2. Korintarja 8:8 - O Debleskro Lab 2024 (Sinte-Manouche)

⁸ Kova mangau t'men. Me penau gar, te hounte krenn les. Te dikau, havo lačo koova i vavar patsle an o them Macedonia kran, yaake kamau te dikap, te vell t'maro kamlepen dran o dji.

O Debleskro Drom 2021 (Sinte)

⁸ Kowa mangau tumen. Me penau gar, te hunte krenn les. Te dikau, hawo latcho koowa i wawar patsle an o them Macedonia kran, jaake kamau te dikap, te well tumaro kamlepen dran o dji.

2. Korintarja 8:8 ပူးပေါင်းရင်းမြစ်များ

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Remarja 12:9

An t'maro kamlepen hounte vell kek rhorhepen! Moukenn o čilačepen oun krenn o lačepen!

1. Korintarja 7:12

Kol vavarenge penau me, gar o ray Yezous: Te hi i patslo phrales i romni, kay gar patslo hi, oun yoy kamell pash leste te ačell, palle tradell yob lat gar krik.

1. Korintarja 7:25

Pral kol ternende, kay gar romedino hi, hi man kek lab, hoy maro ray Yezous mange penas. Me penau, har me kova dikau. Oun maro ray Yezous his yaake kamlo ap mande oun kras dran mande i morsh, ap koleste i menshe shounenna. Doleske nay patsenn man.

1. Korintarja 7:6

Me penau t'menge kova, te nay krenn kova yaake, oun gar, te hounte krenn les.

2. Korintarja 6:6

Maro djipen sikrella, te ham o Debleskre boudepangre. Mer djivah i djoudjo djipen oun djinah, hoy o Devel kamella. Mer vah gar khino an mare djia, ham kamlo, oun krah, hoy o Debleskro Dourho menge penella. Oun an maro kamlepen hi kek rhorhepen.

2. Korintarja 8:10

Me patsau, kova hi mishto t'menge, te čivenn t'mer love pale khetne, yaake har kran kova glan yek bersh.

2. Korintarja 8:24

Lenn len pre an o tselo kamlepen, te dikenn i tsele patsle, kay khetne venna, kay mer sharam t'men gar čičeske glan lende.

2. Korintarja 9:2

Me djinau, t'mer kamenn o tselo djiyestar kol patslenge an o foro Yerusalem love khetne te čivell. Dran kova sharom t'men pash kolende an o them Macedonia oun penom: “Glan yek bersh lan kol phrala an o them Akaya love khetne.” Har yon kova shounan, kaman boud lendar yaake te krell, har t'mer kran.

2. Korintarja 9:7

Hakeno hounte dell yaake boud love, har leskro dji leske penella. Les hounte khaytell kova gar, hoy yob das! Yob dell kova pestar oun gar, har te kaman le les lestar. O Devel kamell kol menshen, kay denn o djiyestar.

Efesarja 4:15

Mer hounte djivas an o čačepen oun penas o čačepen i menshenge. Maro kamlepen hounte vell kek rhorheno kamlepen. Yaake vah mer boud oun boudeder har o Yezous Kristo. Kova hi o pralstouno pral lauterende, kay patsenn ap leste.

Efesarja 6:24

O Debleskro lačepen vell pral lauterende, kay kamenn maro rayes, o Yezous Kristes, o tselo djiyeha! Yob dell len o djipen, hoy gar pre-herella!

Hebrearja 10:24

Das yak yek ap o vavareste, te kamell yek o vavares o djiyestar, oun te krell hakeno lačo koova!

Josua 24:14

Oun o Yosua penas doureder: “Pash halauter, hoy krenn, rikrenn t'menge o baro Debles glan i yaka! Mangenn les an i djoudjo oun čačo djiyeha! Čivenn i rhorhene deblen krik, kolen t'mare phoure an-mangan, har his le ap i vavar rig o panyestar Eufrat oun an o them Egiptia. Mangenn kokres o baro Debles an!

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!