2. Mose 20:12 - O Debleskro Lab 2024 (Sinte-Manouche)

¹² Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

O Debleskro Drom 2021 (Sinte)

¹² Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

2. Mose 20:12 ပူးပေါင်းရင်းမြစ်များ

1. Mose 48:12

Oun o Yosef las len lestar krik oun vitsras pes glan leste tele, peskro mouy ap i phoub.

1. Mose 50:12

Oun o Yakobeskre čave kran leha yaake, har o Yakob lenge penas.

1. Rajengro liil 2:19

Oun i Batsheba djas pash o baro rayeste Salomo, te rakrell li leha pral kova, hoy o Adoniya lestar kamell. Oun o baro ray, har dikas lo peskri day, stas lo pre glan late, čivas peskro shero tele glan late, oun beshas pes ap peskri rayeskri beshepaskri. Oun lake moukas lo ninna i beshepaskri te vell, te beshell li pes nay ap leskri čači rig.

2. Rajengro liil 2:12

O Elisa dikas kova oun das gole: “Miro dad, miro dad, tou baro kourepaskro i Israelenge!” Oun dikas les gar bouder. Koy tapras yob peskre koola oun phagas len an douy kotya,

2. Mose 21:15

Kova, hoy dell peskro dades oun peskri dat, kova hounte merell.

2. Mose 21:17

Ma rake bibarht vin pral tiro dadeste, vitar gar pral tiri date! Koon kova krell, hounte merell.

Gosewe laba 15:5

O dinelo shounell gar ap leskro dadeste, te dell lo les trad. Kova, kay shounell koy pre, hi gosevo.

Gosewe laba 17:6

Čavengre čave hi har i rayeskri stadi i phourenge. Oun i čave sharenn pen pengro papeha oun pengri mami.

Gosewe laba 20:20

Kova, kay pral peskro dades oun peskri date bibarht vin rakrell, koleske djal har yek, koleskri momeli vin djal an i kali rat.

Gosewe laba 28:24

Koon peskro dades oun peskri dat vi-randell oun penell kova hi kek doosh, savo hi gar feteder har i čorepaskro.

Gosewe laba 3:16

An peskro čačo vast, rikrell o gosvepen i lengsto djipen touke, peskro servo vasteha dell lo tout bravlepen oun raylepen.

Gosewe laba 30:11

Hi menshe koy, kay rakrenn pral pengro dad bibarht vin, oun penenn kek lačo lab pral pengri date.

Gosewe laba 30:17

Kova, kay praasell peskro dades, oun kamell gar ap peskri date te shounell, koleske hounte dens i korake i yaka vin, oun i bare čirkle hounte rhans len.

Jeremia 35:18

I menshenge dran o kheer Rekab penas o Yeremia: Kava penell o baro Devel, ko ray pral o bolepen oun i phoub, kay o Israeleskro Devel hi: T'mer shounan ap t'maro dadeste Yonadab, oun rikran t'men ap leskre tsele laba, oun kran halauter yaake, har yob t'menge penas,

Jeremia 35:7

vitar gar čivenn t'menge khera pre, čivenn kek djob an i phoub, vitar gar drakengre rouka. T'men hounte vell kek drakengro them. An plarhtene khera hounte djivenn t'mer t'maro tselo djipen, te djivenn i lengsto djipen an kava them, an koleste t'mer trouyel djan.

Ezekiel 22:7

Kolla, kay an Yerusalem djivenn, dikenn tele ap pengro dadeste oun ap pengri date, oun rhorhenn i vi-themaryen, kay pash lende djivenn. Oun kol djouvyen, kolengro rom meras, oun kol čaven, kolengro dad meras, kolen rikrenn le zoryah tele.

3. Mose 19:3

Hakeno t'mendar hounte dikell pre ap peskri date oun ap peskro dadeste, oun hounte rikrell o Debleskro dives! Me, o baro Devel, hom t'maro Devel.

3. Mose 19:32

Glan phoure menshende stess tou pre oun dikess pre ap lende. Tou rikress tiro Debles glan tire yaka pash halauter, hoy kreh! Me hom o baro Devel.

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?

Mateo 19:19

Dik ap tiro dadeste oun ap tiri date, te djal lenge mishto! Oun ap koleste, kay pash toute hi hounte vess yaake lačes, har hal lačes ap toute kokres.”

Markus 10:19

Tou djineh, kay o Devel penas: De kekes moulo! Romeha, ma rhorhe tiri romyat i vavar djouvyah! Romniya, ma rhorhe tiro romes i vavar morsheha! Ma čore! Ma pen rhorhepen pral i vavarende! Ma rande či i vavarestar! Dik ap tiro dadeste oun ap tiri date, te djal lenge mishto!”

Markus 7:10

O Mose penas: Dik ap tiro dadeste oun ap tiri date, te djal lenge mishto! Oun ninna penas o Mose: Koon ap peskro dadeste oun ap peskri date i bibarht anella, kova hounte merella!

Louka 18:20

Tou prindjreh kol deesh Debleskre laba: Romeha, ma rhorhe tiri romyat i vavar djouvyah! Romniya, ma rhorhe tiro romes i vavar morsheha! Ma mare kekes! Ma čore! Ma pen rhorhepen pral yekeste! Dik ap tiro dadeste oun ap tiri date, te djal lenge mishto!”

Efesarja 5:21

O Yezous Kristo hi t'maro ray. Oun t'mer penenn Ray ap leste. Doleske hounte hadell pes kek t'mendar pral o vavareste.

5. Mose 11:8

Doleske rikrenn t'men ap i tsele laba, hoy t'menge kava dives penau. Palle han zoreles doha, te lenn ko them t'menge dren, an koleste kanna djan.

5. Mose 11:9

Oun t'mer djivenn i rah tsiro an ko lačo oun bravelo them, hoy o baro Devel pes glan t'mare phourende sovel das, te dell lo les lende oun lengre čavende pal lende.

5. Mose 21:18

Te hi i romes i morsh čavo, kay hi bipandlo, oun krell halauter pal peskro shero oun shounell gar ap peskro dadeste oun peskri date, ninna te čingrenn le ap leste oun denn les dava,

5. Mose 25:15

Le save barra oun pirya, kolen o čačo barepen hi! Palle djiveh i rah tsiro an ko them, hoy t'maro baro Devel tout dell.

5. Mose 27:16

“Praasedo vell kova, hoy ap peskro dadeste oun peskri date tele dikell!” Oun i tsele menshe hounte penenn: Amen!

5. Mose 32:47

Kalla hi laba, hoy t'menge boud moldo hi. Yon hi t'maro djipen. Djivenn pal lende, oun t'mer djivenna i rah tsiro an ko them vergel o panyestar Yordan, kay kanna dren djan, te lenn les t'menge dren.

5. Mose 4:26

Kava dives dau man sovel glan o bolepen oun i phoub, te krenn t'mer savo koova, djivenn gar rah an o them, hoy t'mer dren lenna vergel o pani Yordan. Kokres i tikno tsiro ačenn t'mer koy. Palle venn t'mer lauter krik tradedo.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 5:16

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

5. Mose 6:2

yaake te rikrenn t'maro baro Debles glan i yaka t'maro tselo djipen, oun denn yak ap halauter, hoy lo t'mendar kamella, ap leskre tsele laba, hoy me t'menge penau, te rikrenn t'men ap lende, t'mer oun t'mare čave oun čavengre čave. Yaake djivenn t'mer i rah tsiro an t'maro them.

Kolossarja 3:20

T'mer čave, shounenn hako tsiro ap t'maro dadeste oun ap t'mari date! Kova kamell o ray Yezous t'mendar.

Ruth 3:6

Oun yoy djas tele pash koy platsa, kay denn le o djob vin oun kras lauter, hoy lakro romeskri day lake penas.

1. Samuel 22:3

Kotar djas o David doureder oun vas an o them Moab an o foro Mispe, oun penas kote ap o rayeste pral i Moabarya: “Mouk miro dades oun miri day pash toute te vell oun pash toute te ačell yaake rah, bis te me djinau, hoy o Devel mantsa krella.”