2. Korintarja 9:8 - O Debleskro Lab 2024 (Sinte-Manouche)

⁸ O Devel nay dell t'men yaake boud, kay hi t'men hako tsiro doha halauterestar, yaake te nay denn t'mer i vavaren čomone.

O Debleskro Drom 2021 (Sinte)

⁸ O Dewel nai dell tumen jaake bud, kai hi tumen hako tsiro doha halauterestar, jaake te nai denn tumer i wawaren tchomone.

2. Korintarja 9:8 ပူးပေါင်းရင်းမြစ်များ

2. Familjakro liil 25:9

Oun o Amazya poučas o Debleskro morshestar: “Oun hoy hi kol sheel centnarya roup, hoy me kol lourdende dran Israel dom?” O Debleskro morsh penas: “Pash o baro Debleste hi yaake, te nay dell lo tout boudeder har tou len dal.”

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Gosewe laba 10:22

Te čivell o baro Devel peskri barht ap toute, veh tou bravelo. Oun kova, hoy tou koy pashel kreh, hi čičeske.

Gosewe laba 11:24

Kote hi yek, kova dell oun dell; oun yob lell boudeder oun boudeder. Oun kote hi i vavar, kova hi činlo oun dell či; oun vell čorvleder.

Gosewe laba 28:27

Kova, kay dell i čorveleste, koles vell doha djipaske. Kova, kay yaake krell, har te dikell lo o čorveles gar, pral koleste rakrenn boud i bibarht vin.

Gosewe laba 3:9

De o baro Debleste tiro bravlepastar oun ko feteder kolestar, hoy touke khetne anal, yaake hadeh leskro lab.

Haggai 2:8

Ko tselo roup, miro hi lo, ko tselo sonakay – halauter hi miro, penell o baro Devel, ko ray pral o bolepen oun i phoub.

Maleachi 3:10

Anenn o deshto kotar halauterestar, hoy dren lan, an miro kheer, te vell doha rhapen an miro kheer. Oun dikenn, hoy me palle t'menge krau: Me krau miri vorhni an o bolepen pre, oun dau t'men boud lačo koova, boudeder har t'men hounte vell. Ko penell o baro Devel, ko ray pral o bolepen oun i phoub.

Bičepangre 9:36

An o foro Yoppe djivas i patsli. Lakro lab his Tabita ap hebretikes oun Dorkas ap grichtikes. Koya kras boud lačo koova, oun das boud love kol čorvelende.

1. Korintarja 15:58

Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.

2. Korintarja 13:3

Palle dikenn t'mer mishto, te vas miro rakepen o Yezous Kristestar. Yob hi zorelo pash t'mende, oun sikrell t'men peskri bari zoor.

2. Korintarja 8:19

Oun kova hi gar lauter! I patsle rodan les vin, te djal lo mentsa khetne ap maro drom pash kol patslende, kolen mer kol love anah. Kova krah, te vell o Devel sharedo, oun te dikenn kol patsle kote maro kamlepen, hoy men lenge hi.

2. Korintarja 8:2

Ninna te vas boud pharo koova ap lende, his le barhtelo an pengre djia. Lengri barht his yaake baro, te dan le boud love i vavar patslenge, ninna te djivan le an baro čorvlepen.

2. Korintarja 8:7

T'mer han bravelo an hako koova: t'maro patsepen hi baro; t'mer hayvenn har te penenn o Debleskro lab oun djinenn boud pral o Debleste; t'mer krenn i bari boudi o Debleske. Oun o kamlepen, hoy ap mende dikan, vas ninna bares an t'mende. Doleske kamah, te sikrenn t'maro baro dji ninna an kava koova oun čivenn yaake boud love khetne har djala i vavar patslenge.

2. Korintarja 9:11

Yob dell t'men yaake boud, te nay denn ninna kolen, kay len či hi. Te lenn yon kova, hoy mer anah lenge, palle parkrenn pen boud menshe pash o Debleste.

Efesarja 2:10

Kova, hoy mer kanna ham, kras o Devel dran mende. Har vam patslo ap o Yezous Kristeste, das lo men o nevo djipen, te kras mer ko lačo koova, hoy yob menge vin rodas oun an mare vasta das.

Efesarja 3:20

Oun yob nay krell boudeder, har mer lestar mangah, oun boudeder, hoy mer hayvah. Yaake bari hi leskri zoor, hoy an mende kova lauter krella. Mer lauter, kay patsah ap o Yezous Kristeste, sharas maro Debles kanna oun hako tsiro. Amen.

Filiparja 4:11

Kova penau gar, te sikrap t'men, kay man gar doha his. Na-a. An miro djipen hayvom, te hi mange kova doha, hoy man hi.

Kolossarja 1:10

Palle djivenn t'mer yaake, te vell o Devel sharedo, oun krenn lauter, hoy hi lačo oun mishto glan leskre yaka. Oun dran t'maro djipen vell boud lačo koova. Oun t'mer prindjrenn o Debles hako tsiro feteder.

2. Tessalonikarja 2:17

te dell lo t'men zoor an t'mare djia, te nay krenna oun penenna lauter, hoy mishto hi.

2. Timoteo 2:21

Yaake hi kova ninna i patslentsa: Kova, kay čivas ko tselo čilačepen dran peskro djipen vin, kova hi har i kouč čaro o rayeske pral o kheer. Yob hi kokres peskro rayeske koy, oun hi leske boud moldo. Leskro ray nay dell leske haki lači boudi.

2. Timoteo 3:17

I mensho, kay kamell o Debleske koy te vell, hatsell an o Debleskro lab lauter, hoy les hounte vell, te nay krell lo lauter yaake, har o Devel kamella.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Tito 3:14

Mouk ninna i patslen lačo koova te krell oun i vavarende te dell, hoy kolen hounte vell djipaske! Yaake djivenn i patsle pengro djipen gar čičeske.

Tito 3:8

Kava lab hi čačo. Doleske rake kova i patslenge an o dji, te rodenn le koy pal, har nay krenn le lačo koova. Kova hi mishto oun boud moldo hakeneske.

1. Petro 4:10

Hakeno t'mendar las i boudi o Deblestar, te nay krell lo i vavarengro patsepen zoreles. Krenn koy boudi! Avenn yek o vavareske koy! Yaake han t'mer lače boudepangre o Debleske.