2. Korintarja 9:2 - O Debleskro Lab 2024 (Sinte-Manouche)

² Me djinau, t'mer kamenn o tselo djiyestar kol patslenge an o foro Yerusalem love khetne te čivell. Dran kova sharom t'men pash kolende an o them Macedonia oun penom: “Glan yek bersh lan kol phrala an o them Akaya love khetne.” Har yon kova shounan, kaman boud lendar yaake te krell, har t'mer kran.

O Debleskro Drom 2021 (Sinte)

² Me djinau, tumer kamenn o tselo djijestar kol patslenge an o foro Jerusalem lowe khetne te tchiwell. Dran kowa sharom tumen pash kolende an o them Macedonia un penom: “Glan jek bersh lan kol phrala an o them Achaja lowe khetne.” Har jon kowa shunan, kaman bud lendar jaake te krell, har tumer kran.

2. Korintarja 9:2 ပူးပေါင်းရင်းမြစ်များ

Bičepangre 18:12

An ko tsiro, har his o Gallio o pralstouno oun čačepaskro ray pral o them Akaya, čivan pen kol bibolde khetne, oun anan o Paules glan leste,

Bičepangre 24:17

Boud bersha homs an i vavar themma. Kanna vom pale an o foro Yerusalem, te anap mire menshenge love, hoy vavar dan. Ninna vom, te rhačrap firhen o Debleske an o Debleskro baro kheer.

1. Korintarja 16:15

Mire phrala, t'mer prindjrenn o Stefano oun kolla, kay an leskro kheer djivenna. Yon hi kol patsle, kay glan i tsele vavarende an o them Akaya ap o Yezouseste patsan. Yon boudrenna pengri tseli zoryah i patslenge. Mangau t'men,

2. Korintarja 1:1

Kava liil činau me, o Paulo. Me hom o Yezous Kristeskro bičepaskro, yaake har o Devel kova kamell. Oun me oun maro phraal, o Timoteo, mer činah kava liil ap i patslende, kay venn khetne an o Debleskro lab an o foro Korint. Kava liil hi ninna i tsele Debleskre čavenge an o them Akaya.

2. Korintarja 7:14

O Tito dikas ko lačo koova, hoy leske t'mendar penom, kova his kek rhorhepen. Yaake har lauter čačo hi, hoy t'mentsa rakram, yaake hi ninna ko tselo lačepen čačo, hoy leske penom t'mendar.

2. Korintarja 7:4

Me patsau ap t'mende. Oun me sharau man t'mentsa. Ninna te vell boud pharo koova ap mende, hi miro dji zorelo oun man hi i bari barht an mande pral t'mende.

2. Korintarja 8:10

Me patsau, kova hi mishto t'menge, te čivenn t'mer love pale khetne, yaake har kran kova glan yek bersh.

2. Korintarja 8:11

Kanna krenn pale, hoy t'menge an o shero his, oun denn yaake boud love har nay denna.

2. Korintarja 8:19

Oun kova hi gar lauter! I patsle rodan les vin, te djal lo mentsa khetne ap maro drom pash kol patslende, kolen mer kol love anah. Kova krah, te vell o Devel sharedo, oun te dikenn kol patsle kote maro kamlepen, hoy men lenge hi.

2. Korintarja 8:24

Lenn len pre an o tselo kamlepen, te dikenn i tsele patsle, kay khetne venna, kay mer sharam t'men gar čičeske glan lende.

2. Korintarja 8:8

Kova mangau t'men. Me penau gar, te hounte krenn les. Te dikau, havo lačo koova i vavar patsle an o them Macedonia kran, yaake kamau te dikap, te vell t'maro kamlepen dran o dji.

1. Tessalonikarja 1:7

Kanna dikenn kol tsele patsle an i themma Macedonia oun Akaya ap t'mende, oun kamenn kova yaake te krell, har t'mer kova krenna.

Hebrearja 10:24

Das yak yek ap o vavareste, te kamell yek o vavares o djiyestar, oun te krell hakeno lačo koova!