2. Mose 15:16 - O Debleskro Lab 2024 (Sinte-Manouche)

¹⁶ I trashatar his le har bango. Tiri zoryatar van le har barra, har tou moukal tire menshen glan lende vin te djal, tire menshen, kay tou touke vin rodal, baro Devel.

O Debleskro Drom 2021 (Sinte)

¹⁶ I trashatar his le har bango. Tiri sorjatar wan le har barra, har tu mukal tire menshen glan lende win te djal, tire menshen, kai tu tuke win rodal, baro Dewel.

2. Mose 15:16 ပူးပေါင်းရင်းမြစ်များ

1. Mose 35:5

Oun yon kran pen ap o drom. Oun o Devel čivas i daar ap kol menshende, kay djivan an i forya troul lende. Oun kolla lan len gar palla.

2. Samuel 7:23

Oun kay hi menshe ap i phoub har tire menshe Israel? Kolenge djal tou koy, te less len dran o pandepen vin, te venn le tire menshe. Ko baro oun zorelo koova, hoy tou lenge kral, kras, te val prindjedo ap i phoub. Tou tradal vavar menshen lengre deblentsa vin glan tire menshende, kay tou vin lal dran Egiptia, te venn le tire.

Debleskri gili 105:38

I Egiptarya daran lendar, oun his barhtele, har djan yon penge.

Debleskri gili 74:2

Ma biste gar, te ham kol menshe, kay tou touke glan i rah tsiro vi-rodal. Tou ginal men vin dran i vasta kolendar, kay men tele rikran. Tou kamal, te vas mer tiro. Ma biste i berga Sion, hoy touke vi-rodal, te djivess kote.

Debleskri gili 89:14

Tout hi i zoreli moussi, tiro vast hi zorelo, oun pre hadedo tiro čačo vast, te sikress tiri zoor pral i menshende.

2. Mose 11:7

Hi vavarčandes pash i Israelitarya. Kote dell kek djouklo gole, gar ap i mensheste, vitar gar ap i firheste. Yaake te dikenn oun hayvenn t'mer, te djinell o baro Devel, koon Egiptari hi oun koon Israelitari hi.

2. Mose 15:13

Tire menshenge kamlo hal, kolenge, kay tou i zoryah vin lal oun ap i lačo drom anal, hoy pash tiro Debleskro kheer djal.

2. Mose 15:5

I panya van oun len čakran; har barra djan le tele, har barra djan le tele.

2. Mose 15:6

Tou, mo baro Devel, har zorelo hi tiro čačo vast! Tou, baro Devel, tiro čačo vasteha dal tou kolen an kotya, kay kouran pen touha.

2. Mose 18:8

Oun o Mose penas peskri romyakro dad lauter, hoy o baro Devel ap o Faraeste oun ap i tsele Egiptarya kras, har las lo i Israelitarya vin. Ninna penas lo leske, har phares his ap o drom oun har o baro Devel pale te pale ap lengri rig vas.

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

2. Mose 23:20

Me bičrau i bolepaskro glan t'mende, koon dell yak ap t'mende ap o drom, hoy t'mer djan. Oun kova anell t'men an ko them, hoy me t'menge vi-rodom.

2. Mose 23:22

Te shounenn t'mer ap leste oun krenn halauter, hoy me t'menge penau, palle djau me ap kolende, hoy ap t'mende djan. Oun kolla, hoy t'menge o djipen phares krenn, kolenge krau me les ninna phares.

2. Mose 23:27

An hako them, kay tou djah, krau me i menshenge savi daar glan toute, te nashenn le i daryatar penge.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

Jesaja 51:10

Hals gar tou kova, kay o baro pani trouk kras, oun mank kol panya, hoy yaake dour tele djan, i drom das, yaake te nay djan kolla vergel, kay dran o pandepen vin lino van?

Jesaja 63:12

Kay hi kova, kay peskri bari zoryah ap o Moseskri čači rig vas? – Kova, kay kras, te djal ko pani glan lende ap douy rigya, oun peske yaake i baro lab kras, hoy an kek tsiro bistedo vell.

Jeremia 31:11

O baro Devel lell o Yakobeskre čaven vin dran o vast o zorelestar.

Ezekiel 16:8

Oun me djom miro drom, kay tou hals, oun dikom tout. Oun tiro tsiro vas, te kamess i morshes oun kress le biyab. Kote čivom miri baya pral toute oun čakrom tout. Oun me djom touha i sovel dren, oun pandom miro dji ap toute, oun penom: “Tou vess miro.” Kava hi, hoy penas o baro Devel, maro ray.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

5. Mose 11:25

Kek nay ačell glan t'mende tardo, Traash oun daar moukell t'maro baro Devel ap i menshende an o tselo them te vell glan t'mende, yaake har yob les t'menge penas.

5. Mose 2:25

Kava divesseha krau te darenn t'mendar i menshe an hake themma. Koon t'mendar shounella, trashell oun trissell i daryatar.”

5. Mose 2:4

Oun pen i menshenge Israel: Ap t'maro drom venn t'mer kanna an o them t'mare phralendar, kol menshendar, kay venn pal o Esau, oun djivenn ap i berge Seir. Oun yon darenn t'mendar. Yaake denn yak,

5. Mose 32:6

T'mer dinele menshe, kolen kek gosvepen hi, parkrenn t'mer t'men yaake pash t'maro baro Debleste? Hi yob gar t'maro dad, kay kras t'men? Kova, kay kras t'mendar i natsyona?

5. Mose 32:9

I Israelitarya hi leskre menshe. Yon, o Yakobeskre čave, hi kolla, kay rodas lo peske vin.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Josua 2:9

oun penas ap lende: “Me hayvom, te das o baro Devel t'men kava them. I bari traash glan t'mende peras ap mende. Oun hakeno, kay kate djivell, hi har bango daryatar glan t'mende.

Josua 4:24

Oun kova kras lo doleske, te dikenn i tsele natsyone ap kay phoub, har zorelo o baro Devel hi. Oun t'mer hounte rikrenn t'menge hako tsiro t'maro baro Debles glan i yaka.”

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

2. Petro 2:1

Glan i rah tsiro his rhorhene rakepangre an o them Israel, kay kran, har te bičras len o Devel. Yaake venna ninna mashkral t'mende rhorhene sikepangre, kay sikrenn t'men i rhorheno drom, kay anell t'men krik o Deblestar. Kol sikepangre denn o Yezouses, maro rayes, bourhoste, kay playsras peskro rateha lenge, te lell lo len dran o čilačepen vin. Yon nashenn an pengri bibarht.

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.

1. Samuel 25:37

Taysarlakro, har o matepen dran o Nabal djas, kote penas leskri romni leske lauter. Kote meras leskro dji an leskro beč, oun yob vas har i bar.