2. Mose 14:14 - O Debleskro Lab 2024 (Sinte-Manouche)

¹⁴ O baro Devel kourell pes t'menge. T'mer hounte krenn či.”

O Debleskro Drom 2021 (Sinte)

¹⁴ O baro Dewel kurell pes tumenge. Tumer hunte krenn tchi.”

2. Mose 14:14 ပူးပေါင်းရင်းမြစ်များ

2. Familjakro liil 20:15

Oun o Yaziel penas: “Shounenn mishto, menshale dran o them Youda oun dran o foro Yerusalem, oun tou, baro ray Yosafat! Kava penell o baro Devel t'menge: Ma darenn, oun denn gar tiknes palla glan kol boud lourdende, kolen t'mer dikenna! Kava kourepen hi gar t'maro kourepen, o Debleskro kourepen hi.

2. Familjakro liil 20:17

Gar t'mer hounte kourenn t'men kote. Ačenn glan lende tardo! Ačenn kote oun dikenn, har me, o baro Devel, t'men dran lengro vast vin lau. Me hom pash t'mende, t'mer menshe dran Youda oun Yerusalem. Ma darenn! Trashenn či! Taysar djan pash lende! O baro Devel hi t'mentsa.”

2. Familjakro liil 20:29

Har shounan i menshe an kol vavar themma, har kouras pes o baro Devel kolentsa, kay kaman i Israelitaryen te marell, oun har vas yob o zorleder, koy vas i bari traash o Deblestar pral lende.

Nehemia 4:14

T'mer te shounenn koy phourdepaskri, djan koy oun avenn kote mentsa khetne. Oun maro Devel kourell pes menge.”

Nehemia 9:11

Tou dal o baro pani, yaake te djas lo ap douy rigya krik, oun i drom koy his, kay nay djan tire menshe mashkral ko baro pani ap i vavar rig. Kolla, kay tire menshe palla lan, tassan oun djan tele har barra an o telstouno pani.

Debleskri gili 35:1

I gili o Davidestar. Baro Devel, le miro koova an tiro vast oun činge kolentsa, kay mantsa čingrenna! Koure tout kolentsa, kay kourenn pen mantsa!

Debleskri gili 50:3

Maro Devel vella oun moukell pes te shounell. Glan leste nashell i yag oun rhal lauter pre. Oun troul leste phourdell i baro zorelo dourho.

Debleskri gili 83:1

I gili o Asafestar.

2. Mose 14:15

Oun o baro Devel penas ap o Moseste: “Hoske deh tou ap mande gole? Pen ap i Israelitarya, te djan le doureder!

2. Mose 14:25

Lengre vourdya ačan an i čik yaake te van le phares glan. Oun i Egiptarya penan: “O baro Devel kourell pes lenge oun hi ap lengri rig. Djas menge katar!”

2. Mose 15:3

I kourepaskro hi lo. Leskro lab hi čačo: Baro Devel kharell lo.

Jesaja 30:15

Doleske penell o baro Devel, maro ray – yob, kay kokres o Israeleskro Devel hi: Te moukenn t'maro drom, venn pash mande, oun dikenn ap kova, hoy me t'menge krau, palle venn vin lino dran o kourepen. Te rikrenn t'men pale, oun rikrenn t'men ap mande, palle venn zorelo. Kova kamenn t'mer gar te krell.

Ropaskre gilja 3:26

O feteder koova hi, te dikas mer pokones ap o baro Debleste, te vell yob menge ap i rig.

5. Mose 1:30

T'maro baro Devel djal glan t'mende vin oun kourell pes t'menge, yaake har lo glan t'mare yaka an o them Egiptia t'menge kras.

5. Mose 20:4

T'maro baro Devel hi kova, kay djal t'mentsa oun kourell pes t'menge lentsa. Yob hi ap t'mari rig.”

5. Mose 3:22

Ma dare lendar! T'maro baro Devel hi kova, kay kourell pes t'menge.”

Josua 10:10

Oun o baro Devel kras len yaake dareno, te nay maran len i Israelitarya phares pash o foro Gibeon. Oun yon lan len palla ap ko drom tele pash o foro Bet-Horon, oun maran len bis pash i forya Aseka oun Makkeda.

Josua 10:14

Oun savo dives har kova dives das gar glan ko dives oun ninna bouder gar pal ko dives, kay shounas o baro Devel yaake ap o rakepen yek menshestar. O baro Devel kras kova i menshenge Israel!

Josua 10:42

Oun o Israeleskro baro Devel his ap lengre rig. Yaake las o Yosua kol tsele bare rayen oun lengre themma ap yek kopo dren.

Josua 23:10

Yek morsh t'mendar tradell yek-sero morshen. T'maro baro Devel, yob hi kova, kay kourell pes t'menge lentsa, yaake har lo penas.

Josua 23:3

Oun t'mer dikan halauter, hoy t'maro baro Devel kol tsele thementsa kras t'menge. Yob hi kova, kay pes t'menge lentsa kouras.

Čačepangre 5:20

Ninna i bolepangre momlia djan an o kourepen. Ap lengre dromma djan le ap o Sisera pre.

1. Samuel 4:7

tapras len i daar, oun yon penan: “Lengro devel vas ap lengri platsa. Mer ham nashedo. Savo koova his gomme gar koy.