun o Devel i raya, kote venn kek morsha dren, kay sovenn vavar djouvyentsa, vitar kek djouvya, kay sovenn vavar morshentsa, vitar kek, kay krell djoungelo koova, vitar kek, kay nashell pal i love. Kova, kay nashell pal i love, koleske hi o bravlepen peskro devel.

5. Mose 5:21

Ma rode gar, har nay less tou kova touke, hoy i vavares hi: leskri romni, leskro kheer, leskri phoub, leskro boudepaskro, boudepaskretsa, groumni, bourika, či, hoy i vavares hi.

5. Mose 7:25

Rhačrenn i figure lengre deblendar! Ko roup oun ko sonakay, hoy ap lende hi, lenn gar tele t'menge, te venn t'mare djia gar pandles ap kova. Savo koova vals djoungeles glan t'maro baro Debleskre yaka.

Filiparja 3:19

Yon djan ap i drom, kay djan le nashedo. Lengro per hi lengro Devel. Yon sharenn ko djoungelo koova, hoy kran le, oun hounte ladjans pen pral kova. Kova, hoy an lengro shero trouyel djala, hi phoubyakro koova.

Kolossarja 3:5

Ma krenn bouder kova, hoy kran an t'maro phouro djipen: Ma loubrenn trouyel! Ma krenn djoungelo oun vi-ladjedo koova! Ma moukenn čilačo koova an t'maro shero trouyel te djal! Ma nashenn pal i love! Koon pal i love nashella, koleske hi peskre love har leskro devel.

Hebrearja 13:5

Ma nashenn i love palla! Kova, hoy tout hi, kova mouk touke doha te vell! O Devel penas: Me bistrau tout gar, oun moukau tout kek tsireske!

Josua 7:21

Mank ko tselo koova, hoy lam lendar, dikom i shoukar plaashka dran o them Shinar, oun 200 (douy-sheel) roupeni kotya oun i baro lengsto sonakaskro kotar, hoy yek paash kilo phares hi. Oun me nay rikrom man gar pale oun lom kova. Oun halauter hi an miro plarhteno kheer, an i phoub khatemen. Oun o roup hi tel o vavar.”

1. Samuel 12:3

Doleske hom kanna glan t'mende tardo: Stenn pre oun rakrenn kate glan o baro Debleste oun glan o baro rayeste, kones yob vin rodas: Koneskri groumni lom me? Koneskri esla? Kones rhorhrom me? Konestar lom i zoryah, hoy leske his? Konestar moukom man te playsrell, te pandap mire yaka glan leskro čilačo koova. Me te krom kova, palle kamau les me pale te dell.”

1. Samuel 15:19

Hoske shounal tou gar ap o baro Debleste, oun lal touke, hoy lendar his. Kova his djoungeles glan o baro Debleskre yaka.”