2. Mose 12:39 - O Debleskro Lab 2024 (Sinte-Manouche)

³⁹ I Israelitarya moukan o them Egiptia yaake sik, te nay čivan le kek rhapen penge khetne, te lan le les lentsa ap o drom. Kokres kol mare, hoy gar peklo his, lan le peha. Kolla mare, kay kek shoutlo yarro dren hi, pekan le kanna.

O Debleskro Drom 2021 (Sinte)

³⁹ I Israelitarja mukan o them Egiptia jaake sik, te nai tchiwan le kek chapen penge khetne, te lan le les lentsa ap o drom. Kokres kol mare, hoi gar peklo his, lan le peha. Kolla mare, kai kek shutlo jarro dren hi, pekan le kanna.

2. Mose 12:39 ပူးပေါင်းရင်းမြစ်များ

2. Mose 11:1

Palle penas o baro Devel ap o Mose: “Yek vavar bibarht kamau me pral o Farao oun pral o tselo them Egiptia te anell. Pal koya moukell lo t'men te djal. Oun kova hi gar doha: yob tradell t'men vin.

2. Mose 12:34

Yaake lan i Israelitarya i čare, kay ko maro dren hi, hoy gomme gar peklo vas, oun kay kek shoutlo yarro dren his, oun čivan kol čare an pengre koola, oun hidjran len ap pengro phik.

2. Mose 6:1

Koy penas o baro Devel ap o Mose: “Kanna dikess tou, hoy me o Faraeske krau. Dran miri bari zoor moukell lo len te djal. Miro vast vell yaake zorelo ap leste, te tradell lo len dran o them vin.”

Mateo 13:33

Oun pale penas o Yezous lenge laba, kay i khatedo čačepen dren hi: Oun yob penas: Kote, kay o Devel i menshen pash peste gole della, te djan le ap leskro drom, hi kova yaake har pash i kotar shoutlo yarro, hoy las i djouvel oun čivas les mashkral an i baro čaro parno yarro. Oun ko tikno kotar shoutlo yarro kras ko tselo yarro shoutlo.