2. Korintarja 8:9 - O Debleskro Lab 2024 (Sinte-Manouche)

⁹ T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

O Debleskro Drom 2021 (Sinte)

⁹ Tumer djinenn, har latcho maro rai, o Jesus Kristo, ap tumende his. Job his brawelo, un was tumenge tchorwelo. Kowa was lo, te wenn tumer brawelo.

2. Korintarja 8:9 ပူးပေါင်းရင်းမြစ်များ

Jesaja 53:2

Yob vas baro glan o baro Debleste har i sano terno rouk, har i drab hoy dran i trouk phoub vell. Les his kek shoukapen oun kek barepen. Oun har mer les dikam, hatsam či, hoy an mare yaka shoukar vals.

Jesaja 62:1

Te dikau tout, Yerusalem, nay rikrau gar miro mouy, dran o kamlepen ap toute dau gar pre, bis te lell o foro peskro čačepen, oun leskri barht pre djal har o kham oun diklo vell har i yag an i rati.

Jesaja 65:8

Kava penell o baro Devel: Yaake har kek harho peskre drake tele dell oun krik vitsrell, kay gomme mool an lende hi, yaake kamau me ninna te krell mire menshentsa, te moukap len gar lauteren te marell. Hi save mank lende, kay mange koy hi.

Mateo 17:27

Ninna te hi kova yaake, kamah gar, te venn le rhoyedo ap mende. Doleske dja pash o baro pani, oun vitse i raan an o pani! Ko mačo, hoy tou tapreh, koleske kre o mouy pre! Oun tou hatseh an leskro mouy i roupeni bema. Le koy roupeni bema, oun de koy bema kolende, kay len kol love dren! Kova hi doha mange oun touke.”

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Mateo 8:20

Penas o Yezous ap leste: “I divye djouklen hi i čiben an i phoub, kay sovenn le. Oun i čirklen hi tikne khera ap i rouka. Me, o Mensheskro Čavo, man hi či, kay nay čivap man tele, te sovap.”

Markus 6:3

“Hi kova gar ko morsh, kay boudrell i kashtentsa? Hi leskri day gar i Maria? Hi leskre phrala gar o Yakobo, o Yosef, o Simon, oun o Youdas? Oun ninna leskre phenya djivenn pash mende.” Oun yon rhoyran pen pral leste.

Louka 16:11

Te djan t'mer gar mishto trouyel kol loventsa, hoy gar ačenna, koon dell t'men nay ko bravlepen an o vast, hoy ačella?

Louka 2:7

Oun lat vas i čavo. Oun yoy čivas pherne troul leste, oun čivas les kote dren, kay o rhapen i firhenge dren čiddo vella. An i kerčima his lenge kek čiben.

Louka 8:3

Ninna i Susanna djas leha, oun i Yoanna. Lakro rom his o Kouza. Kova his o pralstouno boudepaskro an o Herodeskro kheer. Oun boud vavar djouvya djan leha, te denn le len rhapen oun pipen dran kova, hoy len hi.

Louka 9:58

Penas o Yezous ap leste: “I divye djouklen hi i čiben an i phoub, kay sovenn le. Oun i čirklen hi i tikne khera ap i rouka. Me, o Mensheskro Čavo, man hi či, kay nay čivap man tele, te sovap.”

Johanni 1:10

Kova, kay hi o Lab, his ap i phoub, oun i phoub vas leha kerdo. Oun i menshe ap i phoub prindjran les gar.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

Johanni 12:30

Penas o Yezous: “Ko rakepen vas t'menge rakedo, gar mange.

Johanni 16:15

Halauter, hoy o dades hi, hi ninna miro. Doleske nay penau me: Lauter, hoy yob penell t'menge, vell mandar.

Johanni 17:19

Me dau tout miro tselo djipen. Kova krau lenge, te venn yon ninna tire an o čačepen.

Remarja 11:12

Har i bibolde peran o Debleskro dromestar tele, vas o Debleskri barht pash i tsele menshende ap i phoub. Oun kova, hoy i biboldenge gar mishto hi, vas i barht kolenge, kay kek bibolde hi. Te hi kova yaake, har boud bareder hi koy barht, te venn i tsele bibolde pale ap o Debleskro drom!

Remarja 15:3

Ninna o Yezous Kristo dikas gar ap peste, te djal leske mishto. An o Debleskro lab hi činlo pral leste: O praasepen kol menshendar, kay o Debles praasan, peras ap leste.

Remarja 5:8

O Devel sikras, har baro leskro kamlepen menge hi, har meras o Yezous Kristo menge, har mer gomme čilače hams.

Remarja 8:32

O Devel rikras peskro čaves gar pash peste. Yob das les menge lauterenge an o merepen. Patsenn t'mer gar, te dell lo men khetne leha kova lauter, hoy yob menge penas?

1. Korintarja 1:4

Me parkrau man hako tsiro t'menge pash miro Debleste. Yob hi t'menge yaake lačo oun kras, te prindjrenn t'mer o Yezous Kristes.

1. Korintarja 15:47

O ersto mensho vas i phoubyatar oun dran čik kerdo. O douyto mensho, o Yezous Kristo, vas dran o bolepen.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

Efesarja 2:7

Yaake baro hi leskro lačepen ap mende, kay patsah ap o Yezous Kristeste. Ninna an ko tsiro, hoy vella, dikenna i menshe, har baro leskro lačepen ap mende hi.

Efesarja 3:19

ninna te hi leskro kamlepen bareder har lauter, hoy an mare shere dren djala. Te hayvah leskro kamlepen boud oun boudeder, palle djivell o Devel boud oun boudeder an mende.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Kolossarja 1:24

Oun kanna hom barhtelo an kol douka, hoy anom t'menge ap mande. Yaake har o Yezous Kristo anas douka ap peste i patslenge, yaake hounte anap me ninna douka ap mande i patslenge.

1. Timoteo 6:18

Pen kol bravelenge ninna, te krenn le lačo koova! Lengro dji te vell baro i vavarenge, te denn le ninna i vavaren dran pengro bravlepen!

Hebrearja 1:2

Kanna, an kava tsiro, bičras lo peskro čaves pash mende, te rakras yob ap mende. Koleste das o Devel lauter an leskre vasta, te vell yob o ray pral lauter. Koleha kras lo o bolepen oun i phoub.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

Debleskro tsiro 2:9

Me djinau, te lenn le t'men palla. Ninna djinau, har čorvelo han. Čačepah han t'mer bravelo! Me djinau ninna, te rakrenn kolla djoungeles pral t'mende, kay penenn pendar, te hi le Debleskre menshe. Yon hi kek Debleskre menshe. Na-a, yon hi bengeskre menshe.

Debleskro tsiro 21:7

Kova, kay zoreles an o patsepen ačas, oun gar pre das, kova lell kava shoukar koova mandar. Me vau leskro Devel. Oun yob vell miro čavo.

Debleskro tsiro 3:18

Doleske penau t'menge: Ginenn mandar sonakay, savo sonakay, hoy an i yag thodo vas, yaake te venn t'mer čačepah bravelo. Ginenn mandar ninna parne ripya, oun rivenn kolla ap t'mende, te han bouder gar nango, oun hounte ladjenn t'men bouder gar. Oun ginenn kouč djet, oun makenn t'mare yaka, te nay dikenn pale!