2. Mose 14:28 - O Debleskro Lab 2024 (Sinte-Manouche)

²⁸ Oun o baro pani vas pale pale oun čakras i tsele vourdya oun kolen, kay klissan, oun i tsele rayeskre lourden, kay djan lenge mashkral o pani palla. Kolendar his kek, kay pral ačas.

O Debleskro Drom 2021 (Sinte)

²⁸ Un o baro pani was pale pale un tchakras i tsele wurdja un kolen, kai klissan, un i tsele rajeskre lurden, kai djan lenge mashkral o pani palla. Kolendar his kek, kai pral atchas.

2. Mose 14:28 ပူးပေါင်းရင်းမြစ်များ

1. Mose 50:9

Ninna vourdya oun klissepangre djan lentsa. Halauter khetne his boud boud menshe.

1. Mose 7:18

Oun o pani vas boud oun boudeder pral i phoub. Oun o panyeskro kheer rikras pes pral o pani.

2. Familjakro liil 20:24

Oun har i lourde dran Youda ap ko kotar them van, kay nay dikan le an o moulo them dren, oun pen trouyel dikan pal kol boud lourdende, dikan le kokres moulen kote čiddo ap i phoub. Kek djivas bouder.

Nehemia 9:11

Tou dal o baro pani, yaake te djas lo ap douy rigya krik, oun i drom koy his, kay nay djan tire menshe mashkral ko baro pani ap i vavar rig. Kolla, kay tire menshe palla lan, tassan oun djan tele har barra an o telstouno pani.

Debleskri gili 106:22

savo koova, hoy kek vavar nay kras, ninna savo zorelo koova pash o Baro Lolo Pani, kay lenge o rakepen krik ačas.

Debleskri gili 136:15

O baro rayes pral o them Egiptia oun leskre tsele lourden vitsras lo an o Baro Lolo Pani. Leskro lačepen ačella hako tsireske!

Debleskri gili 78:53

Yob rikras peskre vasta pral lende. Oun len hounte vas kek daar. Oun kolla, kay len palla lan, an o baro pani yon tassan.

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

2. Mose 15:10

Tou phourdal tiro dourho, – oun o baro pani čakras len. Yon tassan oun djan tele har saster an o baro pani.

2. Mose 15:19

Ap ko tsiro har o Farao oun leskre graya oun vourdya oun kourepangre mashkral an o baro pani djan, moukas o baro Devel o pani pral lende pale te vell. I tsele Israelitarya djan ap i drom, hoy gar sapenes his, mashkral o baro pani ap i vavar rig.

Habakuk 3:13

Tou djal vin, te vess ap i rig tire menshenge, oun o rayeske, koles tou vin rodal. I dacha ap o kheer o čilačestar dal tou khetne. Oun leskro kheer rissral trouyel bis ap i telstoune barra.

5. Mose 11:4

ninna ap leskre lourdende, kay t'menge palla lan. Pral lengre graya oun vourdya moukas yob o pani khetne te phagell. Oun yon lauter tassan an o Baro Lolo Pani. Yaake hi kova bis kava dives.

Hebrearja 11:29

I tsiro koy pre djan le mashkral o baro pani, hoy kharella Lolo Pani, har te djans le ap o drom. Kova nay kran le doleske, kay patsan le, hoy o Devel lenge penas. I Egiptarya kaman ninna mashkral o baro pani te djal, oun yon tassan.

Čačepangre 4:16

Oun o Barak peskre morshentsa las kol vourdya oun kol lourden palla bis pash o foro Haroshet-Goyim oun das len lauteren moulo o rhareha. Kek lendar ačas pral.