2. Korintarja 8:5 - O Debleskro Lab 2024 (Sinte-Manouche)

⁵ Kova, hoy yon kran, his boudeder har mer patsam. Yon čivan pen an o vast o Yezousestar, maro rayestar, oun pal kova an mare vasta, yaake har o Devel kova kamas.

O Debleskro Drom 2021 (Sinte)

⁵ Kowa, hoi jon kran, his budeder har mer patsam. Jon tchiwan pen an o wast o Jesusestar, maro rajestar, un pal kowa an mare wasta, jaake har o Dewel kowa kamas.

2. Korintarja 8:5 ပူးပေါင်းရင်းမြစ်များ

1. Familjakro liil 12:18

Oun o David djas pash lende vin, oun penas ap lende: “Van t'mer an o kamlepen pash mande, te rikrenn pash mande, palle hi miro dji t'mentsa yek! Te van te phoukrenn ap mande pash kolende, kay kamenn man te marell, palle mou dikell o Devel mare dadendar koy pal, oun mou dell t'men i phagi. Yob djinell, kay krom kek čilačo koova.”

2. Familjakro liil 30:12

Oun o Debleskro vast his pral o them Youda, te kran le yek djiyeha, hoy o baro ray oun i pralstoune lenge penan, oun hoy o baro Devel lendar kamella.

2. Familjakro liil 30:8

Ma krenn t'mare djia har bar, har les t'mare phoure kran! Shounenn ap o baro Debleste! Oun avenn an leskro kheer, koles yob peske vin rodas hako tsireske, oun mangenn les an, kay t'maro Devel hi! Palle djal leskri bari rholi t'mendar krik.

Jeremia 31:33

Ko nevo koova, hoy palle i menshentsa Israel vin krau, hi vavarčandes. Me dau len mire laba an lengre djia oun an lengre sherya. Me vau lengro Devel, oun yon venn mire menshe. Kava penell o baro Devel.

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

Remarja 6:13

Denn yak, te krenn či t'mare vastentsa, heryentsa, yakentsa oun mouyentsa, hoy krell o čilačepen ap kay phoub zorleder! Djivenn o tselo djiyeha o Debleske, har save, kay his moulo, oun van pale djido. Krenn kova lauter, hoy krell o lačepen zorleder!

1. Korintarja 1:1

Kava liil činau me, o Paulo. O Yezous Kristo rodas man vin, te vap leskro bičepaskro. Kova kamas o Devel yaake. Oun me oun maro phraal Sostenes činah kava liil

2. Korintarja 4:5

Lestar rakrah mer, oun gar mendar. Mer penah i menshenge, o Yezous Kristo hi o ray. Oun mer ham leskre boudepangre oun boudrah t'menge.

2. Korintarja 8:1

Mire phrala, mer kamah t'menge te penell, havo lačepen o Devel kote kras, kay i patsle an o them Macedonia khetne venna.

1. Samuel 1:28

Doleske dau les me kanna ninna o baro Debleste pale, te vell lo leskro, yaake rah har yob djivella.” Oun yon mangan kote o baro Debles an.