2. Mose 12:28 - O Debleskro Lab 2024 (Sinte-Manouche)

²⁸ Palle djan le oun kran yaake, har o baro Devel o Moseske oun o Aroneske penas.

O Debleskro Drom 2021 (Sinte)

²⁸ Palle djan le un kran jaake, har o baro Dewel o Moseske un o Aroneske penas.

2. Mose 12:28 ပူးပေါင်းရင်းမြစ်များ

2. Samuel 5:25

Oun o David kras yaake, har o baro Devel leske penas, oun das kol Filistaryen oun tradas len pale o tselo drom dran Geba bis pash o foro Geser.

1. Rajengro liil 17:5

Oun yob kras, har o baro Devel leske penas, oun djas ap i vavar rig o panyestar Yordan oun ačas pash o tikno pani Krit.

2. Mose 12:27

Palle penenn lenge: Kava bakro, hoy maram ap ko dives, hoy kharella Passa, kava bakro maram o baro Debleske. Har das yob an o them Egiptia i Egiptarya temerl, djas yob gar an i khera, kay i Israelitarya djivan. Yob djas doureder. I menshe an mare khera moukas lo te djivell.” Kote vitsran pen i Israelitarya tele oun mangan o Debles an.

2. Mose 12:29

Oun mashkral an i rat maras o baro Devel i tsele morsh čaven, kay his i phoureder čave pengre dayendar, an o tselo them Egiptia: o Faraeskro phoureder čaves, kay ap o rayeskri beshepaskri beshdo hi, oun ninna i phoureder čaven kolendar, kay stilde hi. Ava, ninna i morsh firhe, hoy his i phoureder čave pengre dayendar, van temerl dino.

2. Mose 12:35

Oun i Israelitarya kran pal i laba, hoy o Mose ap lende penas, oun djan pash i Egiptarya oun moukan pen lendar roupeno oun sonakaskro koova te dell, ninna shoukar ripya.

2. Mose 14:4

Palle pandau me leskro dji, te lell lo len palla. Oun me sikrau miro barepen oun miri zoor ap leste oun ap leskre tsele lourdende. Oun i Egiptarya hayvenn: Me hom o baro Devel.” Oun i Israelitarya kran yaake har o Mose lenge penas.

2. Mose 36:1

O Bezalel, o Oholiab oun kol vavar, kolen o baro Devel o gosvepen oun vasta das, te hayvenn le mishto halauter te krell, hoy lo penas, kolla te krenn leske kanna i kheer oun kol tsele koola, hoy koy dren hi.”

2. Mose 39:32

Yaake vas koy tseli boudi kerdo: kol tsele kotya o Debleskro plarhteno khereske, oun lauter, hoy koy pashel hi. I Israelitarya kran lauter yaake, har o baro Devel o Moseske penas.

2. Mose 39:42

Yaake har o baro Devel o Moseske penas, kran i Israelitarya i tseli boudi.

2. Mose 39:43

Oun o Mose dikas kova lauter oun hayvas, yon kran lauter yaake har o baro Devel penas. Oun yob rakras o Debleskri barht pral lende vin.

2. Mose 7:10

Kote djan o Mose oun o Aron pash o Farao dren, oun kran les yaake, har o baro Devel lenge penas. Oun o Aron vitsras peskro kasht ap i phoub glan o Farao oun glan kol pralstunende an o rayeskro kheer. Oun o kasht vas i sap.

2. Mose 7:6

Oun o Mose oun o Aron kran yaake, har o baro Devel lenge penas.

3. Mose 24:23

O Mose penas kova i Israelenge. Oun yon kran yaake, har penas o baro Devel ap o Moseste, oun anan ko morshes, kay o baro Debles praasas, vin glan koy platsa, kay i Israelitarya his, oun vitsran les i barrentsa moulo.

4. Mose 1:54

Oun i Israelitarya kran halauter yaake, har o baro Devel ap o Moseste penas.

4. Mose 31:31

O Mose oun o rashay Elazar kran yaake har o baro Devel kova o Moseske penas.

4. Mose 31:41

Oun o Mose das kova, hoy dan kolla leske o baro Debleske, ko rashayeste Elazar, yaake har o baro Devel leske kova penas.

4. Mose 31:47

Oun o Mose las kolestar, hoy i Israelengre hi, o 50. (paash-sheelto) kotar hake firhendar oun hake menshendar, oun das len kol Levitaryen, kay boudrenn ap o Debleskro kheer, yaake har o baro Devel kova o Moseske penas.

4. Mose 5:4

Oun kol Israelitarya kran kova yaake, oun bičran len vin glan i platsa, yaake har o baro Devel kova ap o Moseste penas.

5. Mose 34:9

Oun o Yosua, koleskro dad o Noun his, vas pherdo gosvepen. Kova vas, har čivas o Mose peskre vasta ap leste. Oun i Israelitarya shounan ap leste oun kran yaake har o baro Devel o Moseske penas, te hounte krenn le.

Hebrearja 11:28

O Devel penas leske, havi bibarht pral o them Egiptia vella. Oun yob penas leske ninna, hoy i Israelitarya hounte krenn, te vell koy bibarht gar pral lende. Koy patsas o Mose, te vell kova čačo, hoy o Devel penas. Oun o Mose penas ap i Israelitarya, te marenn le bakren, oun te rhan le len – kava rhapen vas kharedo Passa – oun te makenn le i firhengro rat ap pengre voudya. Har palle o bolepaskro vas, te marell lo i tsele phoureder čaven, koy ačan i Israeleskre čave djido. Yon his an i khera, kay o rat ap i voudya hi.

Josua 14:5

Oun yaake har o baro Devel ap o Mose penas, te krenn le, yaake kran i Israelitarya oun dan o them vin.

Josua 2:21

“Ava”, penas li, “yaake har t'mer penan, yaake vell ninna!” Oun yoy moukas len te djal. Oun har yon penge djan, pandas li ko lolo shello an i vali.

Josua 4:8

Oun kote kran i Israelitarya yaake har o Yosua kova lenge penas, oun djan koy oun hadan mashkral an o Yordan deesh-te-douy barra pre, yaake har o baro Devel kova ap o Yosua penas, – yek bar haki bari familyake, hoy vell i deesh-te-douy Israeleskre čavendar. Oun yon anan kol barra ap koy platsa, kay pengre plarhtene khera tardo hi. Kote čivan le i barra tele.