2. Mose 15:20 - O Debleskro Lab 2024 (Sinte-Manouche)

²⁰ Oun i Miryam, o Aroneskri pheen, his i Debleskri rakepaskretsa. Oun yoy las peskri bashepaskri, hoy kharella pauka, an o vast, oun i tsele djouvya lan ninna pengre bashepangre, oun djan lake palla, oun bashran oun khelan.

O Debleskro Drom 2021 (Sinte)

²⁰ Un i Mirjam, o Aroneskri pheen, his i Debleskri rakepaskretsa. Un joi las peskri bashepaskri, hoi kharella pauka, an o wast, un i tsele djuwja lan ninna pengre bashepangre, un djan lake palla, un bashran un khelan.

2. Mose 15:20 ပူးပေါင်းရင်းမြစ်များ

1. Mose 31:27

Hoske nashal touke čorrhanes? Hoske rhorhral man oun penal mange gar, kay kameh touke te djal? Barhteles djoms me t'mentsa i kotar peha ap o drom i gipah oun i bashepah.

2. Samuel 1:20

Penenn kova gar an ko foro Gat, oun rakrenn gar koy pral ap i dromma an Ashkelon, te venn gar barhtelo i djouvya an Filistia, te denn le gar gole i barhtyatar, kolla ča kolendar, kay gar činle hi ap pengro mass!

2. Samuel 6:14

O David khelas peskri tseli zoryah glan o baro Debleste. Oun troul leste his les i rashayeskri layntikri damdira.

2. Samuel 6:16

Oun har o Debleskro morhton an o Davideskro foro anlo vas, dikas i Mikal, kolakro dad o Saul his, dran i vorhni, oun dikas o baro rayes o David, har yob khelas oun stas glan o Debleste, oun an lakro dji dikas li tele ap leste.

2. Samuel 6:5

Oun o David oun i tsele menshe an Israel khelan barhteles glan o baro Debleste, givan gilya, oun kran bashepen ap doryengre bashepangre, ap tikne pauke oun ap vavar bashepangre.

2. Rajengro liil 22:14

Kote djan o rashay Hilkiya, o Ahikam, o Akbor, o Shafan oun o Asaya pash i Debleskri rakepaskretsa Houlda. Koya djivas an o nevo kotar o forestar Yerusalem. Lakro rom his o Shalloum. Leskro dad his o Tikva. Koleskro dad his o Haras. O Shalloum das garda ap o ripyengro kheer. Oun kol morsha rakran lah.

1. Familjakro liil 15:16

Oun o David penas i pralstunenge pral i Levitarya, te rodenn yon gipangren vin dran pengre phralende. Kalla hounte givenn i barhtyatar i bari golyah, oun bashrenn ap i doryengre bashepangre oun vavar bashepangre.

1. Familjakro liil 6:3

O Kohat, leskre čave his: o Amram oun o Yizhar oun o Hebron oun o Usiel.

Nehemia 6:14

Miro Devel, biste kova lenge gar, hoy o Tobiya oun o Sanballat kran, oun ninna hoy i Noadya an o Debleskro lab pral mande vin rakras, oun kol tsele vavar, kay kran, har te rakrans le Debleskre laba vin, oun kaman mange daar te krell.

Debleskri gili 149:3

Sharenn leskro lab an t'maro khelepen! Bashrenn leske ap i pauka oun i harfa!

Debleskri gili 150:4

Sharenn les o bashepah ap i pauke, oun khelenn leske! Sharenn les o bashepah ap i doryengre bashepangre oun tikne phourdepangre!

Debleskri gili 30:11

Shoun, baro Devel, oun ab mange lačo! Ab ap miri rig, miro baro Devel!”

Debleskri gili 68:11

te djivan nay tire menshe kote. Tou, maro Devel, hal yaake lačo, te moukal kol čorvelen kote khere te vell.

Debleskri gili 68:25

Miro Devel, tou hal miro baro ray. Halauter dikenn har tou veh an tiri zoor, oun dren djah an tiro Debleskro kheer.

Debleskri gili 68:26

I gipangre djan glan toute oun i bashepangre pal toute. Oun mashkral dren djan i terne ča oun denn pengre pauke.

Debleskri gili 81:2

Givenn i barhtyatar o Debleske! Yob hi mari zoor. Sharenn o Yakobeskro Debles!

2. Mose 2:4

O tikno čaveskri pheen khatras pes gar dour, te dikell yoy, hoy leha djala.

Sikepaskro 3:4

O ropaske hi yek tsiro, oun o sapaske hi yek tsiro. Dell tsirya, kay rovell maro dji, oun vavar tsirya, kay khelah i barhtyatar.

Jeremia 31:4

Israel, miri pirni! Me krau tout pale baro. Toutar vell pale i natsyona. Tou kress tout pale shoukar, bashress oun djas vin ap o khelepen.

Micha 6:4

Me hom kova, kay anas t'men dran o them Egiptia vin, kay hans pandle boudepangre. Me dom t'men o Mose, o Aron oun i Miryam, te djan le glan t'mende.

4. Mose 12:1

Koy rakras i Miryam oun o Aron djoungeles pral o Moseste oun penan: “Kova hi gar mishto, te las yob peske i romyat, kay hi i menshendar Koush. Rakras o baro Devel kokres ap o Moseste? Rakras lo mentsa gar?” Oun o baro Devel shounas kova.

4. Mose 20:1

Oun kol tsele Israelitarya van an o moulo tato them Tsin, an o ersto čon. Oun i menshe čivan pengre plarhtene khera pre pash o foro Kadesh. Oun i Miryam meras koy oun vas paskedo.

4. Mose 26:59

Koleskri romni kharas Yokebed, lakro dad his o Levi. Koya vas boldo an o them Egiptia. Oun yoy anas o Aron, o Mose oun lengri pheen, i Miryam ap i phoub.

Louka 2:36

An o foro Yerusalem djivas i phouri Debleskri rakepaskretsa. Yoy kharas Hanna. Lakro dad his o Penouel. Yob hi kol menshendar, kay venna pal o Asser. Efta bersha his i Hanna romedino.

Bičepangre 21:9

Koles his star ča, kay gar romedino his. Kolla ča his pherdo Debleskro Dourho, oun yon penan i patslenge, hoy o Devel lende sikras.

1. Korintarja 11:5

Haki romni, kay mangell o Debles an, oun haki romni, kay penella, hoy o Devel late sikras, oun kova krell li, te hi lat či ap o shero, koya anella ladj ap peste. Kova hi yaake, har te vans lake i balla tele činlo.

1. Korintarja 14:34

Te venn t'mer khetne an o Debleskro kheer, ma moukenn i djouvyen te rakrell. Yon hounte shounenn ap kova, hoy penlo vella. Yaake hi ninna činlo an o Moseskre lila.

Čačepangre 11:34

Oun o Yefta vas pale an Mispa pash peskro kheer. Oun kote vas leskri čay vin, oun vas bashepah oun khelepah pash leste. Yoy his lauter, hoy les his. Les his kek vavar čay, vitar kek vavar čavo.

Čačepangre 21:21

Te dikenn t'mer, te venn i terne ča dran Shilo khelepah oun gipah vin dran o foro, palle stenn dran t'maro khatepen vin! Oun hakeno t'mendar taprell peske yek terni čay, te romedinerell lo lat. Oun khetne lah djal lo khere an o them Benyamin.

Čačepangre 4:4

An ko tsiro his i čačepaskri djouvel an o them Israel. Koya his i Debleskri rakepaskretsa. Lakro lab his Debora. Lakro rom his o Lappidot.

1. Samuel 10:5

Pal kova veh tou pash o foro Gibea-Elohim, kay i lourde i Filistarendar yak denn. Te veh tou kote an o foro, dikeh tou, har Debleskre rakepangre i berga tele venn. Oun glan kolende hi bashepangre, kay bashrenn ap doryengre bashepangre oun ap phourdepangre, oun denn ap tikne pauke. Oun i Debleskre rakepangre rakrenn o Debleskro rakepen vin.

1. Samuel 18:6

Ap ko dives, kay i lourde pale van, oun o David o Filistares moulo das, koy nashan i djouvya vin dran i tsele forya an o them Israel, te venn le pash o baro rayeste Saul. Oun yon givan oun khelan, dan gole i barhtyatar, oun dan ap pengre tikne pauke, oun bashran ap pengre bashepangre.