2. Mose 16:4 - O Debleskro Lab 2024 (Sinte-Manouche)

⁴ Kote rakras o baro Devel ap o Moseste: “Me moukau t'menge maro dran o bolepen tele te perell. Pen i menshenge te djan le hako dives vin, te lenn le penge yaake boud, har yon an yek dives nay rhan. Yaake nay dikap me palla, te kamenn le čačepah pal miro lab te djivell.

O Debleskro Drom 2021 (Sinte)

⁴ Kote rakras o baro Dewel ap o Moseste: “Me mukau tumenge maro dran o bolepen tele te perell. Pen i menshenge te djan le hako diwes win, te lenn le penge jaake bud, har jon an jek diwes nai chan. Jaake nai dikap me palla, te kamenn le tchatchepah pal miro lab te djiwell.

2. Mose 16:4 ပူးပေါင်းရင်းမြစ်များ

Nehemia 11:23

O baro ray moukas lenge te penell koon lendar ap havo dives an o Debleskro kheer hounte givell.

Nehemia 9:15

Oun maro dran o bolepen dal tou len, har len bok his. Oun moukal lenge dran o baro bar pani vin nashell, har len troush his. Oun tou penal lenge, te djan le koy oun lenn o them dren. Ko them koleske tou tiro vast hadal, oun dal tout sovel, te dess len ko them.

Nehemia 9:20

An tiro lačepen penal lenge, hoy te krenn le. Oun tiro maro dran o bolepen dal len rhapaske, ninna pani, har len troush his.

Debleskri gili 105:40

Yon mangan lestar mass, oun yob moukas pesse čirkle te vell. O mareha dran o bolepen kras lo len čalo.

Debleskri gili 78:23

Oun yob rakras zoreles ap i volke oun kras i bolepaskre voudya pre,

2. Mose 15:25

Koy das lo gole ap o baro Debleste. Oun o baro Devel sikras les i kotar kasht. Kova vitsras lo an o pani, oun o pani vas lačo. Kote das o baro Devel len laba, hoy sikrenna, hoy lo lendar kamell, oun har te djivenn le an leskro čačepen. Oun kote kamas lo ninna te dikell, te shounenn le ap leste.

2. Mose 16:15

Kava dikan i Israelitarya oun penan yek ap o vavareste: “Hoy hi kava?” Yon djinan gar, hoy kova hi. O Mose penas ap lende: “Kava hi ko maro, hoy o baro Devel t'menge bičras.

Gosewe laba 30:8

Rike man pale, te rhorhap! Oun ma kre, te vap čorvelo oun vitar gar, te vap bravelo. De man kokres, hoy man hounte vell o djipaske.

Mateo 6:11

De men maro maro hako dives!

Louka 11:3

De men maro hako dives!

1. Korintarja 10:3

Oun yon halauter rhan ko yek rhapen, hoy vas o Deblestar.

5. Mose 8:16

oun das t'men Manna te rhal an o moulo tato them, ko maro, hoy t'mare phoure gar prindjran. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi, te nay krell lo les t'menge pal kova mishto.

5. Mose 8:2

Ma bistrenn, har djas t'maro baro Devel glan t'mende an kol 40 (star-deesh) bersha, har djan an o moulo tato them trouyel. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi: Shounenn t'mer ap leskre laba oder gar?

Josua 24:15

Hi t'menge gar mishto an t'mare yaka, te mangenn o baro Debles an, palle rodenn kava dives kate vin, kones t'mer kamenn an-te-mangell: Kol deblen, kolen t'mare phoure an-mangan, har yon gomme ap i vavar rig o lengsto panyestar his, oder kol rhorhene deblen, kolen i Amorarya an-mangenn, an kolengro them t'mer kanna djivenn. Me oun miro kheer, mer kamah o baro Debles an-te-mangell.”