2. Mose 12:36 - O Debleskro Lab 2024 (Sinte-Manouche)

³⁶ Oun o baro Devel das i Egiptaryen an o dji, te venn le kamles ap i Israelitarya, yaake te nay mangens le, hoy yon kaman. Oun i Egiptarya dan len lauter. Yaake lan i Israelitarya kolendar lengro bravlepen krik oun lan les lentsa.

O Debleskro Drom 2021 (Sinte)

³⁶ Un o baro Dewel das i Egiptarjen an o dji, te wenn le kamles ap i Israelitarja, jaake te nai mangens le, hoi jon kaman. Un i Egiptarja dan len lauter. Jaake lan i Israelitarja kolendar lengro brawlepen krik un lan les lentsa.

2. Mose 12:36 ပူးပေါင်းရင်းမြစ်များ

1. Mose 15:14

Kolla, kay krenn lendar boudepangre, lenn i phagi mandar. Koy pal djan tire menshe vin baro bravlepah.

1. Mose 39:21

Har yob kote an o stilepen his, his o baro Devel pash leste, oun his kamlo ap leste oun kras, kay hi o pralstouno pral o stilepen lačes ap leste.

Esra 1:6

Oun halauter, kay troul lende trouyel djivan, kran lengre vasta zoreles oun dan len roup, sonakay, vavar lačo oun kouč koova oun firhe, ninna vavar koova, hoy yon len dran pengro kamlepen dan.

Debleskri gili 105:37

Har anas o baro Devel i Israelitaryen vin, lan le roup oun sonakay pentsa. Oun kek lendar his nasselo oun hounte ačas pale.

2. Mose 11:2

Yaake pen kanna ap i Israelitarya, te mangell hako rom peske roup oun sonakay ko egiptikro morshestar, kay langs leste djivella. Ninna haki romni mangell kova koy egiptikri djouvyatar, kay langs late djivella.”

2. Mose 11:3

Oun o baro Devel kras, te venn i Egiptarya lačes ap lende. Ninna his o Mose boud an-diklo an o them Egiptia an i yaka kol pralstunendar an o Faraeskro kheer oun ninna pash i tsele Egiptarya.

Gosewe laba 16:7

Te dikell o baro Devel lačes ap kova, hoy yek krell, palle krell lo, te venn ninna kolla leskre mala, kay kaman leske čilačepen.

Daniel 1:9

Oun o Devel kras, te vas o pralstouno pral o rayeskro kheer lačes oun kamles ap o Danieleste.

Bičepangre 2:47

Yon sharan o Debles, oun i tsele menshe dikan lačes ap lende. Oun hako dives van vavar menshe koy pashel, hoy patslo van.

Bičepangre 7:10

oun las les vin dran halauter, hoy o Yosefeske pharo his. Oun o Devel das les boud gosvepen oun kras, te dikas o baro ray pral o them Egiptia lačo ap o Yosefeste. Ko baro ray kras, te vas o Yosef o ray pral o tselo them Egiptia oun pral o tselo rayeskro kheer.