2. Korintarja 9:11 - O Debleskro Lab 2024 (Sinte-Manouche)

¹¹ Yob dell t'men yaake boud, te nay denn ninna kolen, kay len či hi. Te lenn yon kova, hoy mer anah lenge, palle parkrenn pen boud menshe pash o Debleste.

O Debleskro Drom 2021 (Sinte)

¹¹ Job dell tumen jaake bud, te nai denn ninna kolen, kai len tchi hi. Te lenn jon kowa, hoi mer anah lenge, palle parkrenn pen bud menshe pash o Debleste.

2. Korintarja 9:11 ပူးပေါင်းရင်းမြစ်များ

2. Familjakro liil 31:10

Oun o baro rashay Asarya dran o kheer Zadok, penas ap leste: “Foun ko tsiro, kay van i menshe an o baro Debleskro kheer oun anan leske, hoy lenge penlo vas, rham oun vam čales, oun ninna ačas boud pral. O baro Devel čivas peskri barht ap peskre menshende. Doleske ačas yaake boud rhapen pral.”

Mateo 20:15

Me krau nay mire loventsa, hoy me kamau. Hoske hal tou čilačo ap mande, te hom me lačo?

Mateo 25:17

Oun ninna kova, kay kol douy gone peskro rayestar las, kova las douy vavar gone pashel.

Remarja 12:8

Pale vavar hayvenn i patslen an o dji te rakrell, te krenn le len zoreles an lengro patsepen. Kolla hounte krenn kova. Pale vavar denn i čorvelende čomone. Koon kova krella, hounte krell les dran i lačo dji. Kote, kay i patsle khetne venna, hi ninna pralstoune pral lende. Kolla hounte krenn pengri boudi o tselo djiyestar. Vavar patsle rikrenn pen ap i rig kolendar, kay djal lenge gar mishto. Koon kova krella, hounte krell les i barhtelo djiyeha.

1. Korintarja 1:5

Yob das t'men boud gosvepen, te nay penenn o Debleskro lab, oun te hayvenn t'mer, hoy yob kamell t'menge te penell.

2. Korintarja 1:11

Ninna mangan t'mer o Debles menge. Te mangenn boud menshe les menge, palle parkrenn pen ninna boud pash leste, te dikenn le o lačepen, hoy yob men das.

2. Korintarja 4:15

Kova lauter, hoy lah ap mende, krah t'menge. Mer kamah, te vell o Debleskro kamlepen pash boud menshende prindjedo, te parkrenn pen boud oun boudeder pash leste, oun sharenn les.

2. Korintarja 8:16

Me parkrau man pash o Debleste, te das yob maro phrales, o Tites, i baro dji t'menge.

2. Korintarja 8:19

Oun kova hi gar lauter! I patsle rodan les vin, te djal lo mentsa khetne ap maro drom pash kol patslende, kolen mer kol love anah. Kova krah, te vell o Devel sharedo, oun te dikenn kol patsle kote maro kamlepen, hoy men lenge hi.

2. Korintarja 9:12

Kova, hoy kran t'mer i čorvele patslenge, hi lenge mishto. Oun kova hi gar lauter. Yon parkrenn pen pash o Debleste. Te parkrenn pen boud menshe pash o Debleste, hi kova ninna boud moldo.