2. Mose 14:25 - O Debleskro Lab 2024 (Sinte-Manouche)

²⁵ Lengre vourdya ačan an i čik yaake te van le phares glan. Oun i Egiptarya penan: “O baro Devel kourell pes lenge oun hi ap lengri rig. Djas menge katar!”

O Debleskro Drom 2021 (Sinte)

²⁵ Lengre wurdja atchan an i tchik jaake te wan le phares glan. Un i Egiptarja penan: “O baro Dewel kurell pes lenge un hi ap lengri rig. Djas menge katar!”

2. Mose 14:25 ပူးပေါင်းရင်းမြစ်များ

2. Familjakro liil 20:29

Har shounan i menshe an kol vavar themma, har kouras pes o baro Devel kolentsa, kay kaman i Israelitaryen te marell, oun har vas yob o zorleder, koy vas i bari traash o Deblestar pral lende.

Nehemia 4:14

T'mer te shounenn koy phourdepaskri, djan koy oun avenn kote mentsa khetne. Oun maro Devel kourell pes menge.”

Nehemia 6:16

Har shounan kova kolla lauter, kay menge čilačepen kaman, trashan i menshe an i tsele themma, hoy troul mende hi. Oun lengro pre-phourdepen djas krik. Oun yon hayvan, te his maro Devel pal koy boudi tardo.

Nehemia 9:11

Tou dal o baro pani, yaake te djas lo ap douy rigya krik, oun i drom koy his, kay nay djan tire menshe mashkral ko baro pani ap i vavar rig. Kolla, kay tire menshe palla lan, tassan oun djan tele har barra an o telstouno pani.

Hiob 11:20

I čilače hayvenn gar, hoske lenge djoungeles djal, oun hatsenn gar vin dran lengri bibarht. Lenge ačell či har te dikenn le ap ko dives, kay merenn le.

Hiob 20:24

Ninna te nay nashell lo glan o sasterno rharo, dell les yek tele karye.

Hiob 27:22

Ko dourho phourdell ap leste peskri tseli zoryah, oun moukell gar tele. Oun ko mensho marell pes tele, te nashell lo peske glan leskri zoor.

Debleskri gili 35:1

I gili o Davidestar. Baro Devel, le miro koova an tiro vast oun činge kolentsa, kay mantsa čingrenna! Koure tout kolentsa, kay kourenn pen mantsa!

Debleskri gili 46:9

Avenn oun dikenn ko baro koova, hoy o baro Devel kras! Dareno koova krell lo ap i phoub:

Debleskri gili 68:12

O baro Devel penas i lab; oun boud djouvya nashan oun penan ko shoukar koova, hoy djas:

Debleskri gili 76:6

I zorele morsha van vi-čoredo oun meran. Oun i kourepangre lan pengre moussya gar pre.

2. Mose 14:14

O baro Devel kourell pes t'menge. T'mer hounte krenn či.”

2. Mose 14:18

Palle dikenn i Egiptarya, te hom me o baro Devel, te sikrom me miro barepen oun miri zoor ap o Farao, ap leskre vourdya oun leskre kourepangre.”

2. Mose 14:4

Palle pandau me leskro dji, te lell lo len palla. Oun me sikrau miro barepen oun miri zoor ap leste oun ap leskre tsele lourdende. Oun i Egiptarya hayvenn: Me hom o baro Devel.” Oun i Israelitarya kran yaake har o Mose lenge penas.

2. Mose 15:3

I kourepaskro hi lo. Leskro lab hi čačo: Baro Devel kharell lo.

Jesaja 31:4

Kava hi, hoy rakras o baro Devel ap mande: I levo – nay vell i phouro, nay vell i terno – hoy i firhes tapras, moukell pes gar lestar krik te tradell. Yob dell gole oun darell gar kolendar, kay ap i firhende yak dan, oun kanna khetne kharedo van, oun bari gole ap leste denn. Ninna te hi kolla boud, trashell lo lendar gar. Yaake vau me, o baro Devel, ko ray pral o bolepen oun i phoub, tele ap i berga Sion, te kourap man mire menshenge.

Jeremia 51:21

Tiri zoryah dom me grayen oun klissepangren paash, ninna vourdya oun kol kourepangre, kay koy pral tardo hi.

Amos 1:14

Me bičrau i yag ap i foreskre massurya o forestar Rabba, hoy rhačrell leskre zorele khera tele, ap ko dives, kay vell o kourepaskri gole dino, oun o kourepen vin phagell har i baro phourdepen.

Amos 5:19

Kova hi har te nashals yek peske glan o levo, oun i vavar baro divyo firho taprals les. Yob khatrell pes an i kheer, čivell peskro vast ap i vanta, oun i sap dandrell les.

Amos 9:1

Me dikom o Debles, maro rayes, tardo pash i rhačepaskri an peskro kheer. Oun yob penas: De ap o pralstouno kotar kol barrendar, kay hidjrenn miro kheer! De yaake zoreles, te trissenn ninna i telstoune barra, oun o tselo kheer an kotya perella, oun mouk len te perell ap i sherya kal menshendar. Oun hoy lendar pral ačell, kamau te marell o rhareha. Kek nay nashell peske. Kek ačell djido.

5. Mose 1:30

T'maro baro Devel djal glan t'mende vin oun kourell pes t'menge, yaake har lo glan t'mare yaka an o them Egiptia t'menge kras.

5. Mose 3:22

Ma dare lendar! T'maro baro Devel hi kova, kay kourell pes t'menge.”

5. Mose 32:31

Kolengre debla hi gar har maro Devel. Kova djinenn oun penenn ninna kolla, kay kouran pen mentsa.

Josua 10:14

Oun savo dives har kova dives das gar glan ko dives oun ninna bouder gar pal ko dives, kay shounas o baro Devel yaake ap o rakepen yek menshestar. O baro Devel kras kova i menshenge Israel!

Čačepangre 4:15

Oun har djan le pengre rharentsa ap o Sisera oun ap leskre tsele vourdya oun lourdende pre, kote kras o baro Devel, te trashenn kolla yaake, te stas o Sisera peskro vourdin tele, oun nashas peske.