2. Mose 16:32 - O Debleskro Lab 2024 (Sinte-Manouche)

³² Oun o Mose penas: “Kava hi, hoy o baro Devel menge penas, te kras mer: Yek khoro pherdo vell pre hadedo mare menshenge, kay pal mende venna. Yaake nay dikenn le o maro, hoy das lo men te rhal an o moulo tato them, har anas lo men dran o them Egiptia.”

O Debleskro Drom 2021 (Sinte)

³² Un o Mose penas: “Kawa hi, hoi o baro Dewel menge penas, te kras mer: Jek khoro pherdo well pre hadedo mare menshenge, kai pal mende wenna. Jaake nai dikenn le o maro, hoi das lo men te chal an o mulo tato them, har anas lo men dran o them Egiptia.”

2. Mose 16:32 ပူးပေါင်းရင်းမြစ်များ

Debleskri gili 105:5

T'mer, kay venn pal o Abraham, o Debleskro boudepaskro, t'mer čave o Yakobestar, koles yob vin rodas, ma bistrenn, hoy yob lauter kras an peskri bari zoor, kova, hoy kek vavar nay kras! Ma bistrenn, har yob o čačepen pral i menshende vin rakras!

2. Mose 16:16

Oun kava hi o lab o baro Deblestar, hoy hounte rikrenn: Hakeno lell yaake boud khetne, har yob nay rhala. I khoro yekeske an t'mare familye.”

2. Mose 16:31

Oun i Israelitarya dan ko maro o lab Manna. Oun yob his har tikno parno djob, oun lačo har i merkli, kay gvin dren hi.

2. Mose 16:33

Oun o Mose penas ap o Aroneste: “Le i khoro oun čip yaake boud Manna dren, har yek morsh ap yek dives rhal. Oun čip ko khoro glan o baro Debleste tardo, te dikenn les t'mare čave, kay pal t'mende venna.”

Jeremia 7:23

Me penom lenge: Shounenn ap miro lab, palle kamau me t'maro Devel te vell, oun t'mer han mire menshe. Djan ap ko drom, kay me t'menge penom, palle djal t'menge mishto.

Hosea 11:4

Lačepah tserdom len, oun kamlepah sikrom lenge lengro drom, oun hidjrom khetne lentsa ko pharepen ap lengre phika, oun me djom ap mire čanga, te dap len te rhal.

Louka 22:19

Oun yob las i kotar maro, parkras pes pash o Debleste, phagas ko maro, das kova lende, oun penas ap lende: “Ake, rhan! Kava maro hi miro mass. Me dau man t'menge. Te hom bouder gar koy, krenn kova pale oun pale, te vell t'menge an t'maro shero, hoy me krom t'menge!”

Hebrearja 2:1

Glan i rah tsiro penan i bolepangre mare phourenge, har hounte djan yon ap o Debleskro drom. Koon gar ap o Debleste shounas, oun gar ap leskro drom djas, kova las peskri phagi. Yaake zorelo hi o Debleskro lab. Doleske hounte das mer baro yak ap ko lab, hoy mer shounam, te djivas pal kova, oun te peras gar ko čačo dromestar tele.

Hebrearja 9:4

An i palstouni isema his o sonakaskro bob tardo, kay kouč goudlo kasht pral pre rhačedo vas, hoy mishto soungella. Koy his ninna o sonakaskro morhton. An leste his o sonakaskro khoro, kay his ko maro dren čiddo, hoy Manna kharella. An ko morhton his ninna o Aroneskro kasht, hoy zenelo vas, ninna kol douy činle barra. Ap kolende his i deesh Debleskre laba činlo, hoy o Devel peskre menshentsa vin kras.