2. Mose 13:15 - O Debleskro Lab 2024 (Sinte-Manouche)

¹⁵ Har pandas o Farao peskro dji oun moukas men gar te djal, maras o baro Devel an o tselo them Egiptia i tsele morsh čaven, kay his i phoureder čave pengre dayendar pash i menshende oun ninna pash i firhende. Doleske dau me ko phoureder morsh ternepen, hoy i firhestar boldo vella, o baro Debleske. Pash mire čavende hi vavarčandes. Hako phoureder morsh čaveske marau i firho.

O Debleskro Drom 2021 (Sinte)

¹⁵ Har pandas o Farao peskro dji un mukas men gar te djal, maras o baro Dewel an o tselo them Egiptia i tsele mursh tchawen, kai his i phureder tchawe pengre dajendar pash i menshende un ninna pash i viechende. Doleske dau me ko phureder mursh ternepen, hoi i viechestar boldo wella, o baro Debleske. Pash mire tchawende hi wawartchandes. Hako phureder mursh tchaweske marau i viecho.’

2. Mose 13:15 ပူးပေါင်းရင်းမြစ်များ

Debleskri gili 105:36

Yob das o phoureder morsh čaves moulo haki datar an o them Egiptia. Kolla his lengre dadengri feteder zoor.

2. Mose 12:29

Oun mashkral an i rat maras o baro Devel i tsele morsh čaven, kay his i phoureder čave pengre dayendar, an o tselo them Egiptia: o Faraeskro phoureder čaves, kay ap o rayeskri beshepaskri beshdo hi, oun ninna i phoureder čaven kolendar, kay stilde hi. Ava, ninna i morsh firhe, hoy his i phoureder čave pengre dayendar, van temerl dino.

2. Mose 3:19

Oun palle penas o baro Devel: “Me djinau, o baro ray pral o them Egiptia, te vell lo gar phagedo, moukell lo t'men gar dran o them vin te djal.

2. Mose 34:20

Te hi o ternepen i bourikakro ternepen, dess tou man leske i terno bakro. Kamenn t'mer kova gar, palle phagenn koy terni bourika i meen! T'mare phoureder morsh čave, ma marenn len! Kolenge denn mange i firho, hoy mange marenn. Kek vell an miro Debleskro kheer i vastentsa, kay či dren hi.

2. Mose 4:23

Oun me penau touke: Mouk miro čaves te djal, te mangell lo man an! Oun te moukeh les gar te djal, palle marau me tiro phoureder čavo.”

4. Mose 18:15

Hako morsh, kay o phoureder čavo peskri datar hi, – pash i menshende, ninna pash i firhende, – koles yon o baro Debleske anenna, hi t'menge. I menshes dess tou pale oun less love leske. Ninna i firho, hoy pale-čiddo hi, dess tou pale oun less love leske.

4. Mose 3:46

Kanna hi 273 (douy-sheel-efta-deesh-te-triin) morsha boudeder, kay phoureder čave hi, har dell Levitarya. Kolen hounte ginenn t'mer mandar pale.