2. Mose 12:15 - O Debleskro Lab 2024 (Sinte-Manouche)

¹⁵ Efta divessa rhan t'mer maro, kay kek shoutlo yarro dren hi. Ap o ersto dives čivenn t'mer o shoutlo yarro krik. Kova, kay an kol efta divessa maro rhal, kay shoutlo yarro dren hi, kova vell pale-čiddo, oun hounte djivell bouder gar mank i Israelitarya.

O Debleskro Drom 2021 (Sinte)

¹⁵ Efta diwessa chan tumer maro, kai kek shutlo jarro dren hi. Ap o ersto diwes tchiwenn tumer o shutlo jarro krik. Kowa, kai an kol efta diwessa maro chal, kai shutlo jarro dren hi, kowa well pale-tchiddo, un hunte djiwell buder gar mank i Israelitarja.

2. Mose 12:15 ပူးပေါင်းရင်းမြစ်များ

1. Mose 17:14

Hako morsh, kay gar činlo hi ap peskro mass, kova hounte ačell bouder gar djido mashkral peskre menshende. Yob rikras pes gar ap kova, hoy mer vin kram.”

2. Familjakro liil 30:21

Oun i Israelitarya, kay an o foro Yerusalem khetne van, rikran efta divessa ko festo, kay rhan le kek maro dran shoutlo yarro. Oun len his bari barht an o dji. Oun i Levitarya oun i rashaya sharan o baro Debles hako dives baro bashepah.

Esra 6:22

Oun yon lauter rikran kol bare divessa, kay rhan le efta divessa maro, kay kek shoutlo yarro dren hi. Halauterenge his i gipaskro tsiro. O baro Devel das len barhtele djia oun kras, te dikas o ray pral o them Assour kamles ap lende. Yaake van lengre vasta zoreles, te nay kran le o kheer o Israeleskro Debleske.

2. Mose 12:8

Ko mass vell peklo pral i yag. Oun yon hounte rhan les an koy rat khetne o maro, kay kek shoutlo yarro dren hi. Oun shoutlo zenlepen rhan le pashel.

2. Mose 13:3

Oun o Mose penas ap i tsele menshende: “Kava dives an o čon Abib djan t'mer vin dran o them Egiptia. Kote, kay t'mer pandle boudepangre hans, las t'men o baro Devel peskro zorelo vasteha vin. Rikrenn kava dives an t'mare shere! Oun rhan kek shoutlo maro!

2. Mose 23:15

kol bare divessa, kay rhah tou efta divessa ko maro, an koleste kek shoutlo yarro dren hi. Kol divessa rikress tou an o čon Abib. Kova kress tou, te bistress gar, te nashal an ko čon dran o them Egiptia. Oun ab gar an o Debleskro kheer, te hi či an tiro vast, hoy tou leske aneh!

2. Mose 30:33

Koon peske savo djet krella, nay ačell gar djido mank peskre menshende. Temerl dino vell ninna kova, kay makell yekeste, kay hi kek rashay.

2. Mose 30:38

Koon savo koova peske krella, te nay soungell lo o shoukar soungepen, kava nay ačell gar djido mank peskre menshende.

2. Mose 31:14

Rikrenn o Debleskro dives t'menge! Koon les gar rikrella, vell temerl dino. Ava, hakeno, hoy ap o Debleskro dives boudrella, hounte djivell bouder gar mank peskre menshende.

2. Mose 34:18

Ma bistrenn kol bare divessa, kay rhan kek maro dran shoutlo yarro. An o čon Abib rhan efta divessa kek maro dran shoutlo yarro yaake har me t'menge penom! An ko čon djan t'mer vin dran o them Egiptia.

2. Mose 34:25

Te marenn t'mer i firhes mange, anenn leskro rat gar glan mande khetne o shoutlo mareha! Ko firho, hoy t'mer marenn mange ap o dives, hoy kharella Passa, kolestar hounte ačell či pral o vavar diveske.

3. Mose 17:10

Hako Israelitari, ninna hako vi-themari, kay mank t'mende djivell, kay rat rhal, havo ninna hi, koleske sikrau miro doumo, oun krau, te djivell lo bouder gar mank mire menshende.

3. Mose 17:14

An o rat hi o djipen. Doleske penom me ap i Israelitarya: Ma rhan rat! Koon les rhal, vell pale-čiddo oun nay djivell bouder gar mank peskre menshende!

Maleachi 2:12

Mou čivell o baro Devel hako morshes pale, kay sau koova kras, te djivell yob bouder gar mank peskre menshende Israel, yob gar oun leskri familya vitar gar, ninna te anell lo čomone an o kheer o baro Deblestar, ko rayestar pral o bolepen oun i phoub.

4. Mose 28:17

Oun ap o deesh-te-pančto dives ninna an ko čon, hi ko ersto dives kol efta divessa, kay hounte rhan kek maro dran shoutlo yarro.

4. Mose 9:13

Koon gar pale-čiddo hi oun gar ap o drom hi, kova hounte rikrell o Passa ap o čačo dives. Te krell lo kova gar, hounte vell lo infam oun ačell bouder gar pash peskre menshende. Koy phagi lell lo doleske, kay vas lo gar ap o čačo tsiro glan o baro Debleste, te anell lo leske i bakro. Leskri doosh ačell ap leste.

Mateo 16:12

Oun koy hayvan le, te rakras lo gar pral o shoutlo yarro, hoy lenn le, te pekenn le maro. Yob rakras pral kol laba, hoy i Farisarya oun i Sadducarya i menshenge penenna.

Louka 12:1

Ap ko tsiro van boud zerya menshe khetne, yaake te stakras yek o vavareske ap i pire. Koy penas o Yezous ap peskre malende, gar ap kol vavarende: Denn garda, te rakrenn gar douy čipyentsa har i Farisarya! Kova hi har shoutlo yarro, hoy krell o tselo yarro shoutlo.

Louka 2:43

Har kol bare divessa trouyel his, oun yon pale khere djan, ačas ko čavo Yezous an o foro Yerusalem. Oun leskro dad oun leskri day djinan kova gar.

Bičepangre 12:3

Har o Herodes hayvas, kay kova mishto his an i biboldengre yaka, moukas yob ninna o Petres te taprell. Kova his an ko tsiro, kay rhan i bibolde kek shoutlo maro.

Galatarja 5:12

Kolla, kay krenn t'men dineles, kamaus, te činenn pen le paash!

5. Mose 16:3

Te rhan t'mer ko rhapen, ma rhan maro koy pashel, kay shoutlo yarro dren hi. Har djan t'menge dran o them Egiptia vin, hounte rhan efta divessa maro, an koleste kek shoutlo yarro dren his, yaake sik hounte nashenn t'menge. Kanna rhan ninna efta divessa maro, kay kek shoutlo yarro dren hi, te bistrenn gar ko dives, kay djan dran o them Egiptia vin, kay anan le yaake boud douka ap t'mende. Doleske kharah mer kava maro doukengro maro.

5. Mose 16:5

T'mer nay marenn gar kol firhen o rhapaske Passa an t'mare gaba oun forya, kolen t'maro baro Devel t'men dell, te djivenn kote.

5. Mose 16:8

Palle rhan shob divessa savo maro, an koleste kek shoutlo yarro hi! Oun ap o eftato dives avenn khetne, te sharenn t'maro baro Debles! Ap ko dives krenn kek boudi!