2. Korintarja 8:6 - O Debleskro Lab 2024 (Sinte-Manouche)

⁶ Har kova dikam, mangam mer maro phrales, o Tites, te djal lo pale pash t'mende, te lell lo kol love, hoy t'mer khetne čivan, yaake har yob kova ninna glan i tsiro kras. Yaake vell kay lači boudi kanna lauter kerdo.

O Debleskro Drom 2021 (Sinte)

⁶ Har kowa dikam, mangam mer maro phrales, o Tites, te djal lo pale pash tumende, te lell lo kol lowe, hoi tumer khetne tchiwan, jaake har job kowa ninna glan i tsiro kras. Jaake well kai latchi budi kanna lauter kerdo.

2. Korintarja 8:6 ပူးပေါင်းရင်းမြစ်များ

Bičepangre 24:17

Boud bersha homs an i vavar themma. Kanna vom pale an o foro Yerusalem, te anap mire menshenge love, hoy vavar dan. Ninna vom, te rhačrap firhen o Debleske an o Debleskro baro kheer.

Remarja 15:25

Glan kova, kay vau pash t'mende hounte djap an o foro Yerusalem, te anap kote i čorvele patslenge kol love, hoy i patsle an i themma Macedonia oun Akaya kolenge khetne čivan.

2. Korintarja 12:18

Me mangom o Tites, te djal lo pash t'mende, oun bičrom i vavar phrales leha. Nay penenn t'mer, kay o Tito t'mendar čomone čoras? Na-a! O Tites hi o emligo baro dji t'menge har man. Mer douy djah ninna ko emligo drom.

2. Korintarja 2:13

Miro phraal, o Tito, kamas ninna an kava foro te vell. Har vas lo gar, vas man i daar, oun me penom lenge: “Ačenn mo Debleha!” oun djom mange an o them Macedonia.

2. Korintarja 8:10

Me patsau, kova hi mishto t'menge, te čivenn t'mer love pale khetne, yaake har kran kova glan yek bersh.

2. Korintarja 8:19

Oun kova hi gar lauter! I patsle rodan les vin, te djal lo mentsa khetne ap maro drom pash kol patslende, kolen mer kol love anah. Kova krah, te vell o Devel sharedo, oun te dikenn kol patsle kote maro kamlepen, hoy men lenge hi.

2. Korintarja 8:23

O Tito hi miro maal oun boudrell mantsa t'menge. Kol vavar phrala van kol patslendar bičedo, kay an vavar gaba oun forya khetne venna. Kal douy phrala hi morsha, kay krenn o Debleske kek ladj, na-a, yon boudrenn yaake, te vell o Yezous Kristo sharedo.

2. Korintarja 8:4

Yon mangan men o tselo djiyeha, te moukas mer len lačo koova te krell i patslenge an o foro Yerusalem.

2. Korintarja 9:5

Doleske mangom kol phralen, te djan yon glan mende, oun lenn kol love, hoy t'mer khetne čivan. Yaake hounte čivenn t'mer gar kol love sik khetne ap ko dives, kay mer vah. Oun kol love, hoy t'mer denn, vell o djiyestar, oun gar dran o boklepen.

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

1. Petro 4:10

Hakeno t'mendar las i boudi o Deblestar, te nay krell lo i vavarengro patsepen zoreles. Krenn koy boudi! Avenn yek o vavareske koy! Yaake han t'mer lače boudepangre o Debleske.