2. Korintarja 9:10 - O Debleskro Lab 2024 (Sinte-Manouche)

¹⁰ O Devel, kay dell o harhes i djob, ninna o maro rhapaske, kova dell t'men ninna, oun krell boudeder dran kova, hoy t'men hi, yaake te vell boud lačepen dran kova, hoy t'mer krenna.

O Debleskro Drom 2021 (Sinte)

¹⁰ O Dewel, kai dell o haches i djob, ninna o maro chapaske, kowa dell tumen ninna, un krell budeder dran kowa, hoi tumen hi, jaake te well bud latchepen dran kowa, hoi tumer krenna.

2. Korintarja 9:10 ပူးပေါင်းရင်းမြစ်များ

1. Mose 47:19

Mouk men gar nashedo te djal, men oun maro them! Gin men oun maro them oun de men te rhal! Mer kamah o baro rayeske te boudrell. Oun maro them dah leste. De men djob, te djivas oun meras gar! Oun de men djob, te čivras kova an i phoub, te vell dran maro them kek moulo them!”

Gosewe laba 11:18

I čilačo mensho lell peske sau koova khetne, hoy leske gar ačell. Koon an o čačepen peskri boudi krell, lell i playsepen, hoy ačell.

Sikepaskro 11:6

Doleske čip o djob taysarla an i phoub, oun mouk gar tele bis an i rati. Tou djineh gar, hoy bares vella, kava te kova, oder hake douy.

Jesaja 55:10

O brishin oun o gib perenn tele dran o bolepen, oun djan gar bouder kote pale. Yon krenn i phoub sapeno, te djal latar zenlepen oun djob vin, yaake te vell i menshen maro te rhal, oun djob, hoy nay vitsrenn le an i phoub o vavar bersh.

Hosea 10:12

Djivenn an o čačepen, te vell lačepen dran t'maro djipen! Krenn t'maro dji neves pre o baro Debleske, yaake har i harho i nevo kotar phoub pre krell o djobeske. Kanna hi o tsiro, te rodenn man, o baro Debles. Palle vau oun čorau o lačepen pral t'mende vin har i brishin.

Mateo 6:1

Denn yak, har krenn t'mer lačo koova! Ma krenn les yaake, te dikenn i menshe kova oun sharenn t'men! Koon t'mendar kova krella, koles dell t'maro dad an o bolepen kek lačepen pale.

2. Korintarja 9:12

Kova, hoy kran t'mer i čorvele patslenge, hi lenge mishto. Oun kova hi gar lauter. Yon parkrenn pen pash o Debleste. Te parkrenn pen boud menshe pash o Debleste, hi kova ninna boud moldo.

2. Korintarja 9:6

Kova hi yaake har pash i harho: Koon čivell gar boud djob an i phoub, kova lell vitar gar boud dran i phoub vin. Oun koon čivell boud an i phoub, kova lell boud dran i phoub vin.

Galatarja 3:5

O Devel das t'men peskro Dourho oun kras pash t'mende boud baro oun zorelo koova, hoy kek vavar nay krella. Kras lo kova, har djivan t'mer pal o Moseskre laba? Na-a! Yob kras kova, har t'mer shounan o Yezousestar oun ap leste patsan.

Efesarja 5:9

Lauter kolla, kay ap leskro drom djana, krenn kova, hoy lačo oun čačo hi, oun penenn o čačepen.

Filiparja 1:11

Oun ko boud lačo oun čačo koova, hoy t'mer kran, krell o Debles bares. Kova kran t'mer an i zoor, hoy o Yezous Kristo das t'men.

Filiparja 4:17

Me penau kova gar, te denn mange čomone. Na-a, kamau, te denn t'mer o Debleske čomone, te sharell yob t'men.

1. Tessalonikarja 3:12

T'menge mangau me maro rayestar, o Yezousestar, te vell t'maro kamlepen baro oun bareder mashkral t'mende oun i vavar menshenge ninna. Yaake baro hi ninna maro kamlepen t'menge.

1. Tessalonikarja 4:10

Oun t'mer krenn o lačepen ap i patslende an o tselo them Macedonia. Mire phrala, moukenn gar tele, te krenn kova boudeder oun feteder!