2. Mose 14:24 - O Debleskro Lab 2024 (Sinte-Manouche)

²⁴ Sik taysarlakro, har o kham gomme gar pre djas, dikas o baro Devel dran koy yagakri folka tele ap i tsele Egiptikre lourdende oun čivas i daar ap lende.

O Debleskro Drom 2021 (Sinte)

²⁴ Sik taissarlakro, har o kham gomme gar pre djas, dikas o baro Dewel dran koi jagakri wolka tele ap i tsele Egiptikre lurdende un tchiwas i daar ap lende.

2. Mose 14:24 ပူးပေါင်းရင်းမြစ်များ

Hiob 22:13

Oun tou poučeh: “Hoy nay djinell o Devel? Hi lo gar khatedo pal kale volke? Har nay rakrell lo o čačepen pral mende vin?

Hiob 34:20

Ap yek kopo merenn le. Mashkral an i rat trissenn le oun hi gar bouder. Kol zorele venn krik lino kek mensheskro vasteha.

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Hiob 40:12

Ava, dik ap kol pre-phourde, oun kre len tiknes! Oun stake i čilačen ap yek kopo khetne!

Debleskri gili 104:32

Yob dikell i phoub an, oun yoy trissella. Yob taprell i berge an, oun i yagakri tampa djal pre dran lende.

Debleskri gili 48:5

Bare raya dran vavar themma van khetne oun djan khetne pengre lourdentsa pash o foro pre.

Debleskri gili 78:14

Ap o dives djas lo glan lende an i folka, oun rati an i yag, te vas len i momeli.

Debleskri gili 90:4

Yek zero bersha hi pash toute har yek dives, har ko dives, hoy taysar his, oun bouder gar koy hi, oun har i tikno tsiro an i rat.

2. Mose 13:21

O baro Devel djas glan lende ap o dives an i bari folka, te anell lo len ap o čačo drom, oun rati an i bari yag, te vell lenge i momeli, yaake te nay djan le ap o dives oun ninna an i rat.

2. Mose 14:25

Lengre vourdya ačan an i čik yaake te van le phares glan. Oun i Egiptarya penan: “O baro Devel kourell pes lenge oun hi ap lengri rig. Djas menge katar!”

Amos 9:4

Ninna te djan le pandles an i vavar them glan kolende, kay pandan len, moukau len kote o rhareha te marell. Me rikrau len an o yak, te krap len čilačepen, oun kek lačepen.

1. Samuel 11:11

Sik taysarlakro moukas o Saul peskre lourden yaake khetne tardo te vell, te his hako kopo i triinto kotar khetne tardo. Yaake djan le triin rigyendar ap i platsa, kay i Ammonarya hi. Kova his gomme glan o tsiro, kay o kham pre djas. Oun yon maran i Ammonarya bis mashkral o dives. Oun kolla, kay djides ačan, nashan penge, yaake te ačan gar douy lendar khetne.